Arkle
  | |
| Beathaisnéis | |
|---|---|
| Breith | 19 Aibreán 1957 |
| Bás | 31 Bealtaine 1970 13 bliana d'aois |
 | |
Capall folaíochta Éireannach, agus capall léimrása den chéad scoth, ba ea Arkle (19 Aibreán 1957 – 31 Bealtaine 1970), a bhuaigh Corn Óir Cheltenham trí huaire, éacht nach ndearnadh arís sa lá atá inniu ann gur tháinig réimeas Best Mate i dtús na mílaoise.[1][2] Bhuaigh Arkle 27 rásaí amach as 35 rásaí ina shaol.
Tom Dreaper a thraenáil an capall i gCo. na Mí agus is é Pat Taaffe a bhí ar dhroim Arkle nuair a bhuaigh sé an Corn Óir ag Cheltenham trí gheábh as a chéile idir 1964 agus 1966.[3]
Gairm
[cuir in eagar | athraigh foinse]Ainmníodh Arkle tar éis na gcnoc Arkle in Albain.
Sa bhliain 1964 bhuaigh sé a chéad chorn óir i féile rásaí Cheltenham. 6 bliana a bhí Arkle nuair a thug sé Seilgrás na Núíosach leis i Cheltenham 1963.
An bhliain dár gcionn bhí grád na Núíosach fágtha ina dhiaidh ag Arkle agus bís ar lucht rásaíochta go bhfeicfí é féin agus Mill House, capall eile den chéad scoth, ag iomaíocht in aghaidh a chéile i gCorn Óir Hennessy i Newbury. Trí léim ón deireadh agus gan de thús ag Mill House air ach fad amháin capaill, sciorr Arkle. Ghlac sé tamall air Pat Taaffe lánluas a shroichint arís agus ba sa 3ú háit a chríochnaigh sé i rása a bhuaigh Mill House.
Le teacht na bliana 1965 bhain Arkle díoltas amach sa Hennessy; i gCorn Óir Cheltenham bhí sé 20 fad chun cinn ar Mill House. Agus nuair a bhuaigh sé an Whitbread in Sandown, bhí ar a laghad 2½ cloch níos mó de mheáchan ar a dhroim ná a bhí ar aon cheann den leathdhosaen capall eile sa rása.
Cuimhneachán
[cuir in eagar | athraigh foinse]Cuireadh Arkle chun suain ar 31 Bealtaine 1970. Anois tá cnámharlach Arkle ar thaispeáint sa Chomhlacht Graí Náisiúnta na hÉireann i gContae Cill Dara.
Féach freisin
[cuir in eagar | athraigh foinse]- Comhlacht Graí Náisiúnta na hÉireann, INS nó Irish National Stud, Iarsmalann capall in bhfuil creatlach Arkle
Naisc sheachtracha
[cuir in eagar | athraigh foinse]- Arkle, clár faisnéise TG4 faoin gcapall, 2015
- 'Laochra na Rásaíochta', Scéal Arkle, an capall rásaíochta ab fhearr riamh, 2021.[4][3]
Tagairtí
[cuir in eagar | athraigh foinse]- ↑ Mártan Ó Ciardha (2019-03-17). "LITIR Ó SHASANA: Bhí 40,000 Éireannach ag screadach in ómós d’fhear a raibh Cromail mar ainm air!" (ga-IE). Tuairisc.ie. Dáta rochtana: 2023-05-29.
- ↑ Bhuaigh Golden Miller Corn Óir Cheltenham cúig uaire as a chéile (1932-36) (2017-03-12). "Cé acu a mbeidh rith an ráis leo ag Féile Cheltenham na bliana seo, ‘Pócaí Folamh’ nó ‘Cloigeann Tinn’?" (ga-IE). Tuairisc.ie. Dáta rochtana: 2023-05-29.
- ↑ 3.0 3.1 "Laochra na Rásaíochta - Arkle | Seinnteoir | TG4 | Irish Television Channel, Súil Eile" (as ga) .
- ↑ rte.ie (2021). "Laochra Na Rásaíochta". Dáta rochtana: 2023.