Niccolò dell'Abbate

Niccolò dell'Abbate
Bizitza
Jaiotza	Modena, 1512
Herrialdea	Frantzia
Bizilekua	Frantzia
Heriotza	Fontainebleau, 1571 (58/59 urte)
Hezkuntza
Hizkuntzak	italiera
Jarduerak
Jarduerak	margolaria eta artista bisuala
Lan nabarmenak	ikusi Moses Rescued from the Nile (en) ; The Rape of Proserpine (en) ;
Influentziak	Il Correggio, Dosso Dossi eta Parmigianino
Mugimendua	Fontainebleauko eskola

Niccoló edo Nicoló dell 'Abbate (Modena; 1509 edo 1512 - Fontainebleau; 1571), italiar margolari manierista eta dekoratzailea izan zen, Emiliako Eskolan hezia eta Fontainebleaukoan parte hartu zuena.

Italiako Modena hirian jaio zen, eta Pietro Paolo Dell 'Abbate eskultorearen semea izan zen.

Bere ikasketa Antonio Begarelli eskultorearen lantegian hasi zuen, eta aurreneko eraginak Ferrarako Eskolako margolariak izan ziren: Benvenuto Tisi da Garofalo eta Dosso Dossi. Bere lehen lan dokumentatua, Alberto Fontanarekin elkarlanean, Modenako 'Beccherie'ren apainketa izan zen 1537an.

Garaian modan zeuden gai mitologikoetan espezializatu zen, eta ildo horretako fresko handiak sortu zituen. Horien adibide dira Boiardo kondeen jabetzakoak ziren Palazzo dei Beccherien (1537) edo Rocca de Scandianon topa ditzakegunak. Garai honetakoa da, baita ere, Herkulesen Aretoa, Rocca dei Meli Lupin, eta, beharbada, Casotti Jauregian dauden freskoak. 1546an, Modenako Palazio Komunaleko 'Fuocoren Aretoa' margotu zuen erromatar historiako pasarteekin. 1545 eta 1547 artean, bere jaioterriko San Pedro elizarako Bigarren Mundu Gerran suntsitutako 'San Petri eta San Pauloren martirioa' lana egin zuen.

1574an Boloniara joanda, bere estiloa, garaiko maisu handien eraginez garatzen joan zen, hala nola Antonio Allegri da Correggio eta Parmigianino. Parmigianinoren izena Niccolórenarekin batera elkartua agertzen da Vienako Artearen Historiaren Museoan. Hiri horretan, bere obraren zatirik handienak ehiza-pasarteak, maitasunezkoak eta eszena aristokratikoak deskribatzen zituen, askotan istorio mitologikoekin batera. Une honetan apaindu zuen 'Palazzo Poggi', eta Modenatik gertu dagoen Dukearen Jauregian (Sassuolo) 'Orlando Furioso' lanean inspiratutako fresko batzuk egin zituen.

1552an Nicoló Frantziara joan zen, eta Fontainebleauko gazteluan lan egin zuen, Francesco Primaticciok zuzendutako dekorazio taldeko kide izanik. Primaticciorekin elkarlanean dantza-aretoa (1554) eta 'Ulisesen Galeria' margotu zituen 1559 eta 1560 bitartean; azken honen horma-irudiak XVIII. mendean suntsituak izan ziren, baina Theodor van Thuldenen irarlanei esker ezagutzen dira.

Lanak

Irudi bat handitzeko, klika ezazu gainean.

Paisaia andere eta zaldunekin, olioa oihalean, 116 x 119 cm, Borghese Galeria (Erroma).
San Paolo kristau bihurtu zenekoa, olioa oihalean, 117,5 x 128 cm, Kunsthistorisches Museum (Viena). Gaur egun Parmigianinori egotzi zaio lan hau.
Alcinak Ruggero hartzen du, freskoa oihal gainean, 401 x 282 cm, Boloniako Pinakoteka Nazionala, (Bolonia).
Kontzertua, freskoa oihal gainean, Boloniako Pinakoteka Nazionala, (Bolonia).
"Andere baten portreta", circa 1549, olioa oihal gainean muntatutako pergaminoan, 45 x 30 cm, Borghese Galeria (Erroma).
Proserpina bahitua", 1552-1570, olioa mihisean, 196 X 216 cm, Louvre museoa.