Jalisco

Jalisco
Administrazioa
Herrialdea	Mexiko
Hiriburua	Guadalajara
Gobernadorea	Aristóteles Sandoval PRI
Laburdura	Jal.
Diputatuak	31
Geografia
Koordenatuak	20°40′35″N 103°20′45″W / 20.6764°N 103.3458°W
Azalera	78.599 km²
Demografia
Biztanleria	7.350.682 biztanle (2010)
Dentsitatea	93.52 bizt/km²
	http://www.jalisco.gob.mx/

Jalisco Mexiko erdi-mendebaldeko estatu federala da. 78.599 kilometro koadroko eremua hartzen du, eta 7.350.682 biztanle zituen 2010ean.^[1] Guadalajara da hiriburua, eta beste hiri garrantzitsuak Sayula, Lagos de Moreno eta Ocotlán.

Geografia

Kokapena

Jalisco Mexikoko erdi-mendebaldean dago. Iparraldean Nayarit, Durango, Zacatecas eta Aguascalientesekin du muga; ekialdean San Luis Potosí, Guanajuato eta Michoacánekin; hegoaldean, Michoacán eta Colimarekin; eta mendebaldean Ozeano Barearekin.

Erliebea eta hidrografia

Bi alde bereizten dira Jaliscoko erliebean: menditsua bata, eta laua bestea. Klima heze epela (19° C batez beste). Lerma-Santiago ibaien arroan dago lurraldearen zatirik handiena.

Historia

1526. urtean iritsi ziren Jaliscora espainiar konkistatzaileak; Nueva Galicia izeneko lurraldearen barnean geratu zen XVI. mendearen erdialdetik aurrera. Mexikoren independentziaren ondoren sortu zen Jalisco estatua, eta gaur egun garrantzi handia du, Mexikoko mendebaldean batez ere.

1889. urtean, gaur egungo Nayarit estatua bereizi zen Jaliscotik.

Ekonomia

Nekazaritza da ekonomia-jarduera nagusia: artoa, garia, azukre-kanabera, kotoia, arroza eta tabakoa. Lurpeko aberastasunak handiak dira: zilarra, urrea, merkurioa, beruna, zinka. Industria bada, baina hiri handietan soilik; herri gehienak nekazariak dira.

Jaliscotar ospetsuak

Juan Rulfo (1917-1986), idazlea.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ ^a ^b Macmillan, Palgrave, The Statesman's Yearbook 2017: The Politics, Cultures and Economies of the World, 823. orrialdea, Macmillan Publishers, books.google.es

Kanpo estekak

(Gaztelaniaz) Jaliscoko gobernuaren webgunea, jalisco.gob.mx

Datuak: Q13160
Multimedia: Jalisco / Q13160

[macmillan-1] Macmillan, Palgrave, The Statesman's Yearbook 2017: The Politics, Cultures and Economies of the World, 823. orrialdea, Macmillan Publishers, books.google.es

[1]