Rammstein
|
|||||
![]() (2013) ![]() | |||||
Ainmnithe in ómós | Ramstein air show disaster (en) ![]() ![]() | ||||
---|---|---|---|---|---|
Baill | |||||
![]() ![]() ![]() ![]() ![]() ![]() ![]() ![]() | |||||
Sonraí | |||||
Cineál | banna ceoil ![]() | ||||
Stair | |||||
Dáta a bunaíodh | 4 Eanáir 1994, Beirlín ![]() | ||||
Gníomhaíocht | |||||
Tréimhse oibre | 1994 – | ||||
Lipéad ceoil | Motor Music Republic Records Universal Music Group ![]() | ||||
Seánra | Neue Deutsche Härte (en) ![]() ![]() ![]() ![]() | ||||
Rialachas corparáideach | |||||
Cuid de | Neue Deutsche Härte (en) ![]() ![]() | ||||
Eile | |||||
Gradam a fuarthas
| |||||
Suíomh gréasáin | https://rammstein.de | ||||
Ceolfhoireann miotail nó Tanz-Metal[1] é Rammstein agus é lonnaithe i mBeirlín sa Ghearmáin. Is iad Till Lindemann, Richard Z. Kruspe, Paul H. Landers, Oliver "Ollie" Riedel, Christoph "Doom" Schneider agus Christian "Flake" Lorenz baill na ceolfhoirne. Cé gur gnách leis an mbanna a gcuid amhrán a rá as Gearmáinis, bhain siad amach cáil nach beag timpeall an domhain. Faoi láthair tá siad tar éis seacht albam a eisiúint.
Stair
[cuir in eagar | athraigh foinse]Ba é Richard Z. Kruspe a chuir an banna ar bun. Ba é an chéad fhoireann a bhí aige ná Orgasm Death Gimmicks, banna a bhunaigh sé i ndiaidh dó cur faoi i mBeirlín sa bhliain 1989. San am sin, bhí Kruspe go mór mór faoi thionchar bannaí Meiriceánacha cosúil le KISS. Nuair a thit Balla Bheirlín, d'fhill Kruspe abhaile go Schwerin, áit a raibh Till Lindemann ina dhrumadóir sa bhanna úd First Arsch. Bhí cónaí ar Kruspe faoi aon díon le hOliver Riedel agus Christoph "Doom" Schneider agus an bheirt acu ag seinm i mbannaí dá gcuid féin. Thosaigh Kruspe agus an bheirt sin ag comhoibriú le ceol de chineál nua a dhéanamh, ceol a bheadh ag baint úsáide as meaisíní chomh maith le ceoluirlisí den ghnáthchineál. Ansin chuala Kruspe Till Lindemann ag canadh amhrán os cionn a chuid oibre, agus d'fhruiligh sé mar fhonnadóir é.
Sa bhliain 1994 ghlac Rammstein páirt i gcomórtas do bhannaí amaitéaracha agus bhain siad an chraobh. Ba é an duais a bhí ag dul don bhuaiteoir ná leas a bhaint as stiúideo proifisiúnta le ceithre amhrán a thaifeadadh. Nuair a chuala Paul Landers an taifeadadh, bhí sé faoi dhraíocht ar fad agus chuaigh sé sa bhanna chomh maith le duine.
Ansin bhí fear de dhíth orthu le seinm ar na méarchláir. Bhí aithne ag Paul Landers ar Christian Lorenz, agus an bheirt acu tar éis ceol a dhéanamh in éineacht roimhe sin. Ar dtús bhí Lorenz idir dhá chomhairle, ach i ndeireadh na dála bhí sé sásta dul i Rammstein.
Albaim
[cuir in eagar | athraigh foinse]Albaim Stiúideo
[cuir in eagar | athraigh foinse]- Herzeleid (1995)
- Sehnsucht (1997)
- Mutter (2001)
- Reise, Reise (2004)
- Rosenrot (2005)
- Liebe ist für alle da (2009)
- Rammstein (2019)
- Zeit (2022)
Albaim Bheo
[cuir in eagar | athraigh foinse]- Live aus Berlin (1999)
- Völkerball (2006)
Tagairtí
[cuir in eagar | athraigh foinse]- ↑ "Cóip cartlainne". Cartlannaíodh an bunleathanach ar 2011-07-23. Dáta rochtana: 2008-02-13.