Hematoxilina-eosina tindaketa

Hematoxilina-eosina tindaketa laborategian usu erabiltzen den tindaketa da, prestakin histologikoak mikroskopioan ondo ikusi ahal izateko. Bi tindagai edo koloratzaile erabiltzen ditu: hematoxilina (basikoa dena) eta eosina (azidoa dena). Lehenengoak zelula nukleoa eta bertan dagoen kromatina (material genetikoa duena) tindatzen ditu, azidoak direlako; bigarrenak gauza bera egiten du zitoplasmarekin, basikoa (eta beraz azidofiloa) delako.

Tindaketa hau erabiltzen denean zelula nukleoa urdin edo morea ikusten da (hematoxilinaren eraginez), eta zitoplasma gorria (eosinaren eraginez).

Hematoxilina-eosina tindaketa ehun eta zelulen azterketa mikroskopikoa ahalbidetzen du, eta ehun bateko zelulen egiturari, itxurari eta ezaugarriei buruzko informazio baliotsua ematen du. Minbiziaren diagnostikorako, besteak beste, erabiltzen da, biopsiak aztertuz ^[1].

Prozedura

Zelulen tindaketak haien kontrastea areagotzen du, mikroskopioan hobeto ikus daitezen.

lagina finkatu (parafina erabiliz) eta mikrotomo batean moztu ondoren, gehiegizko parafina kentzen zaio xilenorekin.
lagina birhidratatu egiten da, kontzentrazio ezberdinetako alkoholetan sartuz
urez garbitu, alkohola kentzeko
prestakina hematoxilinaz tindatu, 10 minututan
ura gehitu garbitzeko, gero alkohol azidoa, eta berriz ura
eosina gehitu, eta utzi 2 minutu
kontzentrazio ezberdinetako (70, 96, 100) alkoholetan prestakina sartu, deshidratatzeko
xileno gehitu, 5-10 minutu

Ehunaren arabera eta bere lodieraren arabera emandako denborak aldatuko dira