1681

Trété di William Penn ké Anmérendjen-yan, Edward Hicks, 1847

1681 sa roun lannen koumin ki ka koumansé oun mèrkrédi.

Évènman

• 4 mars : Charles II di Langlétè ka ògtrwayé o quaker William Penn dé latè an Lanmérik di Nò, an ranboursman di roun dèt di 16 000 liv. Sa dannyé ka fondé Philadelphie ké Pennsylvanie(1 000 zabitan).

• 30 avril : Maroken-yan ka pran Mehdia asou Èspagnòl-ya.

• 13 jwiyé : trété di La Mamora (Mehdia) ant Maròk-a ké Lafrans-a, kont Langlétè-a ké Lèspagn-an, ki péké fika ratifyé pa Louis XIV an rézon di pèrsistans-a di kours saléten-an.

• 23 jwiyé : bonbardman di Chios. Èspédisyon naval di Duquesne kont pirat barbaresk di Tripoli. Li ka détrwi yé flòt ki té réfijyé so kò annan dégra-a di Chios. Pacha di Tripoli ka doumandé lapè-a ki sa signen 25 ògtòb-a.

• 18 ògtòb : Dey-a di Laljèr ka déklaré ofisyèlman lagèr-a à Louis XIV. Sa menm lannen, barbarèsk-ya ka kaptiré oun navir di lagèr fransé é ka mennen atè Laljèr kaptenn-an ké lékipaj-a pou rédjwi yé an lèsklavaj.

• 27 désanm : èsploratò fransé-a Cavelier de la Salle ka pati pou roun èspédisyon ki ka désann flèv Misisipi jouk so bouchou, atent, 9 avril 1682.

• Dombo, rwè di Boutoua (Gran Zimbabwé), di dinasti-a dé Changamiré, ka ataké rwayom-an Karanga (Monomotapa) ki li ka tchipé prèsk antchèrman an 1693. Li ka mouri an 1695.