Guldborgsund

Guldborgsund
	Danimarkako udalerria
	Nykøbing Falster Lolland eta Falster uharteen artean Irudi gehiago
Administrazioa
Herrialdea	Danimarka
Eskualdea	Seelandia eskualdea
Herri nagusia	Nykøbing Falster (16.405)
Alkatea	John Brædder
Posta kodea	4800–4992
Herriburua	Nykøbing Falster (en)
Geografia
Koordenatuak	54°46′11″N 11°52′57″E / 54.7697°N 11.8825°E
Azalera	903,42 km²
Altuera	1 m
Mugakideak	Vordingborg Municipality (en) eta Lolland
Demografia
Biztanleria	60.979 (2016)
Dentsitatea	67 bizt/km²
Informazio gehigarria
Sorrera	2007ko urtarrilaren 1a
Hiri senidetuak	Rostock, Iisalmi (mul) , Eutin, Liepāja eta Harju konderria
	guldborgsund.dk

Guldborgsund Danimarkako Seelandia eskualdeko udalerria da, Falster uhartea eta Lolland ekialdea hartzen dituena. Herri nagusia Nykøbing Falster da eta bertan dago udaletxea.

Udalerria

2007ko erreforman sortu zen Nykøbing Falster, Nysted, Nørre Alslev, Sakskøbing, Stubbekøbing eta Sydfalster herriak elkartzerakoan. Izena Falster eta Lolland uharteak banatzen dituen Guldborgsund itsasarteak ematen dio.

Nykøbing Falster

XII mendean Falster uhartean Guldborgsund itsasartea kontrolatzeko eta lurraldea wendoen erasoetatik babesteko helburuaz eraikitako gotorlekuaren oinean eratuz joan zen herria. Gotorlekua gaztelu bihurtuz joan zen, eta alargundutako erreginen bizilekua izan zen. Erregina hauetako asko alemaniar jatorrikoak zirenez alemaniarren kolonia sortu zen herrian.

XVIII medean Daniar Koroaren zorrak ordaintzeko Falster uhartea saldu egin zen eta gaztelua behera bota zuten. Gaur egun hondarrak baino ez dira gelditzen.

Hiria handituz joan zen eta itsasartearen beste aldean Sundby herrixka sortu zen. Federiko IX.a zubiak elkartzen ditu alde biak gaur egun.

Ondasun nabarmenak

Tsarraren etxea (Czarens Hus): Nykøbing Falsterren dagoen 1700ko egurrezko etxea, ziurrenik herriko etxerik ezagunena. Horrela deitzen da bertan egon baitzen Petri I.a Errusiakoa. Etxe zaharragoak ere badaude 1580ko bat kasu.
Aalholm gaztelua (Aalholm Slot): Nysted herriko kaia zaintzeko 1200 inguruan eraikia izan zen. Danimarkako gotorleku zaharrenetakoa da.
Middelaldercentret: Ertaroko herri bat irudikatzen duen aire libreko museoa da. Sundby herrixkan dago