Letj Antilen
Erscheinungsbild
![]() |
![](http://upload.wikimedia.org/wikipedia/commons/thumb/3/3f/Map_of_the_Caribbean_-_Lesser_Antilles.png/220px-Map_of_the_Caribbean_-_Lesser_Antilles.png)
Dön Letj Antilen ([anˈtɪlən]; üüb Ingels: The Lesser Antilles; üüb Spaans: Antillas Menores; üüb Fraansöösk: Petites Antilles; üüb Papiamentu: Antias Menor; üüb Neederluns: Kleine Antillen) san en skööl faan eilunen uun a uast faan a Kariibik. A eilunen lei twesken dön Grat Antilen an a nuurdeeg faan Süüd-Ameerika. Jo maag at grens twesken a Kariibik an a Atlantik.
Eilunen
[Bewerke | Kweltekst bewerke]Dön Letj Antilen san iin uun tau sköölen (üüb Ingels trii sköölen) onerdiald:
- a Eilunen auer a Winj (üüb Tjiisk: Inseln über dem Winde), wat faan Anguilla uun a nuurdwaast tu Trinidad uun a süüduast ling. A Jongfoomen Eilunen, wat tu a waast faan Anguilla lei, san geograafisk dial faan dön Grat Antilen, man san poliitisk dial faan dön Letj Antilen. Üüb Ingels het detheer skööl Windward Antilles, woort oober miast betiakent üs Leeward Islands ("Eilunen föör a Winj") uun a nuurd an a Windward Islands ("Eilunen bi a Winj") uun a süüd. Hög lidj teenk, dat Domiinika tu a Eilunen föör a Winj hiart an öler lidj, dat det tu a Eilunen bi a Winj hiart.
- a Eilunen oner a Winj (üüb Tjiisk: Inseln unter dem Winde; üüb Ingels Leeward Antilles), wat faan't Margarita Eilun uun a uast tu Aruuba uun a waast ling.
A Eilunen auer a Winj
[Bewerke | Kweltekst bewerke]Eilunen föör a Winj
[Bewerke | Kweltekst bewerke]Faan a nuurdwaast tu a süüduast san a eilunen faan detheer skööl:
- Anguilla, wat tu det Ferianigt Köningrik hiart.
- Saint-Martin an Sint-Maarten, wat rocht tau dialen faan ian eilun san. Saint-Martin, wat uun a nuurd faan't eilun as, hiart tu Frankrik an Sint-Maarten, wat uun a süüd faan't eilun as, hiart tu a Neederlunen.
- Saint Barthélemy, wat tu Frankrik hiart.
- Saaba, wat tu a Neederlunen hiart.
- Sint Eustatius, wat uk tu a Neederlunen hiart.
- Saint Kitts an Nevis, wat at lun Saint Kitts an Nevis maage.
- Barbuuda, Antiigua an Redonda, wat at lun Antiigua an Barbuuda maage.
- Montserrat, wat tu det Ferianigt Köningrik hiart.
- Guadeloupe, La Désirade, Marie-Galante an a Îles des Saintes, wat tu Frankrik hiart.
Eilunen bi a Winj
[Bewerke | Kweltekst bewerke]Faan a nuurd tu a süüd san jo:
- Domiinika, en suwereenen stoot.
- Martinique, wat tu Frankrik hiart.
- Saint Lucia, en suwereenen stoot.
- Barbaados, en suwereenen stoot.
- At eilun Saint Vincent an at skööl a Grenadiinen, wat at lun Saint Vincent an a Grenadiinen maage.
- Carriacou, Petite Martinique an Grenaada, wat at lun Grenaada maage.
- Tobaago an Trinidad, wat at lun Trinidad an Tobaago maage.
Eilunen oner a Winj
[Bewerke | Kweltekst bewerke]A Eilunen oner a Winj san tu a nuurd faan Weenesuela. Faan a waast tu a uast san jo:
- Aruuba, Curaçao an Bonaire, wat tu a Neederlunen hiar.
- Dön öler eilunen hiar tu Weenesuela:
- Los Monjes Eilunen (Monjes del Sur, Monjes del Este an Monjes del Norte; grate: 0,2 km²)
- La Tortuga Eilun (grate: 156,6 km²)
- La Sola Eilun (grate: 0,5 km²)
- Los Testigos Eilunen (grate: 6,53 km²)
- Los Frailes Eilunen (grate: 1,92 km²)
- Patos Eilun (grate: 0,6 km²)
- Los Roques Eilunen (grate: 40,61 km²)
- La Blanquilla Eilun (grate: 64,53 km²)
- Los Hermanos Eilunen (grate: 2,14 km²)
- La Orchila Eilun (grate: 40 km²)
- Las Aves Eilunen (Aves de Barlovento an Aves de Sotavento; grate: 3,35 km²)
- Aves Eilun (grate: 0,045 km²)
- Margarita Eilun (grate: 1072 km²), Coche Eilun (grate: 55 km²) an Cubagua (grate: 24 km²), wat de Nueva Esparta bundesstoot maage.
Luke uk diar
[Bewerke | Kweltekst bewerke]![Commons](http://upload.wikimedia.org/wikipedia/commons/thumb/4/4a/Commons-logo.svg/14px-Commons-logo.svg.png)
Commons: Eilunen auer a Winj – Saamling faan biljen of filmer
Commons: Eilunen föör a Winj – Saamling faan biljen of filmer
Commons: Eilunen bi a Winj – Saamling faan biljen of filmer
Commons: Eilunen oner a Winj – Saamling faan biljen of filmer