Nii Nortey Duah
| Bɔbea | male  |
|---|---|
| Da a wɔwoo no | 1 Ayɛwoho 1953 |
| Bea a wɔwoo no | Teshie |
| Owu da | 21 Mumu 2017 |
| N'edwuma | journalist, politician |
| Dzibew | Member of the 5th Parliament of the 4th Republic of Ghana |
| Educated at | University of Ghana |
| Member of political party | National Democratic Congress |
| Religion or worldview | Presbyterianism |
Nii Nortey Duah (1 Ayɛwoho 1953 - 21 Mumu 2017) yɛ nsɛmtwerɛnyi (journalist), dawurubɔnyi (advertiser) na nkitsahodzi ho ɔbenfo (communication expert). Na ɔsan yɛ amanyɛnyi na kan mbrahyɛbaguanyi ma Ledzokuku Ambatow mpasua a ɔwɔ Greater Accra Mantɔw mu wɔ Ghana.[1]
Ɔbra Ahyɛase na Edwuma
[sesa mu | sesa ekyirsɛm]Wɔwoo Duah bosoom Ayɛwoho da a edzin kan wɔ afe 1953 mu na ɔfir Teshie-Accra a ɔwɔ Greater Accra Mantɔw mu wɔ Ghana. Ɔsuaa adze wɔ Ghana Esuapɔn mu (University of Ghana, Legon) baabi a ɔnyaa Master of Arts abɔdzin krataa wɔ Nkitsahodzi adzesua (Communication studies) mu wɔ afe 1989 mu. Ɔyɛɛ edwuma dɛ ɔkyerɛkyerɛnyi (lecturer) wɔ Ghana Nsɛm ho amannyebɔ Asoɛe (Ghana Institute of Journalism).[1]
Amanyɛsɛm
[sesa mu | sesa ekyirsɛm]Duah amanyɛsɛm edwuma hyɛɛ ase wɔ afe 2004 mu ber a ɔsii akan maa Ledzokuku atenae no wɔ National Democratic Congress tekiti do nanso ɔhweer n'ekongua no maa Gladys Nortey Ashitey.[2] Ɔsan sii akan wɔ afe 2008 mu na odzii nkonyim, na ɔbɛyɛɛ Mbrahyɛ Bagua a ɔtɔ do enum (5) no munyi wɔ Ghana Amansin a ɔtɔ do anan (4). Ɔdzii nkonyim wɔ Ledzokuku nkongua no do wɔ NDC tekiti do a nye nyinara yɛ amba 42,087 wɔ ambatow 73,989 a ɔfata a wɔtow no mu, na ɔnyaa ɔha mu nkyekyɛmu 56.9% wɔ 100% mu. Wɔ afe 2012 ambatow mu no, ɔhweer Ledzokuku atenae no maa Benita Sena Okity-Duah.[3]
N'abrabɔ
[sesa mu | sesa ekyirsɛm]Nna Duah yɛ Kristonyi (Presbyterian). Wawar a ɔwɔ mba anan (4).[1]
Owuo
[sesa mu | sesa ekyirsɛm]Owui wɔ 37 Asraafo Ayaresabea (37 Military hospital) wɔ 21 Mumu 2017.[4][5]
Nhwɛdo
[sesa mu | sesa ekyirsɛm]- ↑ 1.0 1.1 1.2 http://www.ghanamps.com/mps/details.php?id=136
- ↑ https://ghanaelections.peacefmonline.com/pages/2004/parliament/greateraccra/index.php
- ↑ http://ghanaelections.peacefmonline.com/pages/2012/greateraccra/127/index.php
- ↑ http://citifmonline.com/2017/12/former-ledzokuku-mp-nii-nortey-dua-passes-on/
- ↑ http://www.odekro.org/Images/Uploads/Hon%20Nii%20Lantey%20Vanderpuye%20on%20the%20Death%20of%20Nii%20Nortey%20Dua.pdf (PDF).