Werse

De Werse is in 67 km lange sydrivier fan de Iems yn Münsterlân, Noardryn-Westfalen. It ôfwetteringsgebiet fan de Werse beslacht 762.47 km².

Rin

De Werse ûntstiet yn de Beckumhichten ûnder Beckum út trije haadstreamen: de Lippbach, Kollenbach en Siechenbach. De namme Werse wurdt brûkt fanôf de Osttor en boppe de Kollenbach. Fan Beckum ôf rint de Werse nei it westen. Koart stik foar Ahlen draait er nei it noardwesten en by Drensteinfurt en dêrnei oer Albersloh rint er nei it noarden. By Münster-Gelmer mûnet er út yn de Iems. It wetterpeil wurdt mei ferskate keardamen regele.

Fauna

De Werse is populêr by angelfiskers fanwege syn rikens oan fisk. Bears (twa soarten), Snoek, Mearfal en wytfisk lykas Karper, Mûdhûn, Brazem komme der yn foar. Fierders komme mear seldsume bisten sa as de Iisfûgel en Ringslang op syn iggen foar.

Sport en toerisme

De Werse is de thúsrivier fan de kanoklups Albersloher Kanu Club 1989, Paddelsport Münster von 1923, Kanuverein Münster 1922 Teffens binne der in soad boathuzen fan studinteferienings oan de rivier. Fral yn de simmer wurdt de rivier in protte brûkt troch boatsjeminsken, dy't ek in boat hiere kinne by ien fan de protte ferhierbedriuwen.

April 2007 waard de Werseradweg, in fytsrûte, iepene. Dy begjint yn Rheda-Wiedenbrück en rint 122 km de Werse bylâns en troch de omkriten fan it wetter. It fytspaad einiget by de mûning yn de Iems by Münster-Gelmer.

Sydrivieren

Keppelings om utens

Aksjeplan heechwetter Werse (dú)
Oer ûndersyksprojekt Kanusport und Naturschutz fan de Universiteit fan Münster www.lanuv.nrw (.pdf)
Werse-Rad-Weg. (dú) Ynformaasje oer distrikt Warendorf