Miguel Ángel Moratinos

Miguel Ángel Moratinos Cuyaubé, nado en Madrid o 8 de xuño de 1951, é un político e diplomático español.

Miguel Ángel Moratinos

(2008)
Biografía
Nacemento	(es) Miguel Ángel Moratinos Cuyaubé 8 de xuño de 1951 (73 anos) Madrid, España
Deputado no Congreso dos Deputados
26 de marzo de 2008 – 27 de setembro de 2011 Lexislatura: IX lexislatura de España Circunscrición electoral: Córdoba (en) Electo en: Eleccións Xerais 2008 en España
Deputado no Congreso dos Deputados
30 de marzo de 2004 – 15 de xaneiro de 2008 Lexislatura: VIII lexislatura de España Circunscrición electoral: Córdoba (en) Electo en: Eleccións Xerais 2004 en España
EU Special Representative for the Middle East peace process (en)
25 de novembro de 1996 – 31 de maio de 2002
Ambassador of Spain to Israel (en)
1996 – 1996
Ministerio de Asuntos Exteriores e de Cooperación de España
Datos persoais
Educación	Universidade Complutense de Madrid Liceo Francés de Madrid
Actividade
Lugar de traballo	Madrid
Ocupación	diplomático, político, xurista
Empregador	Universidade Complutense de Madrid
Partido político	Partido Socialista Obrero Español
Premios
(2010)  Gran Cruz da Orde de Carlos lll (25 de setembro de 2006)  Gran Cruz da Orde do Infante Don Henrique (8 de xullo de 2004)  Gran Cruz da Orde O Sol do Perú  Order of Independence (en)  Gran Cruz da Orde do Mérito da República de Polonia  Orden do Libertador Xeneral San Martín  Grande Oficial da Orde das Tres Estrelas  Order of José Matías Delgado (en)  Orde de Sikatuna  Order of the Republic (en)  Order of the Quetzal (en)  comandante da Lexión de Honra  Orde de Vasco Núñez de Balboa  Order of the Serbian Flag (en)  Order of Saint Agatha (en)  Orde da Cruz de Terra Mariana de 1ª clase  Gran Cruz da Orde do Mérito da República de Polonia  Order of Prince Yaroslav the Wise, 2nd class (en)  Orde Nacional Maltesa do Mérito

Traxectoria

Tras estudar no Liceo Francés de Madrid, licenciouse en Dereito e en Ciencias Políticas. Fala español, francés, inglés, ruso e serbio. Ingresou na carreira diplomática, traballando no Ministerio de Asuntos Exteriores desde 1974 a 1979 como Director para Europa do Leste. Despois estivo destinado na Embaixada de España en Iugoslavia ata 1984, desde onde pasou á de Marrocos ata 1987, momento no que foi nomeado Subdirector Xeral para África do Norte. En 1991 dirixe o Instituto para a Cooperación co Mundo Árabe, converténdose nun especialista en Oriente Próximo, moi respectado tanto por árabes como por israelís,^{[Cómpre referencia]} sendo nomeado Director Xeral de Política Exterior para África Subsahariana e Oriente Medio en 1993, e trala chegada do PP, Embaixador en Israel en 1996 ata que ese mesmo ano, a Unión Europea lle confiou a alta representación da mesma no proceso de paz árabe-israelí, cargo que desenvolveu ata 2003.

En 2004 foi elixido Deputado ó Congreso polo PSOE e foi nomeado por José Luis Rodríguez Zapatero, Ministro de Asuntos Exteriores e de Cooperación de España, sendo unha das súas primeiras misións a retirada española da Guerra de Iraq, o que lle causa suspicacias co goberno dos Estados Unidos de América.^{[Cómpre referencia]} Cesou do seu posto como ministro en outubro de 2010, ao ser substituído por Trinidad Jiménez.

No 2007 Moratinos foi o Presidente da Organización para a Seguridade e a Cooperación en Europa.

Distincións

Entre as honras máis destacadas que recibiu encóntranse as de:

• Cabaleiro da Orde do Mérito Civil.
• Oficial da Orde de Isabel a Católica.
• Oficial da Orde de Alaouite Ouissan de Marrocos.
• Varias condecoracións en Israel, Países Baixos e Tunisia polo seu labor á fronte do proceso de paz en Oriente Medio
• Doutor Honoris Causa pola Universidade da Valeta, Malta