Laysan
| ||||
| Tipo | illa  | |||
|---|---|---|---|---|
| Parte de | Illas de Sotavento, Hawai | |||
| Situado na entidade xeográfica | Hawai | |||
| Localizado na área protexida | Refuxio Nacional de Vida Silvestre das Illas Hawaianas | |||
| Localización | ||||
| División administrativa | condado de Honolulu, Estados Unidos de América | |||
| ||||
| Bañado por | Océano Pacífico | |||
| Características | ||||
| Altitude | 12 m | |||
| Dimensións | 2 ( ) × 3 ( ) km | |||
| Superficie | 4,114 km² | |||
Laysan (en hawaiano Kauō, historicamente Moller) é unha das illas de Sotavento de Hawai. Está situada a 1.500 km ao noroeste de Honolulú.
Xeografía
[editar | editar a fonte]Laysan é unha illa baixa de area cun lago interior que está a 2,4 metros sobre o nivel do mar. A superficie total é de 4,11 km². O lago ten un grao de salinidade de entre 12 e 14%, o triplo que a auga do mar.
Laysan ten dúas especies endémicas en perigo de extinción: o pato anas laysanesis e o pardal telespyza cantans.
Historia
[editar | editar a fonte]Laysan foi descuberta o 12 de marzo de 1828 polo capitán Stanikowitch do barco ruso Moller. En 1857 foi anexionada ao Reino de Hawai e en 1890 foi cedida a unha compañía norteamericana para a explotación do guano. En doce anos de actividade mineira destruíuse o ecosistema da illa. A importante colonia de aves mariñas, especialmente de albatros, estivo en perigo de extinción. Por outra banda os traballadores do guano introduciron coellos que se reproduciron rapidamente ata devorar practicamente toda a vexetación. Ademais, os comerciantes xaponeses viñan a recoller plumas de aves. En 1909 o presidente Theodore Roosevelt declarou a maioría de illas de sotavento como reserva natural para a protección das aves. En 1923 extermináronse aos coellos e fíxose un esforzo para recuperar a vexetación nativa.
