Mendiguren gaztelua
| Mendiguren gaztelua | |
|---|---|
 Monumentu historikoa | |
 | |
| Kokapena | |
| Herrialdea |  Euskal Herria |
| Lurraldea |  Nafarroa Beherea |
| Eskualdea | Garazi |
| Udalerria | Donibane Garazi |
| Koordenatuak | 43°09′44″N 1°14′02″W / 43.1622°N 1.2339°W |
 | |
| Historia eta erabilera | |
| Eraikuntza | XVII. mendea |
| Ondarea | |
| Mérimée ID | PA00084506 |
Mendiguren gaztelua edo Donibane Garaziko zitadela[1] Nafarroa Behereko Donibane Garazi hiriburuko gotorleku bata da, izen bereko muinoan kokaturik. Donibane Garaziko zitadela hiriaren gainean altxatzen da, 70 bat metro gora, harresien babesera.[2]
Mendiguren gaztelua hiriaren sorrerarekin batera eraikia izan zen. Fernando Katolikoa buru zutela 1512an Gaztelako Erresumako armadak Pirinioak igaro eta Garazi bereganatu zuten. Nafarroako erregeek Bearnora alde egin behar izan zuten. Hurrengo urteetan eskuz esku, gaztelarren eta nafarren artean ibili zen hiria. [3]
Egungo gotorlekuak lau bastioi ditu eta 1625-1627 artean Pierre de Conty d'Argencourek eraikia eta 1640-1648 Nicolas Desjardinsek zabaldua izan zen. Mendebaldeko aldean artilleriarako lekuak daude, 1540. edo 1550. hamarkadetan eraikiak. 1686 eta 1700 artean, François Ferry ingeniariak, Vaubanen agindupean, bigarren mailako defentsak eraiki zituen. 1728an ere eraikitze-lanak egin zituzten. XIX. mendeko lanek ez zuten XVII. mendekoak aldatu[4].
Sarrera moduan arrapala dute. Mendebaldean, Garaziren panorama ederra dugu. Inguruko zitadela bisitagarria da baina ez gaztelua bera, non egun herriko eskola dagoen. Bertan zegoen antzinako barrakoiak, kapera, gobernadorearen etxea, bolborategia eta putzua.
Erreferentziak
[aldatu | aldatu iturburu kodea]- ↑ Mérimée, Frantziako Kultura Ministerioa. PA00084506. .
- ↑ Montagne Pays Basque. Donibane Garazi eta Zitadela. .
- ↑ Naiz!. (2013-9-16). Nafarroa, gazteluz gaztelu. .[Betiko hautsitako esteka]
- ↑ Folio, Gérard. (2005). «La citadelle et la place de Saint-Jean-Pied-de-Port, de la Renaissance à l’Époque Contemporaine» Cahier du Centre d’études d’histoire de la défense (25) ISBN 2-11-094732-2..
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q16518346
Multimedia: Citadelle de Saint-Jean-Pied-de-Port / Q16518346