Koniferoen baso epel
Koniferoen baso epelak munduan existitzen den biometako bati ematen zaion izena da. Multzo honetan daude sartuta Hego Amerika hego-mendebaldeko euri oihan epelak, Zeelanda Berriko eta Tasmaniako euri basoak eta Europa iparraldeko, Japonia hegoaldeko eta Asia erdialdeko hainbat baso.
Baso hauetan koniferoen espezie asko ageri dira: zedroak, altzifreak, izeiak, sabinak, ipuruak, haginak, etab. Euri oihan epeletako hezetasunari esker, basoaren oihanpean goroldio ugari hazi ohi da, bai eta belar eta zuhaixka espezie asko ere. Egiturari dagokionez, baso sinpleak dira, bi geruza besterik ez baitaukate: zuhaitzen maila eta oihanpea.
Baso mota hauetako hezeenek ekosistema lehortar guztien artetik biomasa gehien dutenak dira, eta hainbat kasutan, bere zuhaitzen neurria errraldoia da.
![](http://upload.wikimedia.org/wikipedia/commons/thumb/e/e1/Bor_lowland_typical_forest.jpg/220px-Bor_lowland_typical_forest.jpg)