Lípiu
![](http://upload.wikimedia.org/wikipedia/commons/thumb/7/73/Phospholipids_aqueous_solution_structures-es.svg/250px-Phospholipids_aqueous_solution_structures-es.svg.png)
Los lípius son un conjuntu de moléculas orgánicas (la mayoría biomoléculas), que están constituias prencipalmenti pol carbonu i idrógenu i en menol media pol ossígenu que integran cadenas hidrocarbonas alifáticas o aromáticas, anque, tamién puein contenel fósforu, azufri i nitrógenu.
Ebiu a la su estrutura, son moléculas idrófobas (insolublis en áugua), peru son solublis en disolventis orgánicus nu polaris cumu la bencina, el bencenu i el cloroformu lo que permiti su extración meyianti esti tipu de disolventis. A los lípius se les llama incorretamenti grasas, ya que las grasas son solu un tipu de lípius prozedentis de animalis i son los más ampliamenti destribuius enos organismus vivus.
Los lípius cumplin huncionis divelsas enos organismus vivientis, entri ellas la de reserva energética (comu los triglicérius), estrutural (comu los fosfolípius delas bicapas) i regulaora (cumu las ormonas esteroidis). Amás, se les atribuyi la capacida de sel aislantis naturalis, ya que son malus condutoris del calol.