Lingua húngara
O húngaro[2] e unha lingua da familia fino-úgrica. Fálase en Hungría e áreas adxacentes de Romanía, Serbia, Eslovaquia, Croacia, Austria e Eslovenia. O nome da lingua en húngaro e Magyar. Dos 14,5 millóns de falantes, uns 10 millóns viven na Hungría. O pobo que orixinou a lingua, os maxiares, emigraron dos Montes Urais no século IX para o oeste, fixándose na actual Hungría.
| Húngaro Magyar | ||
|---|---|---|
| Falado en: | Hungría, e minorías en Austria, Israel, Romanía, Eslovaquia, Eslovenia, Ucraína, Serbia | |
| Rexións: | Europa oriental | |
| Total de falantes: | 14,5 millóns | |
| Posición: | 66 | |
| Familia: | Urálica Fino-Úgrica Úgrica Húngaro | |
| Status oficial | ||
| Lingua oficial de: |  Hungría Voivodina (Serbia) Unión Europea
| |
| Regulado por: | Instituto de Investigación de Lingüística da Academia Húngara de Ciencias | |
| Códigos de lingua | ||
| ISO 639-1: | hu
| |
| ISO 639-2: | hun | |
| ISO 639-3: | hun
| |
| SIL: | HNG
| |
| Mapa | ||
| ||
| Status | ||
 | ||
Clasificación
editarO húngaro pertence ao grupo das linguas ugrofinesas da familia das linguas urálicas, máis especificamente, dentro do subgrupo das linguas ugrias. Xunto co estoniano, o éuscaro e o finés, pertence ao grupo das linguas europeas que non son da familia das linguas indoeuropeas, coas que tamén comparte o trazo tipolóxico de ser unha lingua aglutinante.
Esta é a teoría aceptada entre os lingüistas profesionais, se ben existen outras que pretenden emparenta-lo co turco polas semellanzas que comparten, ou co huno; porén, a maioría desas teorías alternativas non ten fundamento lingüístico algún, polo tanto non son aceptadas pola Academia Húngara de Ciencias, sendo consideradas pseudocientíficas.
Status oficial
editar
O húngaro é a lingua oficial de Hungría, polo que posúe un status de lingua oficial da Unión Europea.
O húngaro tamén é lingua oficial da rexión serbia de Voivodina e en tres concellos de Eslovenia: Hodoš, Dobrovnik e Lendava.
A lingua húngara é considerada unha lingua minoritaria ou lingua rexional en Austria, Croacia, Romanía, Bucovina e Zakarpattia na Ucraína, e en Eslovaquia.
Na Romanía e na Eslovaquia, a lingua húngara ten status oficial naquelas vilas e concellos cunha poboación de etnia húngara maior do 20% da poboación total.
Distribución xeográfica
editarEste artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
O húngaro fálase como lingua materna nos seguintes países:
| País | Falantes |
|---|---|
| Hungría | 10 millóns(censo do 2001 Arquivado 27 de setembro de 2007 en Wayback Machine.) |
| Romanía (principalmente na Transilvania) |
1 443 970 (censo do 2002) |
| Eslovaquia | 520.528 (censo do 2001) |
| Serbia (principalmente en Vojvodina) |
293.299 (censo do 2002) |
| Ucraína (principlamente no óblast de Zakarpattia) |
149,400 (censo do 2001) |
| Estados Unidos | 117.973 (censo do 2000) |
| Canadá | 75.555 (censo do 2001 Arquivado 13 de febreiro de 2008 en Wayback Machine.) |
| Israel | 70.000 |
| Austria (principalmente no estado de Burgenland) |
22.000 |
| Croacia | 16.500 |
| Eslovenia | 9.240 |
| Total | 12-13 millóns |
- Fonte: Censos nacionais, Ethnologue
No mundo viven arredor de nove millóns de falantes de húngaro, salientando, ademais dos países mencionados ao comezo do artigo, a Arxentina, Australia, Bélxica, Brasil, Canadá, na República Checa, Finlandia, Francia, Alemaña, nos Países Baixos, Italia, Suíza, no Reino Unido, nos Estados Unidos e en Venezuela.
Notas
editar- ↑ Moseley, Christopher e Nicolas, Alexandre. "Atlas of the world's languages in danger". unesdoc.unesco.org. Consultado o 11 de xullo de 2022.
- ↑ Definicións no Dicionario da Real Academia Galega e no Portal das Palabras para húngaro.
Véxase tamén
editar| Existe unha versión da Wikipedia en Lingua húngara |
Outros artigos
editar
|
Este artigo sobre lingüística é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |