Kees Woudenberg
| Cornelis Woudenberg | ||
 politikus
| ||
| ||
| bertedatum | 16 desimber 1883 | |
| berteplak | Amsterdam | |
| stjerdatum | 16 oktober 1954 | |
| stjerplak | Amsterdam | |
| partij | SDAP, PfdA | |
| Algemien sekretaris IFW | ||
| amtsperioade | 1919 - 1929 | |
| Gemeenteriedslid Amsterdam | ||
| amtsperioade | 1924 - 1939 | |
| Lid Earste Keamer[1] | ||
| amtsperioade | 1945 - 1954 | |
Cornelis (Kees) Woudenberg (Amsterdam, 16 desimber 1883 - dêre, 16 oktober 1954) wie in Nederlânske syndikalist, bestjoerder en politikus foar de S.D.A.P. en dêrnei de PfdA.
Biografy
[bewurkje seksje | boarne bewurkje]Syn heit wie molkboer yn de Joden Houttuinen yn Amsterdam en lid fan de Apostolyske Gemeenten. Syn mem wie Nederlânsk herfoarme. De húshâlding hie njoggen bern, wêrfan 't der twa betiid stoaren. Hy wie de âldere broer fan ûnder oaren Henk Woudenberg, dy 't foarsitter wie fan de Nationale Werknemers Vereeniging (NWV) en politikus foar de Nationaal-Socialistische Beweging (NSB). [2]
Woudenberg gie nei de ambachtsskoalle, dêr't er in oplieding ta meubelmakker folge. Yn 1901 kaam er yn kontakt mei it sosjalistyske bûn De Zaaier en fuort dêrnei sleat er him oan by de Amsterdamske ôfdieling fan it Algemeene Meubelmakerbond Amstel Eendracht. Nei't Amstel Eendracht him ôfskiede fan it bûn rjochte Woudenberg mei in pear lykgesinden in eigen Amsterdamske ôfdieling fan it Algemeene Meubelmakersbond op. Yn 1909 fusearre dat fakbûn mei it Nederlandsche Behangers-, Stoffeerders- en Beddenmakersbond ta it Algemeene Nederlandsche Bond voor Meubelmakers, Behangers en Aanverwante Beroepen en in skoftke dêrnei waard Woudenberg oansteld as sekretaris fan de Amsterdamske ôfdieling.
Yn 1919 waard er oansteld as algemien sekretaris fan de International Federation of Woodworkers (IFW) dêr't er de Dútser Theodor Leipart opfolge. Dy funksje hat er útoefene oant 1929. Under it kongres yn Heidelberg waard de Dútser Fritz Tarnow as syn opfolger keazen. [3]
Nei de besetting fan Nederlân troch de nazi's waard Woudenberg in skoftke haad fan de SDAP, mar hy fernaam dat de nazi's de SDAP as marionette-organisaasje brûke woene en naam dêrom ûntslach. Woudenberg reizge de rest fan de oarloch troch it lân en ûnderhold kontakten tusken S.D.A.P-oanhingers.
Oan de ein fan de Twadde Wrâldoarloch waard de SDAP op 'e nij oprjochte en Woudenberg bleau sekretaris en ponghâlder. Yn 1946 waard de S.D.A.P. ferfongen troch de Partij fan de Arbeid. Woudenberg waard opnij sekretaris en ponghâlder en gie yn 1949 mei pensjoen. Fan 1945 oant 1950 siet er ek yn de senaat.
| Boarnen, noaten en/as referinsjes: |
|