Ivano-Frankivskeko oblasta
Ivano-Frankivskeko oblasta Івано-Франківська область | |
---|---|
![]() | |
![]() ![]() | |
Administrazioa | |
Herrialdea | ![]() |
Hiriburua | Ivano-Frankivsk |
Geografia | |
![]() | |
Azalera | 13.928 km² |
Demografia | |
Biztanleria | 1.383.057 biztanle (2008) |
Dentsitatea | 99,3 bizt/km² |
Bestelako informazioa | |
Hizkuntza ofiziala(k) | Ukrainera |
www.rada.gov.ua |
Ivano-Frankivskeko oblasta (ukraineraz: Івано-Франківська область, translit. Ivano-Frankivs’ka oblast’), Ukrainako sartaldeko oblasta da. Iparralde eta mendebaldean Lviveko oblastarekin du muga, hego-mendebaldean Transkarpatiako oblastarekin, hegoaldean Errumaniarekin, hego-ekialdean Txernivtsiko oblastarekin eta ekialdean Ternopilgo oblastarekin. 13.928 km²ko azalera du eta 2008an 1.383.057 biztanle zituen[1]. Ivano-Frankivsk hiria da oblastaren zentro administratiboa. Galitzia eskualde historikoaren zati da.
Geografia
[aldatu | aldatu iturburu kodea]Hiru paisaia-mota bereiz ditzakegu: Karpatoak, Aurrekarpatoak eta lautadak. Karpatoek, probintziako hegoalde eta sartaldean hedatzen direnak, oblast honetako eremuaren erdia hartzen dute, bi mendigune nagusirekin: Gorgany (mendi gorena Syvulia, 1.818 m) eta Txornohora (gailur gorena Hoverla, 2.061 m). Dniester ibaiak bere bidea egiten du probintzian barna. Beste ibai batzuk hauexek dira: Prut, Txeremox eta Bystrytsia. Basoak ugariak dira, Aurrekarpatoetan batez ere, eta lurraldearen herena inguru estaltzen dute.
Klima kontinental hezea da. Udak fresko samarrak badira ere, neguak ez dira gogorrak. Ekaineko batezbesteko tenperatura 18 °C da (12–16 °C mendiguneetan) eta urtarrileko batezbestekoa −4 °C (−6 °C mendialdean). Urteko pilatutako prezipitazioa 650 mm eta 1550 mm (mendialdean) artekoa izaten da.
Hiri nagusiak
[aldatu | aldatu iturburu kodea]Ivano-Frankivskeko oblasteko hiri handienak hauek dira (2005eko biztanleria[2])
- Ivano-Frankivsk: 219.479 biztanle
- Kalux: 67.389 biztanle
- Kolomyia: 61.210 biztanle
Probintziaren antolamendua
[aldatu | aldatu iturburu kodea]Bost raion edo barrutik osatzen dute oblasta. Bestetik, bost hiri (Bolekhiv, Kalux, Kolomyia, Jaremtxe, eta hiriburua den Ivano-Frankivsk) gobernuaren administrazioaren menpe daude zuzenean.
2020ko banaketa
[aldatu | aldatu iturburu kodea]![](http://upload.wikimedia.org/wikipedia/commons/thumb/5/5a/Ivano-Frankivsk_Oblast_2020_subdivisions.jpg/220px-Ivano-Frankivsk_Oblast_2020_subdivisions.jpg)
2020ko uztailetik bost raion daude Ivano-Frankivskeko oblastean:
2020 aurreko banaketa
[aldatu | aldatu iturburu kodea]![]() | |||
Ukraineraz | Zentru administratiboa | ||
---|---|---|---|
Bohorodchanyko raiona | Богородчанський район | Bohorodchany | |
Dolynako raiona | Долинський район | Dolyna | |
Halytxko raiona | Галицький район | Halytx | |
Horodenkako raiona | Городенківський район | Horodenka | |
Kaluxko raiona | Калуський район | Kalux | |
Kolomyiako raiona | Коломийський район | Kolomyia | |
Kosivko raiona | Косівський район | Kosiv | |
Nadvirnako raiona | Надвірнянський район | Nadvirna | |
Rohatynko raion | Рогатинський район | Rohatyn | |
Rozhniativeko raiona | Рожнятівський район | Rozhniativ | |
Sniatyngo raiona | Снятинський район | Sniatyn | |
Tlumatxeko raiona | Тлумацький район | Tlumatx | |
Tysmenytsiako raiona | Тисменицький район | Tysmenytsia | |
Verkhovynako raiona | Верховинський район | Verkhovyna |
Erreferentziak
[aldatu | aldatu iturburu kodea]- ↑ Ukrainako banaketa administratiboa[Betiko hautsitako esteka] World-gazetteer.com
- ↑ Ivano-Frankivskeko oblasteko hiriak. . World-gazetteer.com
Kanpo estekak
[aldatu | aldatu iturburu kodea]- (Ukraineraz) Ivano-Frankivskeko administrazioaren ataria
- (Ingelesez) Ivano-Frankivsk oblast Ukrainetrek.com