Shane

Shane
	Irudi gehiago
Jatorria
Argitaratze-data	1953
Izenburua	Shane
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	Westerna, film erromantikoa, film dramatikoa eta eleberri batean oinarritutako filma
Iraupena	118 minutu
Kolorea	koloretakoa
Deskribapena
Oinarritua	Shane (en)
Honen parte da	National Film Registry (en)
Grabazio lekua(k)	Wyoming
Zuzendaritza eta gidoia
Zuzendaria(k)	George Stevens
Gidoigilea(k)	A. B. Guthrie Jr.; Jack Sher; Jack Schaefer (en)
Antzezlea(k)
	Alan Ladd ; Gladys Greene ; Van Heflin ; Brandon deWilde ; Jack Palance ; Edith Evanson ; Ben Johnson ; Elisha Cook Jr. ; Alana Ladd ; Edgar Buchanan ; Douglas Spencer ; John Dierkes ; Ellen Corby ; Emile Meyer ; George J. Lewis ; Nancy Kulp ; Steve Raines ; Beverly Washburn ; David Ladd ; Ewing Miles Brown ; Leonard Strong ; George Stevens
Ekoizpena
Ekoizlea	George Stevens
Konpainia ekoizlea	Paramount Pictures
Edizioa	William Hornbeck (en)
Ekoizpen-diseinatzailea	Hal Pereira
Bestelako lanak
Musikagilea	Victor Young
Argazki-zuzendaria	Loyal Griggs
Fikzioa
Kontakizunaren tokia	Wyoming
Historia
Jasotako sariak	National Board of Review: Top Ten Films (en) ; Academy Award for Best Cinematography, Color (en) ; 26. Oscar Sariak
Nominazioak	Directors Guild of America Award for Outstanding Directing – Feature Film (en) ; BAFTA Award for Best Film (en) ; Taldeko gizonezko aktore onenaren Oscar Saria ; 26. Oscar Sariak ; Brandon deWilde; Taldeko gizonezko aktore onenaren Oscar Saria ; 26. Oscar Sariak ; Jack Palance; Film onenaren Oscar Saria ; 26. Oscar Sariak ; George Stevens; Zuzendari onenaren Oscar Saria ; 26. Oscar Sariak ; George Stevens; Egokitutako gidoi onenaren Oscar Saria ; 26. Oscar Sariak ; A. B. Guthrie Jr.; Academy Award for Best Cinematography, Color (en) ; 26. Oscar Sariak ; Loyal Griggs
kronologia

Shane 1953ko George Stevens estatubatuar zinema zuzendari eta ekoizlearen western film bat da. 1949ko Jack Schaefer idazlearen izen berdineko Shane eleberrian oinarritua dago. Alan Ladd, Jean Arthur, Van Heflin, Brandon deWilde eta Jack Palance aktoreek antzeztu zuten. Technicolor sistemaz filmatu zen.

Oscar Sarietarako sei izendapen haso eta bat irabazi zuen, Argazkigintza onenaren Oscar Saria (kolorea, Loyal Griggs).

Argumentua

Oharra: Atal honek istorio osoa edo amaiera argitzen du.

XIX. mendearen bigarren erdialdea, Wyoming estatua. Shane (Alan Ladd), denataz nazkaturik dagoen eta harat-honata dabilen pistolaria, Starrettarren baserrira iritsi berri da, senar-emazte (Van Heflin eta Jean Arthur) eta semeak (Brandon deWilde) osaturiko familia apala, haran hartako gainontzeko nekazari familia xumeek bezala zailtasunak bizi dituen familia, Rufus Ryker (Emile Meyer) abeltzain boteretsua haien lursailez jabetu nahi baitu. Shane seme txikiaren lagun bilakatuko da.

Hasiera batean, senar-emazteek iritsi berria jator hartuko dute, baserriko iturritik ur hartzen lagaz, baina beste gizon batzuk zaldiz datozela ikustean Shane talde erasotzaile hartako kide bat dela uste izan eta Joe Starrett senarrak erriflepean Shane baserria uztera behartuko du. Shane txintik esan gabe joango da, baina handik gutxira itzuli eta bere itzulerarekin bakarrik ailegatu berri diren zaldizko erasotzaileen taldea uxatzea lortuko du.

Ryker Shane pistolari trebea dela jakitean, berarekin batera lan egitea proposatuko dio. Hark uko egitean, Rykerek soldatapeko hiltzaile arriskutsua den Jack Wilson (Jack Palance) kontratatuko du.

Hainbat gertakarirn ondoren, amaierako eszenan Rufus Ryker, haren anaia Morgan (John Dierkes) eta Wilson hiltzaileak Shanen aurkako duelua izango dute. Lehia izugarri baten ostean, anaiak Shane zaurituko du, baina Joey seme txikiak Shane ohartarazi eta Shane dueluan garaile irtetea lortuko du, azkenean baserria nahiz herrixka zaldiz utzi eta ikuslea zauriturik edota hiltzorian dagoen zalantzan lagaz, aldiz, Joey txikia bere adiskide mirestuaz agurtuko da.

Gai nagusia

Gai nagusia western generoko filmeetan maiz ematen dena da: eskualde osoaz jabetzeko eskubidea duela uste duen lurjabe boteretsua eta ezarri berriak diren lursail txikien jabeak diren nekazari apalen arteko lehia, bai batzuk zein besteak lursail horien jabetza izateko borrokatuz. Bestalde, filma honetan Starrett andrea, familiako ama, eta Shane pistolari galaiaren arteko maitasun platonikoa eta Starretarren seme txikia den Joeyk Shanenganako duen miresmena ere irudikatzen ditu.

Aktoreak

Alan Ladd: Shane
Jean Arthur: Marian Starrett
Van Heflin: Joe Starrett
Brandon deWilde: Joey Starrett
Jack Palance (kredituetan Walter Jack Palance bezala): Jack Wilson
Ben Johnson: Chris Calloway
Edgar Buchanan: Fred Lewis
Emile Meyer: Rufus Ryker
Elisha Cook, Jr.: Frank 'Stonewall' Torrey
Douglas Spencer: Axel 'Swede' Shipstead
John Dierkes: Morgan Ryker
Ellen Corby: Liz Torrey andrea
Paul McVey: Sam Grafton
John Miller: Will Atkey, bartender
Edith Evanson: Shipstead andrea
Leonard Strong: Ernie Wright
Nancy Kulp: Howells andrea

Iruditegia

Shane (Alan Ladd) eta Marian Starrett (Jean Arthur)
Filmaketa.
Shane (Alan Ladd) eta Marian Starrett (Jean Arthur)

Kanpo estekak

Shane filmaren IMDBko fitxa irakurgai (Ingelesez)

Datuak: Q1045165
Multimedia: Shane (film) / Q1045165