Arrate

Arrate
	Euskal Herria
	Arrateko Amaren santutegia
Kokapena
Herrialdea	Gipuzkoa
Udalerria	Eibar
Geografia
Koordenatuak	43°12′18″N 2°26′47″W / 43.2051117°N 2.44628978°W
Garaiera	523 m
Demografia
Biztanleria	90 (2022)

Arrate Eibarko (Gipuzkoa) auzunea da. Udalerriaren mendebaldean dago, Bizkaiarekiko mugan. Izen bereko mendi gain batean dago, 556 metrotara.

Toponimoa

Arr(i) + arte -> Arrarte -> Arrate. Beraz Arrateren esanahia hurrengoa da: Harri artean dagoena^{[erreferentzia behar]}

Demografia

Arrateko biztanleria

Ondarea

Arrateko Andre Mariaren santutegia

Sakontzeko, irakurri: «Arrateko Andre Mariaren santutegia»

Gailurrean gurutze bat dauka eta bertatik gertu Arrateko Andre Mariaren santutegia dago; Ama Birjina hau Eibarko zaindari izendatu zuten 1928an. Santutegiaren inguruan aisialdirako gune zabala dago, jatetxe, taberna eta hotelarekin. Arrate Irratia herri emisorak bertatik emititzen du. Parke guztia pagoz inguratuta dago.

Santutegiaren lehen aipamenak 1498koak dira. Gaur egungo eliza XVII. mendekoa da. Barruan egurrezko bobeda berezia du, burdinsare barroko bat eta Andre Mariaren irudi gotikoa ditu.

Arrateko Andre Mariarenganako debozioa inguru guztian zabaldurik dago, baina Eibarren da indartsuena. Bertako jaia irailaren 8an ospatzen da (Andre Mariaren jaiotza). Egun horretan eta maiatzaren 15ean (San Isidro eguna, baserritarren zaindaria) elizkizunez gain herri-kirol erakustaldiak eta idi-dema saioak egin ohi dira.

Andre Mariari ereserki hau abesten zaio: