Death of a salesman (1985eko filma)

Death of a salesman (1985eko filma)
Jatorria
Argitaratze-data	1985
Izenburua	Death of a Salesman
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film dramatikoa
Iraupena	136 minutu
Deskribapena
Oinarritua	Death of a Salesman (en)
Zuzendaritza eta gidoia
Zuzendaria(k)	Volker Schlöndorff
Gidoigilea(k)	Arthur Miller
Antzezlea(k)
	Dustin Hoffman ; John Malkovich ; Stephen Lang ; Charles Durning ; Jon Polito ; Linda Kozlowski (mul) ; Kate Reid ; Louis Zorich
Ekoizpena
Ekoizlea	Robert F. Colesberry
Edizioa	Mark Burns (en)
Bestelako lanak
Musikagilea	Alex North
Argazki-zuzendaria	Michael Ballhaus
Emanaldia
Jatorrizko igorlea	CBS
Fikzioa
Kontakizunaren tokia	Brooklyn

Death of a salesman (gaztelaniaz: Muerte de un viajante; frantsesez: Mort d'un commis voyageur) 1985eko telebistarako egindako filma da, Volker Schlöndorffek zuzenduta eta 1949ko izenburu bereko antzezlanean oinarritua, Arthur Millerek idatzia.

Istorioa

Oharra: Atal honek istorio osoa edo amaiera argitzen du.

Willy Loman (Dustin Hoffman) etxera pott eginda itzultzen da bertan behera gelditutako negozio-bidaia baten ostean. Willyren buruaren egoeraz eta berriki jasandako auto-istripuaz kezkatuta, Linda emazteak (Kate Reid) aholkatzen dio Howard Wagner nagusiari (Jon Polito) eskatzea etxean lan egiten uztea, bidaiak saihestuz.

Willy 60 urterekin arduratuta dago bere semeen etorkizunaz, bereziki Biff-enaz (John Malkovich), eta bitartean semeek kezka daukate aita kognitiboki makaltzen ari delako. Lan barik, atzera begiratu eta galdetzen du bere bizitzaz, arrakastaz, galdutako aukerez, alferrikako ahaleginez,... Konturatzen da emaztearen sufrimenduaz beragatik. Semeek txikitan adoratzen duten arren, orain ez dute kontuan hartzen. Angustiak eta desesperazioak jota, errealitatearekin loturarik edukitzea galtzen du.

Azkenean, Willyk bere buruaz beste egiten du nahita kotxearekin Biffek bizitza aseguruaren dirua kobratu eta negozioarekin ahsi ahal izateko. Hala ere hiletan, Biffek adierazten du mantentzen duela negozio-gizona ez izateko nahia. Happyk, bestela, aukeratzen du bere aitaren bideari jarraitzea.

Pertsonaiak

William "Willy" Loman (Dustin Hoffman): Saltzailea.
Linda Loman (Kate Reid): Willyren emaztea.
Biff Loman (John Malkovich): Willyren seme nagusia.
Harold "Happy" Loman (Stephen Lang): Willyren seme gazteena.
Charley (Charles Durning): Willyren auzokidea.
Bernard (David S. Chandler): Charleyren semea.
Ben Loman (Louis Zorich): Willyren anai zaharrena.
Bostongo emakumea (Kathryn Rossetter).
Howard Wagner (Jon Polito): Willyren nagusia.
Jenny (Anne McIntosh): Charleyren idazkaria.

Sariak

38. Emmy Sarien lehiaketan 3 eskuratu zituen, eta 43. Urrezko Globoenean 1.

Ikus, gainera

Zainketa aringarriak eta zinema

Kanpo estekak

IMDB webgunean.

Datuak: Q1790910