Maria Ulianova

Maria Ulianova
	; Irudi gehiago
Bizitza
Jaiotza	Ulianovsk, 1878ko otsailaren 6a (juliotar egutegia)
Herrialdea	Sobietar Errepublika Sozialisten Batasuna ; Errusiar Inperioa
Bizilekua	Samara; Suitza; Paris; Zelenogorsk (en) ; Ulianovsk; Mosku; Brusela; San Petersburgo; Mosku
Heriotza	Mosku, 1937ko ekainaren 12a (59 urte)
Hobiratze lekua	Kremlingo harresiko nekropolia; Donskoy crematorium (en)
Heriotza modua	berezko heriotza: ateroesklerosia
Familia
Aita	Ilya Ulyanov
Ama	Maria Aleksandrovna Blank
Haurrideak	ikusi Vladimir Lenin; Dmitri Ulianov; Olga Ulianova; Aleksandr Ilitx Ulianov; Anna Ulianova;
Hezkuntza
Heziketa	Parisko Unibertsitatea
Hizkuntzak	errusiera
Jarduerak
Jarduerak	politikaria, iraultzailea, irakaslea, editore-laguntzailea eta kazetaria
	Parte-hartzailea 6th Congress of the Russian Social Democratic Labour Party (en) ; 17th Congress of the All-Union Communist Party (en) ;
Enplegatzailea(k)	Iskra (en) (1900 - ; Secretariat of the Central Committee of the Communist Party of the Soviet Union (en) (1903 - ; Pravda (1917 - 1929); Rabkrin (en) (1935 - ; Sobietar Batasuneko Batzorde Betearazle Zentrala (1935 -
Jasotako sariak	ikusi Leninen Ordena (1933) ;
Kidetza	Sobietar Batasuneko Alderdi Komunistaren Batzorde Zentrala; Sobietar Batasuneko Batzorde Betearazle Zentrala; Rabkrin (en) ; All-Union Society of Old Bolsheviks (en)
Sinesmenak eta ideologia
Erlijioa	ateismoa
Alderdi politikoa	Sobietar Batasuneko Alderdi Komunista; Errusiako Langile Alderdi Sozialdemokrata; Sobietar Batasuneko Alderdi Komunistaren Batzorde Zentrala; Control Commission of the Communist Party of the Soviet Union (en)

Maria Ilinitxna Ulianova^[1] (errusieraz: Мари́я Ильи́нична Улья́нова; Simbirsk, 1878ko otsailaren 18a^greg./otsailaren 6a^jul. - Mosku, 1937ko ekainaren 12a) errusiar militante boltxebikea izan zen; Vladimir Leninen arreba gazteena^[2].

Bizitza

Gaztetako protestak zirela eta, 1895an Bestuzheveko goi-mailako ikasketen ikastetxe batean ez zuten onartu, eta Moskun ikasi behar izan zuen. 1898an Errusiako Langileen Alderdi Sozialdemokrataren kide egin zen. 1900tik aurrera, Iskra aldizkarian lanean ibili zen; Nizhni Novgorod, Saratov, Mosku, Kiev, Samara eta San Petersburgo hirietan lan iraultzailea burutu zuen^[2].

1903an boltxebikeekin lerratu zen, eta Alderdi Boltxebikearen idazkaritzan lan egin zuen. Urte horietan hainbat aldiz atxilotu zuten: 1899an Nizhni Novgorod hirira deportatu zuten, 1901an Samara hirira deportatua zuten, 1904an eta 1908an. 1904 eta 1905 artean Suitzan egon zen erbestean. 1908an, berriz, joan zen erbestera, Frantziara, non Sorbonako Unibertsitatean frantses Filologia ikasi zuen. 1910ean, Errusiar Inperioara bueltatu zen, hain zuzen ere, Finlandiako Terijoki hirira. 1912an, bosgarren aldiz atxilotu eta Vologda probintziara deportatu zuten eta 1915an aske utzi zuten. Erbestealdi honetan, Vologda probintziako boltxebikeen buru izan zen. 1917. urtera arte, Alderdi Boltxebikearen barne-antolakuntza departamenduan ibili zen^[2].

1917ko martxotik 1929ran Pravda egunkariaren erredakzioan lan egin zuen. 1925tik 1934ra Alderdi Boltxebikearen Kontrol Komisioko kide izan zen eta 1932 eta 1934 artean Kontrol Komisioaren Lehendakaritzaren parte. 1935tik aurrera, Sobieten Komite Exekutibo Zentralaren kide moduan aukeratu zuten. 1935an, Sobietar Batasuneko Alderdi Komunistaren Komite Zentralerako aukeratu zuten. 1937an hil zen^[2].

Erreferentziak

↑ Euskaltzaindia. (PDF) 156. arauaː Alfabeto zirilikoz idatzitako izenak euskarara aldatzeko transkripzio-sistema (errusiera, bielorrusiera, ukrainera eta bulgariera). (Noiz kontsultatua: 2020-04-28).
↑ ^a ^b ^c ^d Ulianova, Marija, K17 2017-12-08. CC0 Domeinu Publikoa

Datuak: Q4475079
Multimedia: Maria Ilyinichna Ulyanova / Q4475079

[156.araua-1] Euskaltzaindia. (PDF) 156. arauaː Alfabeto zirilikoz idatzitako izenak euskarara aldatzeko transkripzio-sistema (errusiera, bielorrusiera, ukrainera eta bulgariera). (Noiz kontsultatua: 2020-04-28).

[aa-2] Ulianova, Marija, K17 2017-12-08. CC0 Domeinu Publikoa

[1]

[2]