Vladimir Kramnik

Vladimir Kramnik
	; (2018) Irudi gehiago
Bizitza
Jaiotza	Tuapse (en) , 1975eko ekainaren 25a (49 urte)
Herrialdea	Errusia ; Sobietar Errepublika Sozialisten Batasuna
Hezkuntza
Hizkuntzak	errusiera
Jarduerak
Jarduerak	xakelaria eta idazlea
	Parte-hartzailea Candidates Tournament 2018 (en) ; 30th Chess Olympiad (en) ; 31st Chess Olympiad (en) ; 32nd Chess Olympiad (en) ; 37th Chess Olympiad (en) ; 38th Chess Olympiad (en) ; 39th Chess Olympiad (en) ; 40th Chess Olympiad (en) ; 41st Chess Olympiad (en) ; 42nd Chess Olympiad (en) ; 43rd Chess Olympiad (en) ;
Jasotako sariak	ikusi world chess champion ; Xakearen Oscarra (2000) ; Ohorezko Ordena ; Xakearen Oscarra (2006) ;
	kramnik.com

Vladimir Borisovitx Kramnik (errusieraz: Владимир Борисович Крамник; Tuapse, 1975ko ekainaren 25a) errusiar xake jokalaria da, Nazioarteko Maisu Handia eta munduko xake txapelduna, Xakelari Profesionalen Elkarteak antolatutako txapelketan (Klasikoa) 2000tik 2006ra, eta FIDEren txapelketan 2006tik 2007ra (2006an, banatuta zeuden txapelketa Klasikoa eta FIDErena batu ziren).

2000. urtean PCAk antolatutako Munduko Xake Txapelketa (klasikoa) irabazi zuen orduko txapeldun Gari Kasparoven aurka (6½ - 8½). Gainera, txapelketa hartan tituluaren defendatzaileak ez zuen partida bakar bat irabazi, 1921ean Capablankak Lasker garaitu zuenetik gertatzen ez zena. 2004an Péter Lékó hungariarraren aurka jokatu zuen Munduko Xake Txapelketa (klasikoa); emaitza berdinketa izan zen (7 - 7), eta txapelketaren arauen arabera, Kramnikek titulua mantendu zuen. 2006an, 1993tik xake mundua banatzen zuten PCAren eta FIDEren txapelketak batu zituzten, erakunde horien txapeldunak elkarren aurka leihatuz munduko txapeldun bakarra erabakitzeko asmoz; Kramnikek FIDEko txapeldun Veselin Topaloven aurka jokatu eta zazpinako berdinketaren ostean berdinketa hausteko partida lasterretan Kramnik gailendu zen (azken emaitza 8½ - 7½). Titulua 2007ko Munduko Xake Txapelketan galdu zuen, Viswanathan Ananden atzetik bigarren egitean.

Errusiako xake taldearekin urrezko domina irabazi zuen 1992, 1994 eta 1996ko Xake Olinpiadetan eta 2013ko Taldekako Munduko Xake Txapelketan.

2019ko urtarrilean, artean goi mailan zebilelarik, motibazio eza zela-eta, xakelari profesional gisa erretiroa hartu zuen, haurrentzako xakeari eta irakaskuntzari loturiko lanetan jarduteko. ^[1]

Erreferentziak

↑ Vladimir Kramnik announces end of chess career Ingelesez.

Kanpo estekak

Wikimedia Commonsen badira fitxategi gehiago, gai hau dutenak: Vladimir Kramnik

(Ingelesez) FIDE
(Ingelesez) Chessgames

Aurrekoa Gari Kasparov	Munduko Xake Txapelduna (Klasikoa) 2000-2007	Ondorengoa Viswanathan Anand
Aurrekoa Veselin Topalov	Munduko Xake Txapelduna (FIDE) 2006-2007	Ondorengoa Viswanathan Anand

Datuak: Q161092
Multimedia: Vladimir Kramnik / Q161092

[1] Vladimir Kramnik announces end of chess career Ingelesez.

[1]