Indro Montanelli

Indro Montanelli
	; Irudi gehiago
Bizitza
Jaiotza	Fucecchio, 1909ko apirilaren 22a
Herrialdea	Italiako Erresuma (1909ko apirilaren 22a - 1946ko ekainaren 18a); Italia (1946ko ekainaren 18a - 2001eko uztailaren 22a)
Heriotza	Milan, 2001eko uztailaren 22a (92 urte)
Heriotza modua	berezko heriotza: gernu-infekzioa
Familia
Ezkontidea(k)	Colette Rosselli (1974 - 1996ko martxoaren 9a)
Hezkuntza
Heziketa	Florentziako Unibertsitatea
Hizkuntzak	italiera; ingelesa; frantsesa
Jarduerak
Jarduerak	kazetaria, idazlea, gidoilaria eta film-zuzendaria
Enplegatzailea(k)	Tartuko Unibertsitatea
Jasotako sariak	ikusi commemorative medal of the military operation in East Africa ; War Merit Cross (Italy) ; Commander First Class of the Order of the Lion of Finland ; Grand Officer of the Order of Merit of the Italian Republic (1963ko abenduaren 27a) ; Knight Grand Cross of the Order of Merit of the Italian Republic (1995eko abenduaren 15a) ; Komunikazioaren eta humanitateen Asturiasko Printzesa saria (1996) ; International Press Institute World Press Freedom Heroes (2000) ; Bagutta Prize (1951) ; Ischia International Journalism Award (1980) ; International Editor of the Year Award (1994) ; Bancarella Prize (1967) ;
Kidetza	Accademia della Crusca
Izengoitia(k)	Marmidone, Folco Ferrasco eta Pellegrino Tirinnanzi

Indro Montanelli (Fucecchio, Florentziako probintzia, Italia, 1909 – Milan, Italia, 2001) italierazko kazetaria eta historialaria izan zen.

Bizitza

Florentziako Unibertsitatean eta Sorbonan egin zituen ikasketak. Azken horretan, zientzia politikoetan eta zuzenbidean lizentziatu zen. Historia-ikasketak Alemanian osatu zituen. 1939-1972 urte bitartean Il Corriere della Sera aldizkarian zutabeak idatzi zituen. Gerrako berriemaile gisa, bi fronteetan izan zen Bigarren Mundu Gerran, eta orobat izan zen Espainiako Gerra Zibilean; Espainiara iritsi zenean faxisten aldeko zen, baina gerran ideologia aldatu zuen.

1974an, ideologia-ikuspegia aldatu zuenez gero, ordu arteko aldizkaria utzi eta Il Giornale nuovo sortu zuen Milanen. Sortu zenetik bertatik terrorismoa salatu zuen, bai ezkerreko terrorismoa bai eskuinekoa. Horren ondorioz, 1977an Brigada Gorrietako bi kidek zortzi tiro eman zizkioten hanketan, baina bizirik irten zen; handik urte batzuetara, eraso zutenek antolatutako erakusketa batera joan zen Milango espetxera.

1994. urte arte izan zen Montanelli Il Giornaleko zuzendari. Urte horretan dimisioa eman zuen, ez baitzegoen ados Silvio Berlusconi enpresa-gizonarekin. Ondoren, egunkari berri bat kaleratu zuen, La Voce (1994), baina denbora gutxira desagertu egin zen arazo ekonomikoak zirela-eta. 1996an Asturiasko Printzearen saria eman zioten.

Erreferentziak

Wikimedia Commonsen badira fitxategi gehiago, gai hau dutenak: Indro Montanelli

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q327914
Multimedia: Indro Montanelli / Q327914