Malanje (Prowins)

Tekst üüb Fering

Malanje (üüb Portugiisk: A Província de Malanje) as en prowins uun de aafrikoons stoot Angoola. A nööm faan't prowins komt faan det Nuurd Mbundu wurd malanji, wat a stianer het. At prowins leit uun a nuurd faan't lun. Uun a nuurd lei det Uíge Prowins an det DR Kongo, uun a uast dön Lunda Norte an Lunda Sul Prowinsen, uun a süüd leit det Bié Prowins an uun a waast lei dön Cuanza Norte an Cuanza Sul Prowinsen. Det hee 968.135 lidj (2014). At hoodsteed as Malanje.

Geografii

Struumer

Ian struum hee sin hood uun't prowins. Dediar struum as de Cambo Struum hög hood uun a maden faan't prowins nai bi a steed Quela leit. Öler struumer bilde grensen mä öler prowinsen an uun ian faal, mä'n öler lun. De struumer, wat dialwis grensen mä öler prowinsen bilde san:

De Cuanza Struum, wat det hial grens mä det Cuanza Sul Prowins an dial faan't grens mä det Bié Prowins bildet.
De Cuango Struum, wat dial faan't grens mä det Bié Prowins, det hial grens mä det Lunda Sul Prowins an en letj dial faan det Lunda Norte Prowins bildet.
De Luando Struum, wat en letj dial faan't grens mä det Bié Prowins bildet an do tu a nuurdwaast iin uun det Cuanza Struum leept.
De Lucala Struum, wat troch a waast faan't prowins leept an trii letj dialen faan't grens mä det Cuanza Norte Prowins bildet.

De struum, wat mä'n öler lun en grens bildet, as de Cuango Struum. Hi leept twesken a nuurdwaast faan't prowins an det DR Kongo.

Natschunaalparken

De Cangandala Natschunaalpark, de letjst natschunaalpark uun Angoola, leit uun a maden faan't prowins.

Indialing faan Ferwalting

Det Malanje Prowins hee fjauertanj kreiser (municípios), wat iin uun komuunen (comunas) diald wurd.

	Kreis	Grate (km²)^[1]	Lidj (2014)^[2]
1	Cacuso	6063	71.541
2	Cahombo	5270	22.115
3	Calandula	7312	87.017
4	Cambundi-Catembo	13.400	44.219
5	Cangandala	5770	43.855
6	Kunda-dia-Baze	3500	13.651
7	Kiwaba-N'zoji	3000	14.402
8	Luquembo	10.300	51.647
9	Malanje	2215	486.870
10	Marimba	5890	27.074
11	Massango	7950	32.610
12	Mucari	2119	29.037
13	Quela	4280	21.847
14	Quirima	9670	22.250

Weblinks

Websidj faan't Regiaring faan't Prowins (üüb Ingels an Portugiisk).

Ianselefterwisen

[1] www.citypopulation.de

[2] www.citypopulation.de

[1]

[2]