Sedia gestatoria
![](http://upload.wikimedia.org/wikipedia/commons/thumb/b/b0/Sedia_gestatoria_pope_Pius_VII.jpg/250px-Sedia_gestatoria_pope_Pius_VII.jpg)
Sedia gestatoria sorbaldetan garraiatu ahal izateko bi langa dituen aulkia da, Aita Santua zeremonia solemne batzuetan prozesioan eramateko erabiltzen zena, jendetzak ikusteko moduan. Bere atzean, flabeloak zihoazen. Gaur egun, jada ez da erabiltzen, Aita Santuak, motordun ibilgailuak erabiltzen baititu jendetza artean ibiltzen denean. Aulki hau eramaten zuten laguntzaileei, sediario zeritzen. Gaur egun, aita santuaren audientzia eta ospakizunak prestatzen ibiltzen dira. Sediario bezala aritu ziren azken aldia, 2005eko apirilak 8an izan zen, euretako hamabik, sorbaldetan, Joan Paulo II.aren hilobia eraman zutenean. "Sediario Pontifizioak", gaur egun, 24 dira. Euren aitzindaria, Adalberto Leschiutta italiarra da.
Aurrekari historikoak
[aldatu | aldatu iturburu kodea]Sedia gestatoria batean garraiatutako kargudun baten irudikapen ezagunik antzinakoena, Egiptoko lehen dinastietan datatua dago, Heb Sedaren ospakizunean. Heb Seda, antzinako jai erritual bat zen, faraoi baten erregealdiko 30. urtea ospatzen zuena.