Ikaztegieta

Ikaztegieta
Gipuzkoa, Euskal Herria
Ikaztegietaren ikuspegia
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Gipuzkoa
Eskualdea	Tolosaldea
Izen ofiziala	Ikaztegieta
Alkatea	Iker Otamendi Ibarguren
Posta kodea	20267
INE kodea	20044
Herritarra	ikaztegietar
Ezizena	madril txikik
Kokapena
Koordenatuak	43°05′41″N 2°07′31″W
Azalera	2 km²
Garaiera	110 m
Distantzia	32 km Donostiara
Demografia
Biztanleria	487 (2023) 4 (2022)
247 (%50,7)   (%51,5) 251
Dentsitatea	243,5 bizt/km²
Hazkundea (2003-2013)	% 20,21
Zahartze tasa	% 18,88
Ugalkortasun tasa	‰ 9,8
Ekonomia
Jarduera tasa	% 83,61 (2011)
Genero desoreka	% 7,56 (2011)
Langabezia erregistratua	% 8,14 (2013)
Euskara
Euskaldunak	% 88,83 (2010)
Kaleko erabilera	% 76,8 (2016)
Etxeko erabilera	% 66.89 (2016)
Datu gehigarriak
Sorrera	1988 (juliotar egutegia)
Webgunea	http://www.ikaztegieta.com/

Ikaztegieta Gipuzkoako erdialdeko udalerri bat da, Tolosaldekoa. Oriako ibarrean dago kokatua, Donostiatik 32 kilometro hego-mendebaldera. 2 kilometro koadro ditu, eta 484 biztanle zituen 2016. urtean.

Geografia

Oria ibaiak udalerria zeharkatzen du. Ikaztegieta ondo komunikaturik dago, N-1 errepideari eta Madril-Irun trenbideko geltokiari esker.

Historia

1374an Tolosara erantsi zen udalerria. 1615ean bere autonomia berreskuratu zuen Tolosarekin haserretu ostean. 1967 eta 1988 urteen artean, Orendain eta Baliarrain udalerriekin batera, Iruerrieta udalerria sortu zuten.

Demografia

2019an herriak zituen 506 biztanleetatik %20,16ak 65 urte edo gehiago zituen eta atzerrian jaiotakoak %14,62 ziren.

Ikaztegietako biztanleria
Datu-iturria: www.ine.es

Ekonomia

2017an honela banatzen ziren sektore ekonomikoak herrian: Lehen sektorea BEGaren %0,5. Bigarren sektorea BEGaren %34,9. Hirugarren sektorea BEGaren %63,4. Eraikuntza %1,2.

Politika

2011ko udal hauteskundeak

2011ko maiatzaren 22ko hauteskundeetako emaitzen ondorioz, Ikaztegietako alkatea Bilduko Iker Otamendi Ibarguren izan zen.

Ikaztegietako udalbatza
Alderdia		2011ko maiatzaren 22
		Zinegotziak	Boto kopurua
	Bildu	4 / 7	160 (% 60,61)
	Euzko Alderdi Jeltzalea (EAJ)	3 / 7	98 (% 37,12)
	Euskadiko Alderdi Sozialista (PSE-EE(PSOE))	0 / 7	1 (% 0,38)
Datuen iturria: Hauteskundeen emaitzak euskadi.net webgunean

2015eko udal hauteskundeak

2015eko hauteskundeetan hauek izan ziren emaitzak: EH Bilduk 130 boto lortu zituen. EAJk, 110 boto. PSE-EEk bi. PPk bat. Bakarne Otegi (EH Bildu) izendatu zuten alkate.

2019ko udal hauteskundeak

2019ko udal hauteskundeetan hauek izan ziren emaitzak: EH Bilduk 150 boto. EAJk 115 boto. PSE-EEk 3 boto. Bakarne Otegi aukeratu zuten alkate berriro.

2023ko udal hauteskundeak

2023ko udal hauteskundeetan hauek izan ziren emaitzak: EH Bilduk 154 boto. EAJk 75 boto. Alba Garmendia aukeratu zuten alkate.

Alkateak

Hauek izan dira Ikaztegietako azken alkateak:

Alkatea	Agintaldi hasiera	Agintaldi amaiera	Alderdia
	1988 a	1991
	1991	1993 b		Independenteak
	1993	1995		Independenteak
	1995	1999		Herri Batasuna
	1999	2003		Ados Hauteskunde Elkartea
	2003	2007		Euzko Alderdi Jeltzalea-Eusko Alkartasuna
	2007	2009 c		Eusko Abertzale Ekintza
	2009	2011		Ez esleituak
Iker Otamendi Ibarguren	2011	2015		Bildu
Bakarne Otegi Jauregi	2015	2019		Euskal Herria Bildu
Bakarne Otegi Jauregi	2019	2023		Euskal Herria Bildu
Alba Garmendia Castaños	2023	Jardunean		Euskal Herria Bildu

^a 1988. urtean Ikaztegieta, Baliarrain eta Orendain udalerri bihurtu ziren, aurreko Iruerrieta udalerriaren desegitearen ondorioz.

^b Alkateak ez zuen legegintzaldia bukatu.

^c Alkateak ez zuen legegintzaldia bukatu, Eusko Abertzale Ekintzaren hautagai bezala.

Azpiegiturak

• Liburutegia
• KZ gunea
• Kiroldegia. Bertan daude gimnasioa eta frontoia.
• Ikaztegietako Herri Eskola
• Ikaztegietako Haur Eskola

Euskara

Ikaztegietako Rosario Amundarainen pasartea, eskolan gaztelaniaz jakin ez eta gaizki pasa zuela kontatzen duenekoa. Euskal Herriko Ahotsak proiekturako egindako elkarrizketa, ahozko ondarea jaso eta zabaltzeko.

Ikaztegietan euskalduna da biztanleriaren %88.83, eta euskararen erabilera %73.5 da. Ikaztegietako euskara gipuzkeran katalogaturik dago, zehatzago, erdiguneko gipuzkeraren parte den Tolosaldeko euskaran. Azpieuskalki hau Beterriko hizkerek eta Tolosaldekoek osatzen dute. 2016an herritarren %78,26 euskalduna zen.

Kultura

Jaiak

Ikaztegietako jaiak abuztuaren 10ean ospatzen dira, San Lorentzo egunean.

Ondasun nabarmenak

• San Lorentzo eliza: Herriaren erdialdean kokatua dago. XVI. mendean sortua, XVII. mendean birmoldatua eta XX. mendean berriztatua.
• Erretoretxea. 1864koa. Eguzkii erlojua dauka.
• Pilarreko Andra Mari baseliza: Herriaren kanpoaldean, XIX. mendean parroko batek eginarazia.
• Ikaztegietako udaletxea: Udalaren egoitza.

Ikaztegietar ospetsuak

• Martin Zelaieta Lizartza, Leongo gotzaina XVIII. mendean.
• Martin Iturbe (1932-), apaiza eta idazlea.
• Ildefonso Olaberria (1940-2018), elizgizon, idazle eta itzultzailea.
• Juan Jose Olaberria (1945-), Euskadiko Ezkerra alderdiko kide ohia, Eusko Legebiltzarreko legebiltzarkidea 1980–1984 bitartean.
• Iñaki Zubeldia (1945-), pedagogoa eta idazlea.
• José Ramón Eizmendi (1960-), futbolaria.
• Leire Olaberria (1977-), pistako txirrindularia.
• Maialen Zubeldia (1978-), idazlea.
• Beñat Urretabizkaia (1992-), esku huskako pilotaria.
• Alba Garmendia Castaños (1992-), filosofo, ikertzaile eta politikaria.

Argazki galeria

• 
  Udaletxea
• 
  Argazki historiko bat
• 
  San Lorentzo elizaren kanpandorrea
• 
  Pilareko Andra Mariaren ermita
• 
  Olazabal zubia
• 
  San Lorentzo eliza 1930ean

Ikus, gainera

• Baliarrain
• Iruerrieta
• Orendain

Kanpo estekak

Euskarazko Wikipedian bada atari bat, gai hau duena: Gipuzkoa

• Ikastegietako albisteak Atarian

• Ikastegietako Udalaren webgunea

• Datuak: Q616464
• Multimedia: Ikaztegieta / Q616464
• Liburuak: Euskal Herriko bidaia-gida/Herriz herri/Ikaztegieta