Herbert Spencer

Herbert Spencer
	;
Biografía
Nacemento	27 de abril de 1820 ; Derby, Reino Unido (pt)
Morte	8 de decembro de 1903 (83 anos); Brighton, Reino Unido
Lugar de sepultura	cemiterio de Highgate
Relixión	Agnosticismo
Actividade
Campo de traballo	Botánica
Ocupación	filósofo, sociólogo, escritor, botánico, xornalista, antropólogo, psicólogo, economista, biólogo
Empregador	The Economist
Membro de	Accademia delle Scienze di Torino (1880–); Athenaeum Club (en) ; X Club (pt)
Movemento	Pensamento libre, positivismo e Utilitarismo
Obra
	Obras destacables Social Statics (en) ; (década de 1800) The Study of Sociology (en) ; (1872) Mr. Martineau on Evolution (en) ;
Abreviación dun autor en botánica	Spencer
Familia
Cónxuxe	sen valor
Pai	William George Spencer
	Sinatura
Descrito pola fonte	Grande Enciclopedia Soviética 1969-1978, (sec:Спенсер Герберт); Pequeno Dicionario Enciclopédico de Brockhaus e Efron; Dicionario Enciclopédico Brockhaus e Efron

Herbert Spencer, nado en Derby o 27 de abril de 1820 e finado en Brighton o 8 de decembro de 1903, foi un filósofo, psicólogo e sociólogo inglés. Fundador da filosofía evolucionista en Gran Bretaña e un dos máis ilustres positivistas do seu país.

Traxectoria

Enxeñeiro civil e de formación autodidacta, interesouse tanto pola ciencia como polas letras. En 1848 asumiu a dirección da revista The Economist, órgano do liberalismo radical da época.

Desde o punto de vista sociolóxico pode considerarse o primeiro autor en utilizar de forma sistemática os conceptos de estrutura e función. Por outra parte, concibiu a socioloxía como un instrumento dinámico ó servizo da reforma social. Adicou a súa vida a elaborar o seu sistema de filosofía evolucionista, na que considera a evolución natural como clave de toda a realidade, co que partindo da lei mecánico-materialista cabe explicar calquera nivel progresivo: a materia, o biolóxico, o psíquico, o social etc.

Nas súas lecturas coñeceu a teoría da evolución exposta a finais do século XVIII polo naturalista francés Lamarck. A súa teoría, hoxe desacreditada, sostiña que os trazos adquiridos dun organismo eran hereditarios. As teorías de Lamarck sobre a evolución influíron profundamente na obra de Spencer.

Aplicou a teoría da evolución ás manifestacións do espírito e ós problemas sociais, entre eles o da educación, coa súa obra Education : intellectual, moral, and physical (Educación: intelectual, moral, física). A súa doutrina quedou principalmente exposta no seu A system of synthetic philosophy (Sistema de filosofía sintética en 11 volumes). Da súa extensa bibliografía cabe mencionar: Social statics (1850), The principles of psychology (Principios de psicoloxía, 1855), First principles (Primeiros principios, 1862), The principles of biology (Principios de bioloxía, 1864), The classification of the sciences (A clasificación das ciencias, 1864), Descriptive sociology (A socioloxía descritiva, 1873), Principles of sociology (Principios de socioloxía, 1877-1896) e The man versus the state (O individuo contra o Estado, 1884).

O, en ocasións, extremado realismo de Spencer posuíu (polas súas semellanzas co mecanicismo) varios críticos, entre os que destacou o filósofo e psicólogo escocés Alexander Bain.

Malia que Spencer non logrou crear escola, o seu ambicioso intento de sistematizar todo o coñecemento dentro do marco da ciencia moderna e especialmente en termos da evolución, fíxoo merecedor de figurar entre os principais pensadores de finais do século XIX.

Véxase tamén

Ligazóns externas

Natureza educativa (en castelán)

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.