Rigako golkoa
Rigako golkoa (letonieraz: Rīgas jūras līcis, estonieraz: Liivi laht, errusieraz: Рижский залив) Itsaso Baltikoaren ekialdeko badia da, Letoniako iparraldeko kostaldearen eta Estoniako mendebaldeko itsasertzaren artean dagoena. 18.000 kilometro koadroko eremua hartzen du. Estoniako Muhu, Saaremaa eta Hiiumaa uharteak daude golkoaren sarreran, Itsaso Baltikoaren eta Rigako golkoaren artean. Uraren gehieneko sakontasuna 54 metrokoa da, eta abendutik apirilera izotza da nagusi. Itsasertza laua eta hondartsua da; Daugava, Lielupe eta Gauja dira ibai nagusiak. Portu garrantzitsuenak Riga eta Pärnu dira.
| Rigako golkoa | |
|---|---|
.jpg) | |
| Ozeanoa | Ozeano Atlantikoa, Baltikoa |
| Kontinentea | Europa |
| Koordenatuak | 57°37′32″N 23°35′05″E / 57.625555555556°N 23.584722222222°E |
| Azalera | 18.000 km² |
| Sakonera | batez bestekoa: 26 m handiena: 67 m |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017/9/6 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
aldatu
Datuak: Q174731
Multimedia: Gulf of Riga / Q174731
