Ángel Segundo Médici

Ángel Segundo Médici
	;
Biografía
Nacemento	20 de decembro de 1897 ; Buenos Aires, Arxentina
Morte	9 de agosto de 1971 (73 anos); Buenos Aires, Arxentina
Lugar de sepultura	Cemiterio de La Chacarita
Actividade
Ocupación	futbolista, adestrador de fútbol
Nacionalidade deportiva	Arxentina
Deporte	fútbol
Posición de xogo	Defensa
–
Traxectoria
Participou en
1928	Xogos Olímpicos de 1928

Ángel Segundo Médici, nado o 20 de decembro de 1897 en Buenos Aires e finado o 9 de agosto de 1971 foi un futbolista arxentino que xogaba na demarcación de defensa.

Traxectoria

Comezou a xogar no Club Atlético San Telmo en 1915, de onde partiu en 1918 para fichar polo Club Atlético Atlanta. Recalou definitivamente en Boca Juniors no ano 1922, nesta época tamén comezou a súa participación coa Selección de fútbol da Arxentina.

En Boca xogou 8 tempadas, disputando 185 encontros e gañando nove títulos, entre eles catro campionatos nacionais (1923, 1924, 1926 e 1930) sendo os tres primeiros da Argentine Football Association, unha das dúas asociacións de fútbol existentes, e o último da Liga unificada.

En 1925 participou na xira que o club xeneize realizou por Europa, na que marcou dous goles, e pola que o equipo recibiu o título de Campión de Honra do Campionato Arxentino.

Foi internacional coa Selección de fútbol da Arxentina entre os anos 1922 e 1930, disputando 33 encontros e integrando o equipo que gañou unha medalla de prata nos Xogos Olímpicos de 1928 e o que se proclamou subcampión do Mundial de Fútbol Uruguai 1930.

Retirouse en 1931, ano no que chega o profesionalismo ao fútbol arxentino.

Unha vez fora dos campos de xogo foi director técnico do Club Atlético Barracas Central.

Palmarés

Campionatos nacionais

Título	Club	País	Ano
Primeira División da Arxentina	Boca Juniors	Arxentina	1923
Copa Ibarguren	Boca Juniors	Arxentina	1923
Primeira División da Arxentina	Boca Juniors	Arxentina	1924
Copa Ibarguren	Boca Juniors	Arxentina	1924
Campión de Honra	Boca Juniors	Arxentina	1925
Copa Competencia	Boca Juniors	Arxentina	1925
Primeira División da Arxentina	Boca Juniors	Arxentina	1926
Copa Estímulo	Boca Juniors	Arxentina	1926
Primeira División da Arxentina	Boca Juniors	Arxentina	1930
Primeira División da Arxentina	Boca Juniors	Arxentina	1926

Participación coa Selección Arxentina

Campionatos suramericanos

Ano	Sede	Resultado
1923	Uruguai	Subcampión
1924	Uruguai	Subcampión
1925	Arxentina	Campión
1926	Chile	Subcampión
1927	Perú	Campión

Xogos Olímpicos

Ano	Sede	Resultado
1928	Ámsterdan	Subcampión

Véxase tamén

Ligazóns externas

Estadísticas do xogador Arquivado 24 de setembro de 2019 en Wayback Machine.
Traxectoria en Boca
Segundo Médici^{[Ligazón morta]}