Appearance
![](http://upload.wikimedia.org/wikipedia/commons/thumb/7/70/Icecube.jpg/400px-Icecube.jpg)
Materia ez dago beti egoera berean. Hiru agregazio-egoera nagusi ditu: egoera solidoa, likidoa eta gaseosoa. Materiaren egoera bakoitzak berezko ezaugarriak ditu:
- Solidoek forma eta bolumen propioa dute.
- Likidoek ez dute formarik. Ontziaren forma hartzen dute eta hortaz, bolumen zehatza dutela esaten da, beti bolumen bera.
- Gasek ere ez dute formarik eta ontziaren forma hartzen dute. Ez dute bolumen zehatzik, espazio guztia okupatzen dute eta.
Egoera-aldaketak
[aldatu | aldatu iturburu kodea]![](http://upload.wikimedia.org/wikipedia/commons/thumb/1/16/Phase_change_-_eu.svg/360px-Phase_change_-_eu.svg.png)
Likido batzuk, presio edo tenperatura aldaketaren ondorioz, beste egoera batera pasa daitezke; adibidez, ura berotzen denean lurrundu egiten da, lurrun edo gas bihurtzen da, alegia; bestalde, ura asko hoztuz gero, izoztu egiten da, hau da, solido bihurtzen da.
- Solido bat likido bihurtzeari fusioa edo urtzea deitzen zaio; adibidez, izotza urtzen denean.
- Likido bat solido bihurtzeari solidotzea edo solidifikazioa deitzen zaio; adibidez, ura izozten denean.
- Likido bat gas bihurtzeari lurruntzea deitzen zaio; adibidez, ura berotu eta lurruntzen denean.
- Gas bat likido bihurtzeari kondentsazioa deitzen zaio.
Eta, bestetik:
- Solido bat zuzenean (egoera likidotik igaro gabe) gas bihurtzeari sublimazioa deitzen zaio.
- Gas bat zuzenean (egoera likidotik igaro gabe) solido bihurtzeari kondentsazio solidoa edo kristalizazioa deitzen zaio.