Mary Cartwright
Appearance
Mary Cartwright (Northamptonshire, 1900eko abenduaren 17a - Cambridge, 1998ko apirilaren 3a) britainiar matematikaria izan zen.
Oxfordeko Unibertsitatean ikasi zuen. 1940ko hamarkadan, John Littlewoodekin batera, Van der Pol ekuazioak landu zituen. Ingalaterrako Royal Societyren Adiskide izendatu den lehen emakumea da. 1951n Londresko Mathematical Societyko lehendakari izendatu zuten. Erretiratu ondoren ere, hitzaldiak ematen jarraitu zuen hainbat unibertsitatetan. Matematika-funtzioen teoria ikertzen eman zuen bizitza osoa.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.