Dahshur

Dahshur
Localización
	29°48′00″N 31°14′00″L / 29.8, 31.2333
Estado	Exipto
Gobernación	Governación de Guiza
Markas of Egypt (en)	Markaz al Badrashayn (en)
Xeografía
Parte de	Mênfis e a sua necrópole (pt)
Creación	2589 a. C.
Identificador descritivo
Fuso horario	UTC+02:00
Candidato a Patrimonio da Humanidade
Data	1 de novembro de 1994
Identificador	191

Modelo:Patrimonio Mundial

Este artigo amosa letras árabes. Sen o soporte axeitado, o texto pode mostrar símbolos sen sentido, coma caixas, marcas e outros.

Dahshur (árabe: دهشور) é unha poboación exipcia situada a uns 40 quilómetros ao sur de O Cairo, coñecida por ter unha gran necrópole real, situada nunha zona desértica na marxe oeste do río Nilo e varias pirámides, dúas das máis antigas, máis grandes e mellor conservadas en Exipto.

Restos arqueolóxicos

A Pirámide acodada e a Pirámide Vermella construíronse durante o reinado do faraón do Reino Antigo Snefru, o pai de Khufu. A forma orixinal da Pirámide acodada é extraordinaria e representa unha forma piramidal de transición, mentres que a Pirámide Vermella é a primeira pirámide clásica ou de caras triangulares do mundo.

Dahshur foi a necrópole real de Exipto durante o reinado de Amenemhat II, faraón da XII dinastía. A pirámide de Amenemhat II deteriorouse un pouco, pero nas súas proximidades atopáronse varias tumbas non saqueadas de damas reais, que aínda contiñan moitas xoias.

O pirámide de Sesostris III formaba parte dun enorme complexo con varios prámides menores para damas reais e un templo, ao sur da pirámide. Nunha tumba, á beira da rúa da pirámide, atopáronse os tesouros das "fillas do faraón".

A Pirámide negra data do reinado do faraón posterior Amenemhat III, aínda que nun estado moi deteriorado aínda é o monumento máis impoñente na área tras as dúas pirámides de Seneferu. O brillante pramidón feito de granito que coroaba a Pirámide negra exponse no salón principal do Museo do Cairo.

Xunto da pirámide se atopou a tumba, en parte expoliada, do faraón Hor da XIII dinastía e adxacente a da súa posible filla Nubhetepti-Jered. Hai outras pirámides da décimo terceira dinastía en Dahshur, pero só excavouse a de Ameny Qemau.

No arredores das pirámides de Dahshur atopáronse extensos cemiterios de funcionarios do Imperio Antigo e Imperio Medio.

Patrimonio da Humanidade

En 1979, o conxunto de Menfis a súa necrópole e os campos de pirámides de Gizeh, Abusir, Saqqara e Dahshur) declarouse Patrimonio da Humanidade da UNESCO co nome Memphis e a súa necrópole - Zonas das pirámides de Giza a Dahshur. Está clasificado como cultural (criterios I, III, VI) co número de identificación 86 [1].