Xi'ango meskita handia

Xi'ango meskita handia
	西安大清真寺
	Irudi gehiago
Kokapena
Txinako probintzia	Shaanxi
Azpiprobintzia mailako hiri	Xi'an
Koordenatuak	34°15′48″N 108°56′12″E / 34.26339°N 108.93666°E
Historia eta erabilera
Lehen harria	742
Erlijioa	islama
Arkitektura
Estiloa	Chinese architecture (en)
Ondarea

Xi'ango meskita handia (txinera tradizionalez: 西安大清真寺; pinyinez: Xīān Dà Qīngzhēnsì), Xi'an hirian dagoen meskita da, Txinan dagoen handiena^[1]. Ming dinastiaren garaian eraiki zen hiriko auzo musulmanean. Hui etniak (Txinako etnia musulmanak) errezutarako erabiltzen duen meskita nagusia da.

Izenak

Huajue meskita (txinera tradizionalez: 化觉巷清真寺; pinyinez: Huàjué Xiàng Qīngzhēnsì) izenaz ere ezagutzen da Huajue kalean kokaturik dagoelako, eta Ekialdeko meskita handia (txinera tradizionalez: 东大寺; pinyinez: Dōng Dàsì) ere bai, Xi'ango beste meskita baten (Daxueixi) ekialdean dagoelako.

Historia

Zetaren Bidea jarraituz musulmanak Xi'anera iristen hasi ahala hauentzako meskita eraikitzeko erabaki zuten Txinako enperadoreek. Hasiera batean Tanmingsi eta Huihui Wanshansi meskitak 742 urtearen inguruan altxatu ziren Tang dinastiaren garaian^[2], baina Xi'ango meskita handi hau Hongwu enperadoreak eraiki zuen XIV. mendean, Ming dinastiaren hasieran^[2]. Konplexura sartzeko atea Qing dinastiak altxatu zuen^[2].

1956 urtean Shaanxi probintziako eremu historiko eta kulturala bihurtu zen eta 1988an nazio mailako izendapena hartu zuen.

Deskribapena

Bost patio eta inguruan 20 eraikin baino gehiago dauzka meskita handiaren konplexuak eta guztira 12.000 metro koadroko azalera hartzen du.

Patio bakoitzak monumentu bat dauka erdian eta guztiak lotzen dituen bidearen ingurua lorategiz mugatuta dago. lehenengo patioak Qing dinastiaren ate monumentala dago, bigarrenean Mi Fu eta Dong Qichang kaligrafoen estela bana, hirugarrenean pagoda oktogonala dago (minaretea)^[2] eta laugarrenak Fenixaren pabiloia du.

Meskita Handiak txinako arkitektura tradizionala eta funtzionalitate islamikoa konbinatzen ditu. Honen erakusgarri da ipar-hego ardatza feng shui-aren arabera antolaturik dagoela baina meskita Mekara begira dagoela. Meskitan dauden idatzi guztiak arabieraz eta txinerazko alfabetoan idatzita daude.

Errezutarako eraikina egurrezkoa da eta turkesa kolorezko sabaia du. Atarian bost ate eta sei zutabe ditu eta balaustradadun harrizko plataforma baten gainean ezarrita dago.

Iruditegia

Qing dinastiako atea.
Fenixaren pabiloia.
Minaretea.
Eraikin nagusia.
Patioak lotzen dituen ardatza.

Erreferentziak

↑ Liu, Zhiping. (1985). Zhongguo Yisilanjiao jianzhu [Islamic architecture in China]. Xinjiang Renmin Chubanshe..
↑ ^a ^b ^c ^d Steinhardt, Nancy S. (2015). China’s Early Mosques. Edinburgh University Press ISBN 978-0748670413..

Kanpo estekak

Datuak: Q820842
Multimedia: Great Mosque of Xi'an / Q820842

[1] Liu, Zhiping. (1985). Zhongguo Yisilanjiao jianzhu [Islamic architecture in China]. Xinjiang Renmin Chubanshe..

[:0-2] Steinhardt, Nancy S. (2015). China’s Early Mosques. Edinburgh University Press ISBN 978-0748670413..

[1]

[2]