Sisteme operatîf
![](http://upload.wikimedia.org/wikipedia/commons/thumb/e/e1/Operating_system_placement.svg/220px-Operating_system_placement.svg.png)
Un sisteme operatîf (in curt SO o OS) al è un program informatic che al rint disponibii al utent lis risorsis fisichis di un calcoladôr, permetint cussì l'esecuzion di altris programs aplicatîfs: si pues cussì dî che un sisteme operatîf al è il tramit fra l'utent e la machine.
Struture
[cambie | modifiche il codiç]Il cûr di un SO al è il kernel, un grôp di funzions che furnissin servizis fondamentai di bas nivel alis aplicazions, a mieç di une disponibilitât direte alis risorsis fisichis dal calcoladôr.
Il SO devi ancje gestî il file system, ven a stai l'organizazion fisiche dai dats di archiviâ su memoriis permanens (Disc dûr, penutis di memorie Flash, discs a stât solit).
Il SO gestis la memorie e le assegne ai diviers proces, pemetint cussì l'esecuzion in paralel di plui aplicatîfs (SO multitasking).
Infin, il SO devi organizâ la comunicazion cun l'utent, ancje clamade input/output: ogni SO al à la sô UI (interfacje utent) par interagjî cun l'utent in modalitât visual (rie di comant, ambient grafic) e sonore (schede audio).
Esistin diviers servizis adizionâi che un SO al pues furnî, e soredut diferentis architeturis e strategjis, che rindin il mont dai SO una vore complès e verglemât.
Esemplis
[cambie | modifiche il codiç]![](http://upload.wikimedia.org/wikipedia/commons/thumb/f/f5/Ubuntu_9.04_Jaunty_Jackalope.png/300px-Ubuntu_9.04_Jaunty_Jackalope.png)
Esemplis di SO son i sistemis da famee Unix, lis variis distribuzions di GNU/Linux, i sistemis Microsoft Windows, Solaris, il MAC OS.