Maria José Aguiar
| Maria José Aguiar | |
|---|---|
| Bizitza | |
| Jaiotza | Barcelos, 1948 (75/76 urte) |
| Herrialdea |  Portugal |
| Hezkuntza | |
| Heziketa | Portoko Unibertsitatea |
| Hizkuntzak | portugesa |
| Jarduerak | |
| Jarduerak | margolaria |
| Enplegatzailea(k) | Faculty of Fine Arts of the University of Porto (en)  (1973 - 2009) |
Maria Jose Aguiar, sortzez Maria Jose Marinho de Aguiar (Barcelos, 1948), portugaldar artista plastiko feminista da. Sexuarekin eta generoarekin lotutako gai feministek markatzen dute haren lana.[1][2]
Biografia
[aldatu | aldatu iturburu kodea]1972an amaitu zituen ikasketak Maria Jose Aguiarrek Portoko Arte Ederren Goi Eskolan (ESBAP). 1973tik 2009ra, pintura irakatsi zuen ESBAPen.[2][3]
1970eko hamarkadan, Pop Artea deskubritu zuen, Calouste Gulbenkian Fundazioan, Portugalen. Mugimendu horretan aukera berriak ikusi zituen, hala nola, gouachez egindako kartel handietarako lehendik esperimentatuak zituen azalera koloretsuak.
1973an, lehen erakusketa pertsonala egin zuen Galería Álvarezen, Porton.[4] 1974an, Galería Espaçon erakutsi zuen, eta 1977an, Galería Modulon, Porton.
Maria Jose Aguiar, 1974ko apirilaren 25eko Krabelinen Iraultzaren aurretik, diktadura garaian, genero kontuez interesatu zen lehen artista portugaldarretako bat da. Generoari eta gorputzari buruzko pertzepzio pertsonaletatik abiatuta, bere gordailuan eta esperientzian oinarritutako iruditeria aurkezten du. Bere obrak gizarte kontserbadore eta patriarkala desafiatzen eta barregarri uzten du.[5] Bere lana Estado Novoren zentsuraren menpe zegoen. Pop arteak eraginda, Marcas izeneko lan-sorta sortu zuen Maria Jose Aguiarrek, eta eztabaida piztu zuen garai hartako Portugalgo testuinguru artistikoan. Aurreko lanetan bezala, serie horretan ere generoari eta gorputz biologikoen indar-harremanei buruzko gaiak jorratzen ditu. Marcas obrarako, patroi dekoratibo bat osatzen duten akats irudikatu, estilizatu eta serializatuak erabili zituen. Hutsegiteak banalizatuta daude, bakartasunik gabe, eramaileetatik deskonektatuta.[6]
Maria Jose Aguiarren lana Portugalgo hainbat bildumatan dago ikusgai: Calouste Gulbenkian Fundazioan, Portoko Soares dos Reis Museo Nazionalean, Gordailuen Caixa Geralen.[7]
Bere lanetako batzuk João Ribas, Ricardo Nicolau eta Paula Fernandes artistek antolatutako Zéro de Conduite: Works from the Serralves Collection erakusketaren (Serralves Fundazioaren Arte Museoa, Porto) eta Ana Vasconcelosek eta Patrícia Rosasek antolatutako PósPop. Fora do Lugar Comum erakusketaren (Calouste Gulbenkian Fundazioan, Lisboa) parte dira.[8][9]
Maria Jose Aguiarren lana Frac Nueva Aquitania La Mécan (Bordele, 2022) aurkeztutako Art contemporain portugais erakusketaren parte da.[10]
Saria
[aldatu | aldatu iturburu kodea]- 1987 Amadeu de Souza saria - Cardoso (hirugarren postua)[3]
Erreferentziak
[aldatu | aldatu iturburu kodea]- Artikulu hau, osorik edo zatiren batean, {{{hizkuntza}}} Wikipediako «[[:{{{1}}}:{{{2}}}|{{{2}}}]]» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.
- ↑ «Aguiar | Museu Berardo» pt.museuberardo.pt.
- ↑ a b Infopédia. «Maria José Aguiar - Infopédia» Infopédia - Dicionários Porto Editora.
- ↑ a b «Maria José Aguiar - Mary & Osório - Atelier de Serigrafia Artística» www.arteserigrafia.com.
- ↑ Nunes, Luís. (2013). Maria José Aguiar: uma Erupção Provocativa. Universidade de Lisboa.
- ↑ «Maria José Aguiar · É um Oceano» É um Oceano 2020.
- ↑ Fonseca, Rui Pedro Paulino da. (2013-12). «Condições de produção dos feminismos artísticos em Portugal» Revista Estudos Feministas 21 (3): 1015–1038. doi:. ISSN 0104-026X..
- ↑ «Obras de Maria José Aguiar no Centro de Arte Moderna» Fundação Calouste Gulbenkian.
- ↑ Seara.com. «Fundação de Serralves - Serralves» Serralves.
- ↑ Lusa, Agência. «A arte “Pós-Pop. Fora do lugar comum” em exposição na Fundação Gulbenkian» Observador.
- ↑ Spectacles, expos, sorties : notre sélection du week-end. 2022-10-07.
 |
Euskarazko Wikipedian bada atari bat, gai hau duena: Portugal |
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q56350156