Oman
| |||
Tjóðarslagorð: einki | |||
Tjóðsangur: "Ya Rabbana Ehfid Lana Jalalat Al Sultan" | |||
![]() | |||
Alment mál | Arábiskt | ||
Høvuðsstaður | Muscat | ||
Sultan | Haitham bin Tariq al-Said | ||
Varaforsætisráðharri | Fahd bin Mahmoud al Said | ||
Fullveldi | 1971 | ||
Vídd - tilsamans - vøtn (%) |
309.500 km² | ||
Íbúgvar - tilsamans 2018 - tættleiki |
4.829.483 11,74/km² | ||
Gjaldoyra | Omansk rial (OMR) | ||
Tíðarøki | UTC +4 | ||
Økisnavn á alnetinum | .om | ||
Telefonkota | +968
| ||
Oman (arábiskt: عمان) er eitt arábiskt sultanríki í Asia.
![](http://upload.wikimedia.org/wikipedia/commons/thumb/6/64/SurOman.jpg/250px-SurOman.jpg)
Í 2018 hevði Oman 4.829.483 íbúgvar.[1] Høvuðsstaðurin er Maskat (Muscat á enskum), sum eisini er størsti býur í landinum.
Sultanríkið Oman liggur í landsynningshorninum á Arabianesi. Grannalondini eru: Jemen í ein útsynning, Saudiarabia í vestri og Sameindu Arábisku Emiratir í ein útnyrðing. Í landnyrðingspartinum hevur Oman strond við Omanflógva og í ein útsynning langa strond móti Arabiahavinum.
Landið í landsynningshorninum á arabisku hálvoynni er sera turt. Inni í landinum er alt oyðimørk við spjøddum grønum, men fram við strondini dyrka teir dadlur, granatepli, sitrónir, tubbak og hveiti. Summir bøndur halda geit, seyð og neyt. Olja er tydningarmesta útflutningsvøran. Strondin í Oman er 1.700 km long, og fiskiskapur er eisini týdningarmikil vinna. Teir veiða mest sardinur, tunfisk, ansjósir og fisk, ið minnir um tosk, og høgguslokk. Útróðrarmenninir nýta holaðar træbátar við leysamotori.
Í arabiskari søgn verður sagt, at ein glæsiligur býur, ið eitur Ubar, skuldi verða horvin í Suðuroman. Fornfrøðingar hava grivið út ein brunn og toftirnar av einum býi frá um 3.000 f. Kr. tætt við markið til Jemen. Summir serfrøðingar halda hetta verða horvna býin Ubar.
Ávísingar úteftir
rætta- Sultanate Of Oman - Ministry Of Foreign Affairs, mofa.gov.om (á enskum)
- Times of Oman, timesofoman.com (á enskum)
- CIA World Factbook: Oman Archived 2020-12-16 at the Wayback Machine, cia.gov (á enskum)
Keldur
rætta- ↑ Population, total - Oman, worldbank.org