Vitória, Espírito Santo

Vitória, Espírito Santo

Bandeira Brasón
Himno	Hino do município de Vitória (pt)
Epónimo	Nossa Senhora da Vitória (pt)
Localización
20°18′38″S 40°17′50″O
Estado	Brasil
Unidades da federación	Espírito Santo
Capital de	Espírito Santo
Poboación
Poboación	322.869 (2022) (3.344,55 hab./km²)
Xeografía
Superficie	96,536 km²
Altitude	4 m
Comparte fronteira con	Vila Velha (pt) Cariacica (pt) Serra (pt)
Creación	1551 (Gregoriano)
Organización política
• Prefeito (pt)	Lorenzo Pazolini (pt) (2025–2028)
Órgano lexislativo	câmara municipal de Vitória (pt) , (Escano: 15)
Identificador descritivo
Código postal	29000-000
Prefixo telefónico	27
Código de concello do Brasil	3205309
Outro
Irmandado con	Communauté urbaine de Dunkerque (en) Dunkerque Zhuhai (pt) Vitoria Jersey City Iquique Mobile (pt) Qingdao Condado de Miami-Dade (pt) Cascais (1986–)
Sitio web	vitoria.es.gov.br

Vitória é unha cidade brasileira, capital do estado do Espírito Santo, e unha das tres illas-capitais do Brasil (as outras son Florianópolis e São Luís do Maranhão). Está localizada na Rexión Sueste. Limita ao norte co municipio da Serra, ao sur con Vila Velha, ao leste co océano Atlántico e ao oeste con Cariacica.

Cunha poboación de 327.801 habitantes, segundo estimacións de 2010 do IBGE, a cidade é a cuarta mais poboada do estado (tralos municipios limítrofes da súa área metropolitana: Vila Velha, Serra e Cariacica) e integra unha área xeográfica de gran nivel de urbanización denominada Rexión Metropolitana da Gran Vitória, formada polos municipios de Vitória, Cariacica, Fundão, Guarapari, Serra, Viana e Vila Velha.

Vitória está cercada pola Baía de Vitória, é unha illa de tipo fluviomariño. Ademais da illa principal, Vitória, fan parte do municipio outras 34 illas (algunhas a máis de 1100 km da costa) e unha porción continental, obtendo un total de 93,381 km². Orixinalmente eran 50 illas.

Entre as capitais do Brasil, Vitória posúe o 3° mellor IDH e o maior PIB per capita.

Vitória posúe dous grandes portos, o Porto de Vitória e o Porto de Tubarão. Eses portos fan parte do maior complexo portuario do Brasil, que inclúe varios portos do estado, e son considerados os mellores do Brasil.

A cidade administra a Illa de Trindade e a Illa de Martim Vaz, a 1100 km da costa, que son importantes bases meteorolóxicas por causa da súa posición estratéxica, en área de dispersión de masas de aire.

Vista da cidade de Vitória, capital do Espírito Santo.

Xeografía

Relevo

O relevo das illas é un prolongamento do continental, de constitución granítica, circundado polo mar e áreas de mangleiral e restinga. O punto máis alto da illa de Vitória, Morro da Fonte Grande, posúe altitude de 308,8 m. Outros puntos elevados son a Pedra dos (Dous) Olhos con 296 m e o Morro de San Benedito con 194 m de altitude.

Clima

O clima da cidade é tropical húmido, con temperatura media mensual máxima de 30 °C e mínima de 24 °C, con caídas de choiva máis frecuentes nos meses de outubro a xaneiro.

Palacio Anchieta, sede do goberno do Estado.

Economía

A economía de Vitória é volta para as actividades do porto, ó comercio activo, á industria, ós servizos e tamén ó turismo. A cidade conta con dous portos que están dentre os máis importantes do país: O Porto de Vitória e o Porto de Tubarão.

As industrias máis importantes da capital son a Companha Siderúrgica de Tubarão (CST) e a Companhia Vale do Rio Doce (CVRD). O turismo de negocios é o máis frecuente na cidade, xa que o turismo de lecer non é moi explorado.