Jared Kushner
Fear gnó Meiriceánach agus ball den teaghlach Trump atá in Jared Corey Kushner a rugadh ar 10 Eanáir 1981 in Livingston, New Jersey. Tá sé pósta ón mbliain 2009 ar Ivanka Trump, an iníon is sine ag Donald Trump, fear gnó agus an 45ú uachtarán ar na Stáit Aontaithe. "J-Vanka" a thugtar ó am go chéile ar Jared agus Ivanka sna meáin thiar i Meiriceá.[1] I ndiaidh teacht in oifig na huachtaránachta do athair a chéile, ceapadh Kushner ina ard-chomhairleoir de chuid an uachtaráin.[2]
Teaghlach agus luathshaol
[cuir in eagar | athraigh foinse]Giúdaigh atá i muintir Jared Kushner. Sheachain seanmháthair amháin leis bás san Uileloscadh ag dul go Meiriceá di ar bord an long Saint Louis; glacadh í cé gur cuireadh an chuid ba mhó de na paisinéirí (254 duine) ar ais go dtí an Ghearmáin Naitsíoch.[3] Is fear gnó é athair Jared, Charles Kushner, a bhfuil páirt nach beag aige in eastát réadach New Jersey. Gearradh dhá bhliain i bpríosún ar Charles Kushner as calaois airgid a dhéanamh. Ba é Chris Christie cúisitheoir an stáit sa chás sin, rud a d'fhág Jared naimhdeach i leith Christie, a thug tacaíocht láidir do Donald Trump le linn a fheachtais uachtaránachta sa bhliain 2016.[4]
Rugadh agus tógadh Jared in Livingston, bruachbhaile de chuid Newark, New Jersey. Chloigh a mhuintir le sruth den Ghiúdachas ar a dtugtar Ceartchreideamh Nua-aimseartha agus a chuireann iallach sách dian ar dhuine gan droim láimhe a thabhairt leis an saol taobh amuigh den chreideamh.
Tagairtí
[cuir in eagar | athraigh foinse]- ↑ (en) Helin Jung, "20 Mildly Cringey Details About Ivanka Trump and Jared Kushner's Relationship; Here's what you might not know about the power couple." url=http://www.cosmopolitan.com/entertainment/celebs/a8357067/ivanka-trump-jared-kushner-relationship, 23 Samhain 2016, suíomh Cosmopolitan.com, arna rochtain ar 14 février 2017
- ↑ Voir, (en) Michael S. Schmidt, Eric Lipton and Charlie Savage. Trump's Son-in-Law, Is Cleared to Serve as Advisor. The New York Times, January 21, 2017.
- ↑ Luc Vinogradoff, "Il y a 75 ans, les Etats-Unis renvoyaient 254 migrants vers la mort dans les camps nazis", [1], arna rochtain ar 31 Eanáir 2017 ó shuíomh Le Monde.
- ↑ Philippe Gélie, "Jared Kushner, le gendre idéal", Le Figaro (irisleabhar), seachtain an 23 M.F. 2016, lch. 24.
![]() | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |