Levon Ter-Petrosian
Levon Ter-Petrosian | |||
---|---|---|---|
![]() | |||
1991ko azaroaren 11 - 1998ko otsailaren 3a - Robert Kocharyan → | |||
Bizitza | |||
Jaiotza | Alepo, 1946ko urtarrilaren 9a (78 urte) (79 urte) | ||
Herrialdea | ![]() ![]() | ||
Familia | |||
Ezkontidea(k) | Lyudmila Ter-Petrosyan | ||
Hezkuntza | |||
Heziketa | Erevango Estatu-Unibertsitatea Faculty of Oriental Studies of the St. Petersburg University (en) ![]() | ||
Hezkuntza-maila | Doctor of Sciences in Philology (en) ![]() | ||
Hizkuntzak | armeniera | ||
Jarduerak | |||
Jarduerak | politikaria eta historialaria | ||
Enplegatzailea(k) | San Petersburgoko Estatu-Unibertsitatea | ||
Jasotako sariak | |||
Sinesmenak eta ideologia | |||
Erlijioa | Armeniako Eliza Apostolikoa | ||
Alderdi politikoa | |||
![]() |
Levon Ter-Petrosian (armenieraz: Լևոն Տեր-Պետրոսյան; Alepo, Siria, 1946ko urtarrilaren 9a) armeniar politikari eta filologoa da. 1991 eta 1998 bitartean, Armeniako lehenbiziko presidentea izan zen.
Bizitza
[aldatu | aldatu iturburu kodea]Ikasketak Erevanen (Armenia) egin zituen, eta ondoren San Petersburgora joan zen doktoregoa egitera. Ter-Petrosianek hamar hizkuntza dakizki. Siriar patristikako eta Armeniako erlijio-literaturako eskolak eman zituen Ejmiatsingo seminarioan. 1966an sobietar gulag batean atxilotu zuten.
Karabakheko mugimendua sortu zuen, Karabakh Garaia Armeniako errepublikara lotzea eskatzen zuena; izan ere, bertako biztanleen % 80 armeniarrak ziren. Karabakheko mugimenduko kide zela espetxeratu egin zuten 1988an, batzordeko gainerako kideekin batera. Sei hilabete igaro zituen espetxean. Denbora horretan hiru greba orokor izan ziren Armenian. 1989an, Armeniako mugimendu nazionaleko zuzendaritza-batzordeko presidente zela, diputatu hautatu zuten Herriaren Diputatuen Biltzarren sobietar hauteskundeetan.
1990an hasi ziren armeniarren eta azerien arteko borrokak Karabakh Garaia eskualde autonomoa kontrolatzeko. 1990ean Sobiet Gorenak Ganberako presidente hautatu zuen Ter-Petrosian. 1991ean SESBen izan zen estatu-kolpeko saioaren ondoren, armeniarren % 99k burujabetasunaren alde eman zuen botoa, eta Errepublikako Legebiltzarrak, Ter-Petrosian buru zela, burujabetasuna aldarrikatu zuen. Bera izan zen Armeniako lehen lehendakaria.
1998an oposizioak dimisioa ematera behartu zuen. Gerora, ia ez zen hedabideetan agertu, eta The Crusaders and Armenians ikerketa-lan historiko-politikoa argitaratu zuen. 2008. urtean Ter-Petrosian lehendakari-hauteskundeetara aurkeztu, eta bigarren geratu zen. Haren aldekoek hauteskunde egunean irregulartasunak egon zirela salatu zuten[1].
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Armeniako bozetan irregulartasunak egon direla salatu du oposizioak[Betiko hautsitako esteka] Paperekoa.berria.eus
![]() |
Wikimedia Commonsen badira fitxategi gehiago, gai hau dutenak: Levon Ter-Petrosian ![]() |