Alison Krauss

Alison Krauss í 2007

Alison Maria Krauss (fødd 23. juli 1971 í Decatur, Illinois) er ein amerikonsk songkvinna og violinleikari, sum er kend fyri at syngja og spæla bluegrass- og countrytónleik á hægsta stigi.

Alison varð fødd i Decatur, men vaks upp í Champaign, Illinois, saman við eldra beiggjanum Viktor. Hon byrjaði sína yrkisleið sum tónleikari í áttatiárunum. Í 1985 luttók hon í upptøkum til útgávuna Different Strokes hjá beiggja sínum, har hon eisini sang.

Alison Krauss var tilnevnd til eina Grammy-virðisløn fyri fyrstu ferð Í 1991. Hon gjørdist vinnari við sanginum "I've Got That Old Feeling" í bólkinum Country - Best Bluegrass Recording. Síðani hevur hon verið tilnevnd til Grammy-virðisløn 42 ferðir og 27 ferðir hevur hon vunnið. Eingin kvinna hevur vunnið fleiri Grammy-virðislønir enn hon.

Millum hennara kendastu sangir eru "When You Say Nothing At All" frá 1995 og "The Scarlet Tide" úr filminum "Cold Mountain" frá 2003.

Útgávur

• 1985 Different Strokes
• 1987 Too Late to Cry
• 1989 Two Highways
• 1990 I've Got That Old Feeling
• 1992 Every Time You Say Goodbye
• 1994 I Know Who Holds Tomorrow (with The Cox Family)
• 1995 Now That I've Found You: A Collection
• 1997 So Long So Wrong
• 1999 Forget About It
• 2001 New Favorite
• 2002 Live
• 2004 Lonely Runs Both Ways
• 2007 Raising Sand (saman við Robert Plant)
• 2009 Essential Alison Krauss
• 2011 Paper Airplane (saman við Union Station)
• 2017 Windy City
• 2021 Raise the Roof (saman við Robert Plant)

Slóðir úteftir

• alisonkrauss.com - Heimasíða hjá Alison Krauss
• Um sangarinnuna Alison Krauss - KvF Mono, við Petur Rouch
• Alison Krauss, Biography by Stephen Thomas Erlewine