Etilen oxido

Etilen oxido
Irudi gehiago
Formula kimikoa	C2H4O
SMILES kanonikoa	2D eredua
MolView	3D eredua
Konposizioa	oxigeno, karbono eta hidrogeno
Mota	epoxido eta monocyclic compound (en)
Ezaugarriak
Dentsitatea	0,82 g/cm³ (50 °F, likido)
Errefrakzio indiziea	1,35965 (7 °C)
Momentu dipolarra	1,89 D
Fusio-puntua	−113 °C −111,7 °C
Irakite-puntua	11 °C (760 Torr) 10,6 °C (101,325 kPa)
Fusio-entalpia	1,89 D
Formazio entalpia estandarra	−51,04 kJ/mol
Lurrun-presioa	1,46 atm (20 °C)
Masa molekularra	44,026 Da
Erabilera
Rola	Desinfekzio, kantzerigeno, primary metabolite (en) , developmental toxicant (en) , male reproductive toxicant (en) , female reproductive toxicant (en) eta occupational carcinogen (en)
Arriskuak
NFPA 704	4 3 3
Lehergarritasunaren beheko muga	3 vol%
Lehergarritasunaren goiko muga	100 vol%
Denboran ponderatutako esposizio muga	0,18 mg/m³ (10 h, baliorik ez) 1,8 mg/m³ (8 h, Ameriketako Estatu Batuak)
Esposizioaren goiko muga	9 mg/m³ (baliorik ez)
Flash-puntua	−29 °C
IDLH	1.440 mg/m³
Eragin dezake	ethylene oxide exposure (en)
Identifikatzaileak
InChlKey	IAYPIBMASNFSPL-UHFFFAOYSA-N
CAS zenbakia	75-21-8
ChemSpider	6114
PubChem	6354
Reaxys	102378
Gmelin	27561
ChEBI	676
ChEMBL	CHEMBL1743219
RTECS zenbakia	KX2450000
ZVG	12000
DSSTox zenbakia	KX2450000
EC zenbakia	200-849-9
ECHA	100.000.773
MeSH	D005027
RxNorm	1368154
Human Metabolome Database	HMDB0031305 eta HMDB0255987
UNII	JJH7GNN18P
KEGG	D03474

Etilen oxidoa konposatu organikoa da C₂H₄O formula duena. Eter ziklikoa da eta epoxidoen artean sinpleena. Hiru erpineko eraztuna osatzen bi karbono atomo eta oxigeno atomo bat baliatuz. Gas kolorge eta sukoia da, usain gozo antza duena.

IUPACen nomenklaturaren arabera oxirano deitu beharko litzaioke.

Bere egitura osatzen duen eraztun tentsionatuak irekitzeko joera du eta, ondorioz, etilen oxidoak adizio-erreakzio askotan hartzen du parte.

Etilenoa oxidatuz zilar-katalizatzaile bat usatuz prestatzen da industrian.

Ezaugarriak

Etilen oxidoaren epoxido zikloak triangelu ia ekilateroa osatzen du, lotura-angeluak 60º ingurukoak direlarik. Horrek ez-egonkortasun erlatiboa damaio zikloari eta ondorioz adizio-erreakzioak aise ematen ditu.

Giro-tenperaturan (25 °C-tan) gas kolorgea da, baina 0 °C-tan likido mugikor bihurtzen da. Izan ere bere biskositatea urarena 5,5 bider txikiagao da. Gasak usain gozo antza du. Oso erraz disolbatzen da uretan, etanoletan, dietil eterretan eta disolbatzaile organiko askotan.

Etilen oxidoa konposatu askorekin erreakzionatzen eraztuna irekitzearen ondorioz. Nukleozaleekin erreakzionatzen du SN₂ erreakziobidea medio bai ingurune azidoetan (nukleozale ahulekin: ura eta alkoholak) edo basikoetan (nukleozale sendoekin: OH⁻, RO⁻, NH₃, RNH₂, RR'NH, ...). Hau da erreakzioaren eskema.

Esan bezala etilen oxidoak konposatu-mota askorekin erreakzionatzen du. Segidan hainbat adibide:

Urarekin

(CH₂CH₂)O + H₂O → HO–CH₂CH₂–OH

Alkoholekin

(CH₂CH₂)O + C₂H₅OH → HO–CH₂CH₂–OC₂H₅

Azido karboxilikoekin

(CH₂CH₂)O + CH₃CO₂H → HOCH₂CH₂–O₂CCH₃

Amoniakorekin eta aminekin

(CH₂CH₂)O + NH₃ → HO–CH₂CH₂–NH₂

(CH₂CH₂)O + RNH₂ → HO–CH₂CH₂–NHR

Haluroekin

(CH₂CH₂)O + HCl → HO–CH₂CH₂–Cl

Konposatu organometalikoekin

${\ce {(CH2CH2)O + RLi -> R-CH2CH2-OLi -> R-CH2CH2-OH}}$

Zianuro eta sulfuroekin

CH₂CH₂)O + HCN → HO–CH₂CH₂–CN

(CH₂CH₂)O + H₂S → HO–CH₂CH₂–HS

Halaber, etilen oxido likidoa polimeriza daiteke poli(etilen glikol)ak eratuz. Polimerizazioak erradikal bidezko zein katioi bidezko erreakziobideak jarrai ditzake, baina bigarrenak bakarrik du erabilera zabala.

Produkzioa

Etilen oxidoa Charles-Adolphe Wurtz kimikari frantsesak prestatu zuen lehen aldiz 1859an. 2-kloroetanola potasio hidroxidoz tratatuz lortu zuen.

Cl–CH₂CH₂–OH + KOH → (CH₂CH₂)O + KCl + H₂O

Denbora luzez hau izan zen etilen oxidoa prestatzeko metodo bakarra, nahiz eta saio asko egin ziren beste bide bat deskubritzeko. 1931an Theodore Lefort kimikari frantsesak lortu zuen azkenik. Zilar-katalizatzaile baten presentzian etilenoaren oxidazio zuzena egitea lortu zuen. 1940tik hau izan da etilen oxidoa industrialki sintetizatzeko manera nagusia.

Erabilerak

Produkzio kimiko industrialaren alorrean etilen oxidoa lehengai inportanteenetako bat da. Gehiena, ekoizpen globalaren % 75 inguru, etilen glikola, dietilen glikola eta trietilen glikola sintetizatzeko usatzen da. Beste produktu inportanteen artean etilen glikol eterrak, etanolaminak eta etoxilatoak daude.

Etilen oxido gaseosoa ospitaletan baliatzen ur-lurrun beroarekiko sentiberak izan daitezkeen ekipamenduak desinfektatzeko.

Sukoia eta oso lehergarria denez arma termobarikoen osagai nagusia da.

Tabako-landaketetan fungizida moduan eta tabako-hostoen heltzea azkartzeko baliatzen da.

Kanpo estekak

• Datuak: Q407473
• Multimedia: Ethylene oxide / Q407473