Lev Iashin

Lev Iashin

(1966)
Nome orixinal	(ru) Лев Иванович Яшин
Biografía
Nacemento	21 de outubro de 1929 Moscova (Unión Soviética)
Morte	20 de marzo de 1990 (60 anos) Moscova (Unión Soviética)
Causa da morte	cancro de estómago
Lugar de sepultura	Vagankovo Cemetery (en)
Datos persoais
País de nacionalidade	Unión Soviética
Grupo étnico	Pobo ruso
Educación	Russian State University of Physical Education, Sport, Youth and Tourism (en)
Altura	189 cm
Peso	82 kg
Actividade
Ocupación	futbolista , xogador de hóckey sobre xeo
Período de actividade	1949 - 1971
Partido político	Partido Comunista da Unión Soviética (1959–)
Lingua	Lingua rusa
Nacionalidade deportiva	Unión Soviética
Deporte	fútbol hóckey sobre xeo
Posición de xogo	Gardameta
Traxectoria   Equipo - HC Dynamo Moscova 1950-1970 FC Dinamo Moscova 326 (0)   Selección nacional 1954-1970   Selección de fútbol da Unión Soviética 78 (0)
Participou en
1970	Mundial de Fútbol México 1970
xullo de 1966	Mundial de Fútbol Inglaterra 1966
xuño de 1964	Eurocopa de Fútbol España 1964
1962	Mundial de Fútbol Chile 1962
xullo de 1960	Eurocopa de Fútbol Francia 1960
xuño de 1958	Mundial de Fútbol Suecia 1958
1956	Xogos Olímpicos de 1956
Premios (1990)  Heroe do Traballo Socialista (1960, 1990)  Orde de Lenin (1957)  Mestre emérito do deporte da Unión Soviética (1957, 1971)  Bandeira Vermella do Traballo (1945)  Medalla polo Traballo Valente na Gran Guerra Patria 1941-1945  Ballon d'Or 1963 (en)  Medalla de veteranos das Forzas Armadas da URSS  Balón de Ouro  Mestre do Deporte da URSS, Clase Internacional  Medalla polo Servizo Impecable, 3ª Clase  Medalla polo Servizo Impecable, 2ª Clase

Lev Ivanovich Iashin (en ruso: Лев Иванович Яшин), nado o 22 de outubro de 1929 e finado o 20 de marzo de 1990, foi un porteiro soviético de fútbol, considerado por moitos o mellor porteiro da historia.

Traxectoria

Nado en Moscova (URSS) o 22 de outubro de 1929, toda a súa carreira transcorreu no Dinamo de Moscova, chegando a xogar 22 temporadas, entre os anos 1948 e 1970. Así mesmo foi titular indiscutible na selección nacional da Unión Soviética entre os anos 1954 e 1967 xogando 78 encontros.

Comezou sendo porteiro de hóckey sobre xeo no equipo da fábrica de ferramentas na que traballaba, pero aos 17 anos debeu substituír o porteiro do equipo de fútbol, dando alí os seus primeiros pasos neste deporte. En 1949 ingresou no Dínamo de Moscova equipo fundado no exército soviético, club no que desenvolveu toda a súa carreira, gañando cinco Ligas rusas e tres Copas.

Nos seus inicios no Dinamo estaba como terceiro porteiro, polo que ante a falta de oportunidades xogaba tamén no equipo de hóckey sobre xeo do Dinamo, co que gañou a Copa da URSS de 1953.

Entre o seu palmarés destacan os títulos de liga co Dínamo nos anos 1954, 1955, 1957, 1959 e 1963, e de copa en 1953, 1967 e 1970. A nivel internacional, logrou coa URSS a medalla de ouro nos Xogos Olímpicos de 1956 e a Eurocopa de 1960.

Retirouse no ano 1971, nun partido entre o Dínamo de Moscova e un equipo de estrelas europeas.

Durante a súa carreira foi quen de deter 150 penaltis, e a súa porta permaneceu 270 partidos a cero.

Morreu en marzo de 1990, á idade de 60 anos.

Trátase do porteiro por excelencia. Foi coñecido como a "araña negra" pola súa indumentaria e pola súa calidade. Excepcional en tódalas facetas do xogo, cuns asombrosos reflexos, magnífica colocación e poderosas saídas. Iashin é o único porteiro que gañou un Balón de Ouro (1963).

Clubs

Club	País	Ano
FC Dinamo Moscova	Unión Soviética	1949−1971

Véxase tamén

Outros artigos

• Club Lev Iashin