Emakumearen Aurkako Bereizkeria-Mota Guztiak Ezabatzeko Konbentzioa
Emakumearen Aurkako Bereizkeria-Mota Guztiak Ezabatzeko Konbentzioa (ingelesez: Convention on the Elimination of all Forms of Discrimination Against Women, CEDAW) Nazio Batuen Batzar Nagusiak 1979an sinatutako eta 1981ean berretsitako nazioarteko ituna da, emakumeen eskubideen nazioarteko adierazpen gisa deskribatu zena 189 estatuk berretsi dute.[1] Emakumeen aurkako bereizkeria-mota guztien aurkako borrokaren historian sortutako nazioarteko dokumentu juridiko garrantzitsuena da .[2]
Historia
[aldatu | aldatu iturburu kodea]Nazio Batuen Erakundearen Ekonomia eta Gizarte Kontseiluak 1946an sortutako Emakumearen Egoera Juridiko eta Sozialaren Batzordeak egindako lanaren emaitza da.
Batzorde hori, 1967ko Emakumearen aurkako Bereizkeria Ezabatzeari buruzko Nazio Batuen Adierazpenean oinarrituta Konbentzio berria prestatzen hasi zen 1974an. 1979ko abenduaren 18an Nazio Batuen Batzar Nagusiak Konbentzioa onartu zuen eta 1981eko irailaren 3an indarrean sartu zen.[3]
Konbentzioa
[aldatu | aldatu iturburu kodea]Emakumearen Aurkako Bereizkeria Mota Guztiak Ezabatzeko Konbentzioak 30 artikulu ditu. Artikulu horietan esplizituki definitzen da emakumeen aurkako bereizkeria, eta bereizkeria-mota horri amaiera emateko ekintza nazionalaren ibilbide-orria ezartzen du.[4] Genero-rolak eta familia-harremanak eratzen dituzten kultura eta tradizioa hartzen ditu ardatz.[5]
Emakumearen aurkako diskriminazioa
[aldatu | aldatu iturburu kodea]Konbentzioaren helburua da emakumearen aurkako bereizkeria-mota guztiak ezabatzea, eta horretarako legeak aldatzera eta munduko bereizkeriari buruz eztabaidatzera behartzen ditu estatuak. 1. artikuluan, honela definitzen du emakumearen aurkako diskriminazioa:
emakumearen aurkako bereizkeria esamoldeak agertuko du sexuan oinarritutako bereizketa, bazterketa edo murrizketa oro, halakoen xedea edo ondorioa denean kaltetzea edo deuseztatzea, politika-, ekonomia-, gizarte- nahiz kultura-esparruetan, esparru zibilean edo beste edozein esparrutan, emakumeari aitortutako giza eskubide eta oinarrizko askatasunak, eta horien izatea eta egikaritza, haren egoera zibila gorabehera, gizonaren eta emakumearen arteko berdintasuna oinarri.
Ugalketa-eskubideak
[aldatu | aldatu iturburu kodea]Emakumeen ugalketa-eskubideak berresten dituen giza eskubideen lehen tratatua da.[5] Emakumeak defendatzeko eta erabiltzeko tresna bihurtuz, gai honi buruzko edozein bereizkeria-motaren aurka.
Emakumeen aurkako indarkeria
[aldatu | aldatu iturburu kodea]Konbentzioa idatzi zenean emakumeen aurkako indarkeria ohiko parametro juridikoetatik kanpo geratzen zen, ondorioz aipamen bakarra egiten zaio 6. artikuluan:
Estatu alderdiek neurri egoki guztiak hartuko dituzte, baita legegintza-izaerakoak ere, emakume-salerosketa eta emakumearen prostituzioari lotutako esplotazio mota guztiak ezabatzeko.
1992an, Nairobin (1985) Emakumeari buruzko Munduko III. Konferentzia bultzatu ondoren, CEDAWren 19. Gomendio Orokorra onartu zen, berariaz emakumearen aurkako indarkeriari buruzkoa.[6]
1993an, NBEren Batzar Orokorrak emakumearen aurkako indarkeria ezabatzeari buruzko adierazpena onartu zuen, loteslea ez dena.[7]
Atxikitako kideak
[aldatu | aldatu iturburu kodea]2020 arte, 189 herrialdek berretsi edo atxiki zuten hitzarmena; Estatu Batuek eta Hego Sudanek sinatu badute ere ez dute berretsi. Zazpi dira Konbentzioa sinatu ez duten herrialdeak: Iran, Nauru, Palau, Qatar, Somalia, Sudan, Tongak eta Egoitza Santua.[8] Estatu batzuek artikulu batzuk betetzeari buruzko erreserbak dituzte.[9][10]
Hautazko protokoloa
[aldatu | aldatu iturburu kodea]Emakumearen Aurkako Bereizkeria-Mota Guztiak Ezabatzeko Hautazko Protokoloa Konbentzioaren tresna osagarri bat da, eta, horri esker, Emakumearen aurkako Bereizkeria Ezabatzeko Batzordeak norbanakoen salaketak aztertzeko eskumena du.[11]
Hautazko Protokoloa Nazio Batuen Batzar Nagusiak onetsi zuen 1999ko abenduaren 10ean eta 2000ko abenduaren 22an jarri zen indarrean, hamargarren berrespena jaso ondoren. 2006ra arte, 87 herrialdek berretsi zuten.
Emakumearen aurkako Bereizkeria Ezabatzeko Batzordea
[aldatu | aldatu iturburu kodea]Emakumearen aurkako Bereizkeria Ezabatzeko Batzordea independenteak diren 23 adituk osatzen dute, eta emakumearen aurkako bereizkeria-mota guztiak ezabatzeari buruzko Hitzarmenaren aplikazioa gainbegiratzen dute.[12][13] 2023ko otsailetik Ana Peláez Narváez da Batzordearen burua, postu hori lortzen duen lehenengo espainiarra izanik.[14]
Tratatuari atxiki zaizkion herrialdeek Konbentzioak babesten dituen eskubideen aplikazioari buruzko aldizkako txostenak aurkeztu behar dizkiote Batzordeari. Bere bileretan, Batzordeak txostenak aztertu eta estatu alderdi bakoitzari bere kezkak eta gomendioak ematen dizkio, azken ohar gisa.[15]
Erreferentziak
[aldatu | aldatu iturburu kodea]- ↑ «United Nations Treaty Collection» treaties.un.org.
- ↑ «ACNUDH | La CEDAW en la vida cotidiana» www.ohchr.org.
- ↑ «Convención sobre la eliminación de todas las formas de discriminación contra la mujer» OHCHR.
- ↑ «CONVENCION EN ESPANOL» www.un.org.
- ↑ a b «Igualdad de género» www.un.org 16 de diciembre de 2015.
- ↑ «CEDAW Recomendación General 19» archive.ipu.org.
- ↑ «Programas y actividades del Sistema de las Naciones Unidas por tema» www.un.org.
- ↑ CETFDCM, Naciones Unidas. (). CEDAW: States parties. .
- ↑ [http://www.un.org/womenwatch/daw/cedaw/statesmeeting/thirteenth/CEDAW-SP-2004-2S.pdf «Declaraciones, reservas, objeciones y notificaciones de retirada de reservas relacionadas con la Convención sobre la eliminación de todas las formas de discriminación contra la mujer»] www.un.org 17 de junio de 2004.
- ↑ «United Nations Treaty Collection» treaties.un.org.
- ↑ [ Protocolo Facultativo de la Convención sobre la Eliminación de Todas las Formas de Discriminación contra la Mujer] (Artículo 1)
- ↑ «ACNUDH | Miembros» www.ohchr.org.
- ↑ «OHCHR - Comité para la Eliminación de la Discriminación contra la Mujer» web.archive.org 23 de abril de 2009.
- ↑ (Gaztelaniaz) mgonzalezy. (2023-02-06). «La española Ana Peláez, presidenta del Comité de la ONU contra la discriminación de la mujer» EFE Noticias (Noiz kontsultatua: 2023-03-20).
- ↑ «Comité para la eliminación de la discriminación contra la mujer» www.ohchr.org.
Kanpo estekak
[aldatu | aldatu iturburu kodea]- Venezuelako itunak
- Erresuma Batuko itunak
- Ukrainako itunak
- Suitzako itunak
- Suediako itunak
- Espainiako itunak
- Esloveniako itunak
- Eslovakiako itunak
- San Marinoko itunak
- Errumaniako itunak
- Portugalgo itunak
- Poloniako itunak
- Norvegiako itunak
- Herbehereetako itunak
- Marokoko itunak
- Montenegroko itunak
- Monakoko itunak
- Moldaviako itunak
- Mexikoko itunak
- Maltako itunak
- Malaysiako itunak
- Ipar Mazedoniako itunak
- Luxenburgoko itunak
- Lituaniako itunak
- Liechtensteingo itunak
- Letoniako itunak
- Japoniako itunak
- Italiako itunak
- Irlandako itunak
- Indonesiako itunak
- Islandiako itunak
- Hungariako itunak
- Greziako itunak
- Alemaniako itunak
- Georgiako itunak
- Frantziako itunak
- Finlandiako itunak
- Estoniako itunak
- Danimarkako itunak
- Txekiar Errepublikako itunak
- Zipreko itunak
- Kroaziako itunak
- Bulgariako itunak
- Bosnia eta Herzegovinako itunak
- Belgikako itunak
- Azerbaijango itunak
- Austriako itunak
- Australiako itunak
- Armeniako itunak
- Andorrako itunak
- Albaniako itunak
- Emakumea gizartean
- Giza eskubideen instrumentuak
- Argentinako itunak
- Bulgariako Herri Errepublikako itunak
- Gabongo itunak
- Kolonbiako itunak
- Liberiako itunak
- Senegalgo itunak
- Uruguaiko itunak
- Palestinako Estatuko itunak
- Hungariako Herri Errepublikako itunak
- Mendebaldeko Alemaniako itunak
- Sobietar Batasuneko itunak