Hella de Jonge
Hella de Jonge | ||
![]() | ||
![]() | ||
Hella de Jonge | ||
persoanlike bysûnderheden | ||
echte namme | Hella Elisabeth de Jonge-Asser | |
nasjonaliteit | ![]() | |
berne | 21 april 1949 | |
wurkpaad | ||
wurksum as | byldhouster, skriuwster, dekôrûntwerpster |
Hella Elisabeth (Hella) de Jonge-Asser (De Haach, 21 april 1949) is in Nederlânsk keunstner. Sy is boaske oan Freek de Jonge en is in dochter fan Eli Asser (1922-2019) en Eva Croiset.
Karriêre
[bewurkje seksje | boarne bewurkje]De Jonge is byldhouwster en skriuwster. Sy folge har keunstoplieding oan de Gerrit Rietveld Akademy yn Amsterdam. Nei it basisjier folge se de stúdzjerjochting edelsmeien. Letter kaam dêr de spesjalisaasje keramyk noch by. Sy krige priveeles fan Madeleen Brinkman en eksposearre yn ferskate galerys en op de keunstbeurs pAn yn Amsterdam.
Se is ferantwurdlik foar in protte fan de grafyske oanklaaiïng, de dekor- en kostúmûntwerpen en foar it muzikale listwurk fan de solofoarstellingen fan har man, de kabaretier Freek de Jonge. Al op jonge jierren wie hja beropsdûnseresse en hie se in skoftke in moadewinkeltsje yn Amsterdam.
Hella de Jonge publisearre yn 2006 de autobiografy Los van de Wereld, in boek wêryn't it libben fan in twadde generaasje joadsk bern en de swierrichheden anneks iepen en rjochtút beskreaun wurde. De tsjinstelling tusken de oan de bûtekant sa fleurige tekstskriuwer en senarist Eli Asser en de wiere gesinssituaasje fan twa âlden mei in ûnderdûkferline is grut. Yn 2012 ferskynde it ferfolch, Spring.
Yn 2014 makke De Jonge de film Verlies niet de moed, dêryn ûndersocht se de oarlochsskiednis fan har famylje oan de hân fan in briefke dat har beppe, dy't yn Auschwitz deadien waard, efterliet. Foar de film ynterviewt se ûnder oaren har heit Eli Asser. It titelnûmer fan de film, Don't lose your heart, waard skreaun troch Tim Knol.
Bibliografy
[bewurkje seksje | boarne bewurkje]- Los van de wereld, Utjouwerij Balans, Amsterdam, 2006 ISBN 90-5018-740-4
- Spring, De Bezige Bij, Amsterdam, 2012
- Hartschade, 2018
Filmografy
[bewurkje seksje | boarne bewurkje]- Verlies niet de moed, 2014
Sjoch ek
[bewurkje seksje | boarne bewurkje]Keppelings om utens
[bewurkje seksje | boarne bewurkje]- Hiemside Hella de Jonge
- oer de film Verlies niet de moed
- (in) Don't Lose Heart (Verlies niet de moed) op IMDb
Boarnen, noaten en/as referinsjes: |