Santiago Freire
 (2011)  | |
| Biografía | |
|---|---|
| Nacemento | 1967 (56/57 anos) Carantoña, España |
 Alcalde de Noia | |
| 2016 – ← Miguel Paz Barreiro | |
 Alcalde de Lousame | |
| 2003 – 2012 (dimisión) ← José Ramón Vidal Castelo – Teresa Villaverde Pais → | |
| Actividade | |
| Ocupación | político |
José Santiago Freire Abeijón, nado en Carantoña, na parroquia de Tállara (Lousame) en 1967, é un veterinario e político galego do PPdeG, que foi alcalde de Lousame e na actualidade é o alcalde de Noia.
Traxectoria
Estudou o bacharelato no Instituto de Noia e Veterinaria na Facultade de León. Exerceu como veterinario no ámbito privado e acadou unha praza de inspector de Saúde Pública. Nas eleccións municipais de 2003 encabezou a candidatura do PPdeG no concello de Lousame, conseguindo a alcaldía grazas ao apoio dunha concelleira independente, desbancando ao PSdeG-PSOE que levaba gobernando o concello dende as primeiras eleccións democráticas. Nas seguintes eleccións de 2007 e 2011 revalidou a alcaldía por maioría absoluta, e nese último ano foi designado deputado provincial. En setembro de 2012 renunciou á alcaldía e ó seu escano na deputación para formar parte da candidatura do PPdeG para eleccións autonómicas do 21 de outubro de 2012, nas cales resultou elixido deputado no Parlamento de Galicia.
Nas eleccións municipais de 2015 encabezou a candidatura do PPdeG á alcaldía de Noia. A súa candidatura foi a máis votada pero non obtivo a maioría absoluta e quedou na oposición durante uns meses, ata que en febreiro de 2016 e grazas a unha moción de censura co apoio de Noieses Independientes Agrupados (NO.I.A) accedeu ao posto de alcalde e pasou a gobernar en coalición con esta formación[1]. Nas eleccións de 2019 e 2023 logrou de novo alcaldía co apoio do NOIA.
| Predecesor: José Ramón Vidal Castelo |
Alcalde de Lousame 2003 - 2012 |
Sucesor: Teresa Villaverde Pais |
| Predecesor: Miguel Paz Barreiro |
 Alcalde de Noia 2016 - actualidade |
Sucesor: no cargo |
Notas
- ↑ Santiago Freire, do PP, xa é o alcalde de Noia, La Voz de Galicia, 17/02/2016.