2019

Jakoinra yoyo ati

iketian katotabo

Shipibo - Konibo
Flor Aideé Pablo Medina
Ministra de Educación del Perú
Guido Alfredo Rospigliosi Galindo
Viceministro de Gestión Institucional
Ana Patricia Andrade Pacora
Viceministra de Gestión Pedagógica
José Carlos Chávez Cuentas
Secretario de Planificación Estratégica
Humberto Hildebrando Pérez León Ibáñez
Jefe de la Oficina de Medición de la Calidad de los Aprendizajes

“Jakoinra yoyo ati iketian katotabo 2019”

Responsables de la publicación

Jorge Martín Talancha De La Cruz (coordinador)

Tania Pacheco Valenzuela
Edgar Sanga Calamullo
Hermenegildo Espejo Apikai
Wilder Rodríguez Gonzales
Jainor Saavedra Salas
Luz Huanca Sivana
Pamela Jiménez Lizama

Autores y/o recopiladores de textos ganadores del “I Concurso de textos para Mis lecturas favoritas”
Nelson Mamani Clemente (“Maxo naikan kaní”)
Claudia Labán Rivera (“Benomaya ainbaon manan”)

Esta publicación es el producto final del esfuerzo institucional de la UMC por medio de sus diferentes equipos de
especialistas.

Primer edición, julio 2019

Tiraje: 2,610 ejemplares
Impresión: Enotria S.A.
Av. Nicolás Ayllón N° 2890, Ate - Lima
Hecho el Depósito Legal en la Biblioteca Nacional del Perú N° 2019-07601

© Ministerio de Educación del Perú

Calle Del Comercio N° 193, San Borja
Lima - Perú
Teléfono: 615-5800
www.gob.pe/minedu

Citar esta publicación de la siguiente manera:

Ministerio de Educación del Perú. (2019). Jakoinra yoyo ati iketian katotabo 2019. Lima: Oficina de Medición de la Calidad
de los Aprendizajes.
Kirika akai bakebo:
“Jakoinra yoyo ati iketian katotabo 2019” riki westiora yoyo
ati kirika mia non axona. Mesko wishabo yoyo axon jakoankin
ninkati mia axeti kopi. Nato kirikainra min merati atipanke,
non paromea itan manamamea jonibaon jaskaakin tokorobo
ikoankana, waibo koiranoxon moka rao ati onanti itan non
paromea westiora ani yapaki metsaakin wisha. Jaskaribira
nato kirikain min onani kai jaskarainoax jaweki peokoni yoiya
(leyenda) itan non axekamea jakoinra imaa wishabo. Jatiribi
wishabo riki “I concurso de textos para “Mis lecturas fovoritas
2018” ikin wishaxon, axeamisbaon jato xewinabo.

Wishabo yoyo aka pekaora, jaskaakin min ninkata itan

shinanaibo min yoiti atipanke. Jakopi riki jatibi yoyo atibo
jawen raroraroshamankin kirika tee atiboya, jara xobon
boxon iamax axeti xobonxon min atipanke.

Oficina de Medición de la Calidad de los Aprendizajes (UMC).

 ¿Minki onana ipachoai jakon
iamax jakoma jawekibo winoti kai
tokorobaon noa keshanai? Bakebaon
yoiya yoyo anon akanwe.

Mesko axeya jonibaon

jaskaakin tokorobo ikoankana
Ea riki Soraro. Noa asháninka jonibaon, Ea riki Phaxsi. Noa aimara
jenetia napo, paro kexa icha tokorobo keotai jonibaon yoabo bananoxon mai
ninkatai, ja riki jene tsosinai yoi. Jatianra yapa torekin, westiora ani tokoro
yomerati moa jakon iki. manxan merai, ja riki yoa
Ikaxbi, baritian, niimeran tokorobo iorai keotai banabo jakon iki kai yoi. Ikaxbi,
non ninkatai, ja riki oi bemanon ixon riosbo maxko tokoro panshin xochiya
yokati. Jara ikon iki iamamara ikai seneni. non merai, ja riki oi beyamaitian
Jatian, jiwi bimibo toetai napo, westiora wiso non banabo tsorisi kai yoi.
tokoro paxnatani pekaya non merai, ja riki Jatian yame, tokorobo koshin
niimeran yoinabo jakon yomerati yoi. iorai keotai non ninkatai ja riki
oi beai yoi. Non axekan riki
ani tokorobo koriki jaweki.
Jawetianki xobo patax ani tokoro
Ea riki Sekut. Noa non merai, ja riki waka iamax
awajún jonibaon yoabo jakoni maroxon koriki non
tokorobo koshin iorai biai yoi.
keotai ninkatai, ja riki
oi beai yoi.
Jaskaribi, jawetianki
ani tokoro xobo
chicho non merai,
ja riki westiora non
kaibo mawati kai yoi.
Yobebaonra tokorobo
meraanxon jonibo
yotoai, jaki ramitai
jonibaon yonoa. Ikaxbi,
jawetianki maxko
tokoro non merai jara
jawebi noa winoyamai.

Ea riki Sayri. Noa quechua

jonibaona riki tokorobo icha
Ea riki Soi Sani. Noa shipibo jonibaona riki tokorobo
jawekiya iti. Jawetianki, panshin
keotai iresama. Maxko tokoro iorai keotai non ninkatai, ja
pekaya ani tokoro xobo chicho
riki jenetianoxon oi bei peokotai yoi. Ikaxbi, jawetianki
jikiai, ja riki xobo ibo icha
ani tokorobo onsati keotai non ninkatai, ja riki kikin ani
korikiya iki kai yoi. Jaskaribi,
jenetiai yoi.
jawetianki ani tokoro wainko non
Jaskaribi, jawetianki ainbo baken westiora tokoro panshin
merai, ja riki non yoa banabo
xochiya merai, ja riki aniax chopabo keweati onan iki
jakon iki kai yoi. Ikaxbi, maxko
kai yoi. Jaskara meraketianra, jawen anibaon ja bake
tokoro barin poi jisa itan oshi non
xontako waste jenen bechexai itanribi tokoro bitanan
merai, jara riki oi beyamaitian
metash metash akai. Jaskaayona pekaora samakanai.
non yoabo tsorisi kai yoi.
Jawetianki tokorobo saa iresi
keotai, ja riki oi beai yoi.

4
Raroraroshamankin kirika tee atibo
1 Wishabo yoyo awe, jaskaaxon chitemeranoa yokabo yoiti maxkata bochoawe.
Yokatabo yamaketian xababi jenewe.
¿Jawe noa yoikasimein iti iki ani tokoro non
¿Jawe noa yoikasiki tokorobo keotai?
meraa iamax keotai non ninkata?

Aimara

Shipibo-
Konibo

Quechua

Awajún

Asháninka

2 Rama, chitemeran min bochoa wishabo yoyo axon yokabo yoiwe:

a ¿Jawekeskarainki ja jisaribiakin ikoankana b ¿Jawekeskarainki wetsaresbiakin ikoankana
iki aimara itan awajún jonibaon tokorobo iki quechua itan shipibo jonibaon ani
keotai ninkaxon? tokoro meraxon iamax keotai ninkaxon?

3 Willka jaskati yoyo ika yoyo awe. Wishabo min yoyo akain,
¿jawekeskakinmein Soraronin
Willka yoiti iki?
Eara iantanke,
jenetia napo onpax
bi paron kai. Kaxra
tokorobo iorai
keotai ninkatax ea
rateyantanke.
Willka Soraro
(aimara bake) (asháninka bake)

4 ¿Min jemanki jawekeskakin tokoro ikoankana? Min anibo, yosibo iamax wetsa jonibo
yokawe. Japekao, mia yoikanabo min kirikain wishawe, jaskaaxon mibe kirika axeai
bakebo yoyo akinwe.

5
 Ramara, Soi Mano betan Tsirin
Niwe yomerai bokani non onanai.
Ikaxbironki, jaton shinanama keska
winokanike. Yoyo awe jaskara
winokani min onanon.

Soi Mano betan Tsirin Niwe ini

Moatianronki, yomerakas wetsa rabe jatobicho jaa ipaonike. Soi Mano, wetsa
reken, janronki apaonike yomeraxon jonibo yapa menikin, noimis ixon. Jatian Tsirin
Niwe, wetsa chini, jabiribi ipaonike westiora ranon raenankasma itan akinmisma.
Wetsa neteronki, ja wetsa rabe ianman yomerai kabekona iki, nokoxon merakana
iki westiora ani amakiri. Jatianronki, Tsirin Niwen jawen pia yatanrestana iki
amakiri tsakati kopi, ikaxbi, shakokin nonti tanxama bismanbainironki jenenko soo
irita iki. Jatian pikoyamaitianronki, Soi Mano jenenko chorona iki jawen wetsa
benai, ikaxbi merati atipanyama iki.
Basi benaxonbi merayamaxronki, Soi Mano shinan tsokas itan onisa xobon joa iki.
Jaskara oinxonronki jawen titan jaweki winota ixon yokata iki. Jatianronki, ja
ranonman jawen tita yoiya iki Tsirin Niwe jenemeran kaa itan benakinbi merayama.
Jaskara joi ninkatanaronki, jawen titan rateyonkin jonibo yoiya iki jawen bake
benakini bokanti. Jonibaonronki basi benaxonbi merayamakana iki, jaskarainronki
ikonbiresi onisa xobon bekana iki.
Nete xabaketianronki, Soi Mano, jawen yosi Shano Kean xobon kaa iki, jawen
wetsa jenemeran kaa benakinti yoi. Jatianronki, yosi Shano Kean meraya joni
ixon akinti jeen aka iki. Jaskaaxonronki, ja yame yosin oni paenmeran oinna iki,
Tsirin Niwe akoronman neten joti jisamabires itina.
—Min wetsara mawatama iki ian xamanra itinke, ikaxbira akoronman beyosa joti
atipanyamake. Ja bitira atikoma iki itan kikin onsa iki— aronkia iki yosin.
—Yosi, ibanon onsa. Eara keennai jawerato ponteki nokon wetsa itina ixon min
yoiti. En benabainxon akini kati kopi - ikironki yoyo ika iki Soi Mano.
Rakeyamai kai oinxonronki, yosin Soi Mano chibana iki. Jaskataxronki, Tsirin Niwe
benai nonti bitanan ianman bokana iki.
Ja iibatain nokoxonronki, Soi Manon amakiri meraribia iki, ikaxbironki yora saki
iki peokota iki. Rateta oinxonronki yosin, ichama oni jene xeama iki itan
romen xoon aka iki akoronman beyosatima kopi.
Jaskakebironki, amakiri iwanaxbi akoron jonin yoinmeta iki. Jaskaaxon
jato yoiya iki:
—¡Eara keenyamai yokaxonmabi nokon ianman maton yomerati!
—Sinayamawe chaikoni, eara keennai nokon wetsa pikoxon min
menitires— aka iki Soi Manon.

6
Jaskaaronki, akoron joni iwanaxbi ani rono baneta iki, jainxon Soi Mano natexkasa
iki. Jaskaketianronki, yosi ishtonbires inon yoinmetax akoronki chorona iki, kaxon
texonko natexa iki.
Nato ani yoinabo onsati reteananaironki, ian samani peokota iki. Jaskakebironki
ika iki, Tsirin Niwe ani samaman pikoa iakekaini. Jatianronki, Soi Mano jenenko
chorona iki jawen wetsa akini. Bixonronki, romen xoon aka iki beyosa jishtenti
kopi. Jaskaa basimaronki, Tsirin Niwe jainmashoko jishtena iki.
Jaskaaxon ian kexa oinkanaronki ika iki, yosi Shano Kea itanribi akoron yosma
xatebires itina. Yosinronki jato neskaakin yoiya iki:
—¡Botankanwe! Jawerano kamanbires ea reteananbanon. Basima riki moa ea nai
isati. Soi Mano, ramara, nokon toan mia banetai. En apachoai jawekibo onantanan
non jemabo koiranoxiwe.
Jaskara winotananronki, nato wetsa rabe nontin nanetanan xobon bokana iki.
Jakonbires nokokanketianronki jaton tita itanribi jatibi jonibo rarokana iki. Shinan
tantia pekaoronki Soi Manon jawen tita neskaa iki:
—Tita, eara kati jake. Yosira nokon wetsa kopi reteanani moa nai isawanke. Yosira
keeinbake jawen toan banexon non jemabo en koiranti. Enra ponte shinanke,
jawen joira en senen axonai.
Jatianbironki Soi Mano jawen piabo itan oni jene bitanan niimeran kanike, jawen
yosin joibo senen ati kopi.

7
 Raroraroshamankin kirika tee atibo

1 Ranon rabe jaskara jawekibo winokani yoiya ikain, bochoati maxkatainbo wishawe.

Soi Mano betan Tsirin Niwen yomerai kaxon ani amakiri merakana iki.

Tsinrin Niwen amakiri tsakakasa iki, ikaxbi nonti bismanbaini jenenko soo irita iki.

Westiora titan rateyonkin jonibo yoiya iki jawen bake manota benakinkanti.

Soi Mano jawen yosi betan ianman kaa iki Tsirin Niwe benai.

Soi Manon jawen wetsa bia iki, bixon romen xoon ayona iki beyosa
jishtenti kopi.

2 Nato yoka shinanshamanxon yoiwe:

¿Jawekopiki yosi Shano Kea inon yoinmeta iki?

8
3 Nato wisha yoyo awe.

—¡Botankanwe! Jawerano kamanbires ea reteananbanon. Basima riki

moa ea nai isati. Soi Mano, ramara, nokon toan mia banetai. En
apachoai jawekibo onantanan non jemabo koiranoxiwe.

¿Jawe yoi ikarin “Basima riki moa ea nai isati” ika?

4 Imaa wisha yoyo aka pekao, Soi Manon iamax yosi Shano Kean jane wishawe jaton
jaskara jisabo yoiya patax.

Akinkana irake amis joni Soi Mano Jemabo koirana joni

Axebo onan joni Benakin jenemisma

Rakema joni Noimis joni

5 Non axemeranra kimisha keska rokotoro joni jake:

• Onanya: nato riki koshi raobo samata mesko raobo onan itan benxoamis joni.
• Yobe: nato riki boman koshi, yotomis itan retemis joni.
• Meraya: nato riki basi raobo samata itan benxoamis joni. Oni xeax naikitanan wetsa
netebaon kati atipana. Jawen raebo betan yoyo ikai itan meexonres isinbo onanai.

Wishabo min yoyo akainko, ¿jawerato non axekamea rokotoro joniki ika iki yosi
Shano Kea? ¿Jawekopi?

9
 ¿Jawekeskaaxonki moka rao ati iki?
Non waibo ikainra, mesko chirichanpobo jake. Jabaonra yoa banabaon pei piai, jaskaa cheataxra ikai ichamashoko
bimi. Jaskara winotima kopira, mai ramiayamai moka rao jaskaaxon ati non onanai.

¿Jawebo tsinkitirin? • Rabe siboria • Westiora chichika

• ½ kiro yochi • Rabe anicha bantija
• Rabe mapo ajo • Westiora manxan chopa
• Westiora jabon pakex • Westiora maxko batan
• Rabe ritoro onpax • Westiora toati

¿Jawekeskaaxon atirin?

1 2 3

Yochi, ajo, itan siboriabo Min chakaa jawekibo westiora Moka raoya bantija manxan
chichikanin xatepakewe. anicha bantijain napowe. Jaskaaxon, chopan mapowe. Jaskaara
Jaskaaxon, maxko batanman onpax nechiwe itan kikini meskotai xobo chicho itsa poayamai.
meskoyamakin chakawe. kaman chiwinwe.
Adaptado de: http://www.ipade.org.ni/images/portadas/libro_desarrollo_economico/INSECTICIDAS.pdf

4 5 6

Moka rao jakoni tsosinti

kopi westiora yame
yasanwe. Nete xabaketian
min oinnara ikai bantijain
xepo tsitsamata itan
jakonishaman beonpaxa. Jabon besheakin xatewe, jaskaaxon
Rama, moka rao toatinin toawe
bantijain napowe. Japekao, jabon
jawe xepoyoma baneti kopi,
tsosabo onpaxain payotai kaman
jaskaaxon wetsa bantijain
chiwinwe. Jabomanra moka rao yoa
nachiwe.
banabaon peinko taxnamai itanribi
basi toxkomai.

¿Jawekeskaaxonki yoa banabo raonti iki?

Westiora (1) ritoro moka rao rabe chonka (20)
¿Jaweki chirichanpobo winota?
ritoro onpaxain nechiwe, jaskaaxon ja moka raon Yochi riki kikin moka nenemis jeneya.
yoa banabaon pei jos awe. Pichika nete pekao Moka raon jos aka peibo piaxra
pei pikas chirichanpobo jaresketian, jakiribi chirichanpo ikonbiresi yora neneai.
aribawe. Netetibi moka raon jos ayamawe, Jaskara iketianra, chirichanpobaon
banabora choshiti atipanke. Jaskaribi, banabo yoa banabaon pei pikin jeneai.
raonkin yantan iamax yame awe.

! Nato moka rao min yora itan min berobo tii amayamawe miara beso imati atipanke.

10
Raroraroshamankin kirika tee atibo

1 Shinanshamanxon nato yokabo yoiwe.

a Wishabo min yoyo akainko, ¿jawekopiki chirichanpobaon yoa banabaon pei pikin jeneai?

b Wishabo min yoyo akainko, ¿jawekopiki yoa banabo netetibi moka raon jos atima iki?

2 Jaskaakin aabaintibo yoiya 1 al 6 nomirobaon onantiakin joyonwe.

Moka rao toatinin toawe jawe xepoyama banetima kopi.

Yochi, ajo itan siboriabo maxko batanman meskoyamakin chakawe.

Jabon besheakin xatewe itan tsosabo onpaxain payotai kaman chiwinwe.

Moka rao jakoni tsosinti kopi westiora yame yasanwe.

Moka raoya bantija manxan chopan mapowe.

Min chakaabo anicha bantijain napowe, jaskaaxon onpax nechiwe.

3 Xetan Samenra jawen papan moka rao akaitian akinke.

Peinkora moka rao taxnayamaibake

itan chirichanpobaonra akai yoa
banabaon pei pireskin.

¿Jawerato jaskaaxon ati yoiya benokanamein iti iki Xetan Samen jawen papan betan?

4 Min rarebobo iamax min jemamea jonibo wetsa moka rao jaskaaxon akanaibo jato
yokawe. Rama, westiora jaweki jaskaaxon atibo yoiya wishawe, min yoyo aka keska.
Axon mibe kirika akai bakebo jato yoyo axonwe.

11
 Oinwe, periódico Jaskaribira noa yoiyai
maroxon en bibeirana. jatiribi yoinabaon jaskakin
Nenora yoiyai yosibo jakon jaweki noa axonaibo.
jaton joi axeamisaibo. Yoyo anon akanwe.

CHANAN JOI Kimisha chonka westiora nete diciembre oxe 2018

Yosibaonra jaton axe itan joibo keyotai oinxon bakebo axeakanai

Lima. Programa Nacional de Asistencia
Solidaria - Pensión 65 yosibaonra rabe

Adaptado de: https://larepublica.pe/sociedad/1388578-pension-65-adultos-mayores-ensenan-ninos-lenguas-peligro-extincion-ministerio-desarrollo-e-inclusion-social-escolares

axekan joi moa keyotires ikenbi, tewanxon
jishtiai ikanai. Nato axebo riki jaqaru betan
kukama kukamiria.
Jaqaru joi riki Tupe jemamea jonibores yoyo
ikanai. Tupe riki westiora distrito, provincia
de Yauyos, Lima ochoma. Ja jemanronki 63
jaqaru yosi, jaton join yoyo ikaipari jake,

https://diariocorreo.pe/miscelanea/facebook-viral-pato-protege-del-frio-un-perro-abrigandolo-debajo-de-su-ala-video-cachorro-mascota-862029/
jabaonronki, imaa wishabo itan bewabo
meranxon kirika akai bakebo axeai iikanai.
Jaskaribironki bakebo axeakanai, chopa Ministro de Cultura koshironki neskara jakon
keweati, yoabo banati, yoinabo inaati itanribi jawekibo aki iikanaitian neskati yoyo ibake:
masha itibo, jaskaaxon jaton joi itan axebo “Westiora axe keyotama ikax japariketianra, jawen
koshiati kopi. jonibaon jaton onan, shinan itan esebaon, ramatian
Jaskaribi, posaka kukama kukamiria aniai bakebo itan wetsa joniboribi jato axeati jake”.
yosibaonribironki jaton joi bakebo axeai Non Perú mainra chosko chonka posaka (48) axe
iikanai. Nato jakon teeboronki akanai wetsa join yoyo ikaibo jake, ikaxbi rabe chonka
distrito de San Juan Bautista itan Nauta, westiora (21) axe riki moa keyotires itina. Jakopira,
departamento de Loreto ikain. Nato japaria axebo keyonaketian non koshiati jake.
yosibaonronki kukama kukamiria joi bakebo Westiora axekan joibo keyotaira, jaskaakin nato
axeakanai, yomerati, jiwi raobo ati, masha iti nete non oinna, ninkata itanribi non onan shinanbo
itan tanporabo ati onanti meranxon. keyoti kai

Jiwi kaimai isabo merakana

Brasil. Investigación axonronki, araucaria kopi. Bawabaonra araucaria jiwi berobo jawekiai.
akanai jiwi kaimai bawabo merakanke. Nato Ikaxbironki, bawabaon nato jiwi berobo keyokin
jiwiboronki moa keyotiresbo itinke. piamai, potoxonronki texea pakexbo maankanai.
Moaronki shinanpachokanai araucaria jiwibo “Nonra investigación axon merake, bawabaon
bawabaon jakonmai. Ikaxbi, ramaronki jawekiakin jiwi berobo chachiai, natexai itan topexai.
onankanke bawabokaya araucaria jiwibaona Ja texea pakexbora maanax jakoshamani ishton
kikin jakon, jabaon nato jiwibo keyomayamai xoxoai, jawe chachiyoma berobo xewinbaini”,
ikironki yoyo ibake investigador Guillermo Blanco.
Jaskaribi, wetsatianronki bawabaon jainbicho
yakaxon jawekiayamai, jiwi berobo xetan
natextananronki ikai wetsanko noyai. Jaskakinronki
jiwi berobo wetsanko maanxon xoxomai.
Nato investigación aka jonibaonra yoike, yoinabo
itanribi jiwibo koiranti kikin importante, jaskaxon
nato netemea jawekibo senen koiranti kopi

12
Raroraroshamankin kirika tee atibo

1 “Yosibaonra jaton axe itan joibo keyotai oinxon bakebo axeakanai” ika noticia yoyo awe.

a Chitemeran ika yokabo yoiti maxkata bochoawe.

¿Tsoabo winotaki yoiyai nato noticia

¿Jaweranobo winotaki yoiyai?
ikain?

b Noticia yoyo aka pekaora, Evaristo neskati yoyo ike:

Jaqaru yosibaon jaton joi bakebo

axeai keskaakin, wetsa jemamea
yosibaon ashokoara jakon iti iki.

Evaristo

¿Evaristo jaskati yoyo ikaki jakon iki? ¿Jawekopi?

2 Nato rabe noticia yoyo aka pekao, chitemeranoa yokabo yoiwe:

Yosibaonra jaton axe itan joibo Jiwi kaimai isabo merakana

keyotai oinxon bakebo axeakanai

¿Jawerin moa
keyotires itina?

¿Jawekeskaxonki
keyonaketian akini
iikanai?

3 ¿Minki onana jawerato yoina iamax jiwirin min jeman moa keyotires itina?
¿Jawekeskaaxomein nato yoinabo iamax jiwibo keyonaketian non koiranti iki? Neno
min shinan wishawe.

13
14
15
 Raroraroshamankin kirika tee atibo

1 Yokabo yoiwe.

Wishabo min yoyo akainko, ¿jawekeskaaxonki jonibaon wame yomerai?

2 Maxkatabo wishakin bochoawe.

¿Jawe jakon jawekiboki wamen noa meniai?

Jawen nami

Jawen jana

Jawen
ranxkanbo

3 Nato maxko wisha makeki ika yoyo awe.

Make riki westiora yapa jawen xetabo kikin kensho.

Nete jonibenatianronki apaokanike jonibaon,
chichikanin atin make xetan jawekibo xatekin.
Maken xeta riki kikin kere kimisha paroyabo, janra
akai nami ishton xatekin itan xaobo morox akin.

Maken xetabo ikebetin kikin kensho, ¿jawekopiki wame natexkin pakexbainti

atipanyama?

16
4 Chitemeran wishakin bochoawe.

¿Jawekeska jisarin? ¿Jawekeskaaxonki jawekiai?

Wame

¿Jawerano jaarin? ¿Jawe jakon jawekiboki noa

meniai?

5 Chitemeran JATIBI shinanbo min wishaa westiora shinanbicho akamein,

¿jawerato iti iki? Ikon yoiya ninkaxon ashtaawe.

a Wamen jaskara b Ani wamen ranenke c Wamen jawekiaibo

jisabo itan jakon itan jawen iwe. itan jaskati
jaweki noa panataibo.
meniaibo.

17
 Anemia isin onanon akanwe
Kanan Meni betan Chonon Jabenra raonmeti xobon kaxon westiora ani kirika anemia isinki
yoyo ika taxnata merake.

¡Chonon Jabe, oinwe!

Joi ninkamamisai ani
kirika taxnankana. Ikoinra, Kanan Meni.
Jonibo tsinkiti chania,
anemia isin jato yoinoxon.
Nato tsinkitiainra nokon
papabo betan ea joibake.
Ramara nokon titan mesko
akinbo yoa akai.

Ikon, ¿nokon titamein

nato tsinkitiain moa joa
iki?, ¿jakopimein rama
mesko akinbo yoa akai?

Xobon kaira, Kanan Meni betan Chonon Jabe neskati yoyo ibekonke:

Jaweti netera ibirai nokon Kanan Meni, min titan keskara

titan yoinabaon jimi itan taka jakon akin shinanxon jaskarabo
yoa akin peowa. Jaboronki yoa akai. Jawekiatibo takaya
iamax jimiya meskoxon yoa
iki anemia isiman ikin jakon
akanabo riki jakon, non jiminko
jawekiati. Nokon titanra shinanai hierro maxkata noa meniai kopi.
ea anemia isinya, jatibitian Non jiminko hierro yamaxra noa
paxkinai ea oinnai kopi.
1 anemia isiman iki peokotai.
2

Chonon Jabe, yoina taka Jakon riki. Ikaxbi, rokotoroninra

itan jimi yoa akanabora yoiyai paxnareskinbi wetsatianbo
non onanyamaresai jaweranobi noa
ea pikashamai, isinaima
chexakayamai kopi. Noa neskatai
ixon. Enra jakon akin jawekibora itipanke onanti noa
kirika akai itan jaweranobi anemia isinya. Nato isimanra
chexakayamakinra nokon cheamaxon noa jakon animayamai
papabo en tee akinai. 3 itan wetsa jakoma isinboribi noa
4
menti atipanke.

Taka itan jimi yoa akanabora nokon

Mia yoinon, taka iamax jimi yoa keenmaribi iki, ikaxbira nokon
akanabo riki nokon keenma. keenshaman pitibo betan meskoxon
Tenexon en pikasabi riki atikoma. en piai. Minribira jaskaaxon piti
Nokon titan pimakasai atipanke.
jawekiatibora ea pikashamai, Eara anemia isinya ikashamai
eara pikasai nokon keen pitibo. 5 jakopira taka yoa akanabo en
tenexon piai. 6

18
Raroraroshamankin kirika tee atibo

1 Chonon Jaben yoiyainko, ¿jawekeskakinki anemia isiman non yora jakomati iki?

2 Westiora joni anemia isinya ixonmein, ¿jawerato jawekiati katoti iki?

Taka shee, aros, itanribi Papa shee, aros itanribi

a b
espinaca ensalada. siboria ensalada.

¿Jawekopikimein nato jawekiati katoti iki? Yoka yoinoxon bake rabe yoyo ibekona
yoyo aribawe.

3 ¿Jaweati raonmeti xobon ani kirika taxnankanarin?

a Anemia isin onani tsinkikanon ixon jato chaniti kopi.

b Jatibi bakebaon jimi tsekaxon análisis ati kopi.

c Kikin hierro ichaya jawekiatibo jato meniti kopi.

4 Nato wishaa, joibo ninkamati ani kirikain ika yoyo aribawe.

¡Non yora riki reken!

¿Jawe yoikasi ikarin nato wisha?

5 ¿Jawerato yoabo min jeman ika jawekiakinmein anemia isin non bechitenti iki?
Onanoxon, min jemamea jonibo yokawe. Mia yoikanabo wishaxon min anibo yoyo
akinwe.

19
 Manan jonibaon jawekiati peokoni onanti
Wetsa yamekirironki, westiora axeti xobomea bakebaon jaton xeayosma xeati xeakana iki.
Jatian jawe xeati akanarin ixon onankaskinronki bakebaon jaton axeamis yokakana iki.

Ja riki cañihua xeati. Nato yoa riki

ani manainbo banakanai, jakoinra
Axeamis, xeatira noe noebires
jawekiati. Cañihua jaskatax peokoni
iki. ¿Jawe xeatirin?
yoikin wishakana riki jakoinra, yoyo
anon akanwe.

Minribi yoyo awe.

Texto ganador del concurso

“Mis lecturas favoritas”

Maxo naikan kani

Wetsa neteronki, westiora maxo ian kexa kenitax onis onisa iki. Jaskakinbironki aka iki,
naikan ika jonibo pishta akax ransai itan jawekiai iikanaibo jene bexnanmeran oinnkin.
Jaskara merakenbironki, westiora ani ishmin ian kexa paketoshita iki, onpax xeai.
Pakexon, maxo ian kexa kenita oinxon yokata iki.
—¿Jaweki akirin mia, chanshoko maxo?
—Nai bochiki pishta akax rarokanaibo oinnira ea iitai, kakasabira katikoma iki.
¿Jawekopiki mia ea iweyamai, chanshoko ishmin? —aronkia iki maxokan.
Jaskaa joi ninkaxon itan akinmisti shinan ikiranketianronki ishminman maxo yoiya iki,
jawen pekain perakati. Jaskaaxon naikan noyakina iki. Nokoxonronki, noe pitibo itan
xeatibo jato betan akonbireskin jawekia iki. Jaskaribi raroshaman ransaa iki.
Moa yantainra iketianronki, jonibo raroi saa ikanainko ishminman maxo benaa
iki. Nokoxon yoiya iki, chanshoko maxo, noa kati orara moa nokoke, kanon kawe.
Jaskaaronki maxo jokashama iki ransaresti shinanya ikax, jaskataxronki naikan baneta
iki.
Jaweti ora pishta moa keyota pekaoronki, maxo pikasribia iki, jaskarain wishtin
ainbaon xobon merati kaa iki. Kaketianronki, wishtin ainbaon maxo pikasai oinxon
westiora mapó kenti itan westiora cañihua bero menia iki ja xeatiati kopi. Jaskara
menia ratekainxonronki maxokan cañihua bero oinna iki itan ja beroshokon potoyamai
kai shinankin, wishtin ainbo neskaa iki:
—¿Min shinanaki nato westiora cañihua beroshokon ea pototai? Natonra ea nati ati
jisamabobi iki.

20
Wishtin ainbo oke bechia
oinxonronki,
maxokan chonka
cañihua bero
ishton bitanan
kentikan nepota iki.
Jaskaaxonronki, pikasi poko choo iiyananbi

Texto adaptado para fines pedagógicos. Título del texto: “Zorro que fue al cielo”. Autor/adaptador: Nelson Mamani Clemente.
maxokan cañihua xeatiakin peowa iki. Ja xeati ikai
chiwinironki ika iki xonxin iiti raroshaman.
Jaskakenbironki, cañihua xeati boabati peokota iki main shoo ibotani. Jaskataironki
raroanan maxokan kentikamea xana ikenbi taxotan taxotankin jawekia iki, jan shinana
iki paxkinyamakin keyoti. Ikaxbi, raroshaman shinan iwanaronki ika iki masa shinanti
jaweki baneti, cañihua xeati boabati jeneyamakinronki xobo bochoa iki, jaronki
maxokan bechitenti atipanya iki.
Jatian jawen xobo cañihua xeati bochoa oinnaxronki wishtin ainbo sinata iki, jaskaaxon
maxo sina iki neskakin:
—¿Jawekopiki ichaira cañihua bero kentikan min nepota? ¿Miaki en senen
meniyamawana? ¡Ramara, nato xeati shoo ika mawexon keyo min xaeti jake!
Jaskaaronki, maxokan rabinkin itan masa shinankin, ishton main joti shinana iki. Ikaxbi,
tson iweti yamaketianronki risbi nenke bena iki, meraxon, wishtin ainbo yoiya iki, main
paketi kopi akinti.
Jaskaa jeen axon, wishtin ainbaon maxo risbikan nexa iki, jaskatananronki jainmashoko
pakea iki. Chonka mitoro moa main nokoti maxkakebironki, maxokan westiora bawa
noyai oinxon ichata iki:
—Shaa.¡Bawa jatsan! ¡jana tonko!
Maxo jaskati shiroketianronki, bawa kikini sinata iki, jaskaaxonronki risbi xatenankin
peowa iki. Risbi moa tesetai oinaxronki, maxo koshin sai ika iki:
—Jeee. ¡Kobija ea peanxonkanweee! ¡Eara paketai! ¡Ea akinkanwe!
Sai ikaironki tsonbi ninkayama iki. Kikin bis ikirani joaxronki, makanki paketa iki. Cañihua
potoakin xearonkin ika iki kikini jarass ikaini, jaskatax jatibi nato main janbisbaina iki.
Manan yosibaonra yoiyai jaskatax ani manan ikain cañihua yoa peokoni.

21
 Leyenda yoyo akin keyoa pekaora, axeamisnin nato yokabo ake. Minribi yokabo yoiwe.

1 ¿Jawekopiki maxo naikan kakasa iki?

2 Isá Wenin yokata iki.

Maxo ika ikebetin naikan icha jawekiatiya,

¿jawekopiki main joriba iki?

3 Sanken Kabira neskati yoyo ike:

¡Bawanra jawen xetan maxo risbi

xatenanike, jaskaxonra pakemanike!

¿Jaskaaxon bawan maxo pakemaniki min shinana jakon iki?

4 Leyenda yoyo aka pekao, bawa, maxo iamax ishmiman jane wishawe, jaton jaskara
jisabo yoiya patax.

Kopimis Ichamis

Jawekiakas Icha jawekinin keen

Akinmis Joibo ninkaxonmis

5 Wishabo min yoyo akainko, ¿jawekeskataxki cañihua matsi manan ikainbo peokota iki?

22
Axeti xobonko
Westiora bakeronki cañihua xeati xeakashama iki. Jatianronki, axeamisnin westiora jakoinra wisha
jato menia iki, cañihua yoakan jakon jawekibo non yora meniai onankanti kopi.

Nato yoka yoiwe.

6 Sanken Kabira neskati yoyo ike:

Netibi cañihua xeati xeaira ea moa jatsanke.

Wetsaresbiakin yoa axon jawekiara jakon iti iki.

¿Jawekeskaakin yoa axonboki Sanken Kabin cañihua jawekiati atipana?

7 ¿Jawekeskarainki jaskara jisaboribi yoiya iki nato leyenda “Maxo naikan kani” itan
“Cañihua: matsinkonia jakoinra yoa” ika wisha ikain?

23
 Yoinmetai kayabo onanti
Westiora jemanronki, yoinabo retekas ranon niimeran kax benoke. Ja benakanaitianronki
jatiribi jemamea jonibo neskati yoyo ikanke, natotianra ja ranon Choyachakin moa beyosa
itinke.
Axeti xobonko
Axeamis itan bakebaonribironki masa shinankana iki ranon pikoyamaitian. Jatian jaskara
jawekibo winotaitian jawekeskarin Choyachaki ixon orichabo onankanti kopironki nato
wisha yoyo akana iki. Minribi yoyo awe.

Nii yoshin
Non paromea niibo ikainra westiora nii yoshin jake,
jawen jane riki Choyachaki.
Choyachakira jawen koshi shinanman yoinabaon
iamax non kaiboboki yoinmeti atipanke, jaskaaxon
jato beparanti kopi. Ikaxbi ¿jawekeskaaxonki jonibo
beparanai? Westiora joni niimeran kax jabicho iitaira ikai,
Choyachaki ja jonin rareboki yoinmeti jaskataxra ikai jaiba
nokoti. Jatian jaskara oinnaxra ikai ja joni jawen rareboki
raroi, jaskakinra akai wetsa bainbires iweabi chibankin,
Choyachakibira ikenbi onanyamaxon. Joni beyosmaxonra
kikin kachio iweai. Moa ocho iweaxra ikai Choyachaki bain
kakatibi keyoriti, jaskaaxonra akai niimeran yoinabo onsa
ikain joni benomakin, jainoaxra jatiribi jonibo jawetianbi
moa pikoyamakanai. ¿Jawekopiki jato jaskai? Yosibaonra
yoiyai, Choyachaki niibo koirana yoshin. Jonibaon
niimeran kaxon yokaxonmabi yoinabo reteaironki sinatai
jaskaakinronki jato benomai. Wetsatianronki jaton
keenkin jato boai.
Wisha yoyo aka pekaora Isá Weni neskati yoyo ike:

En shinanara yoinabo ¡Eri, niimeran yoinabo

yomerai jonibobira jaskara
yomerakas ranon manota
winotai, ratekainxon yoyo
moa joyamai ati wisha riki nato!

1 ¿Jawerato shinan wishameran yoiyaki 2 ¿Jawekopiki Choyachaki onantikoma iki?

mepiarin Isá Wenin shinan?

¿Minki onana…? Chullachaqui jane riki quechua join ika. “Chulla” riki “senema” ika jatian “chaqui” riki
“tae” ika. Nato jane riki “tae senema” iki ika.
24
Nii Yoshin ika wishabo yoyo axon itan jawen yokabo yoiya pekaora westiora baken axeamis
yokake:

Ikama, Isá Weni. Onsa

yoshinbora ani manan
Axeamis, ¿onsa yoshinboki noa ikainboribi jake. Ramara
ika paronbicho jaa? wetsa wisha non yoyo akanai,
westiora mawa yoshin ani
manan koirana ini.

Minribi nato wisha yoyo awe.

Texto ganador del concurso
“Mis lecturas favoritas”

Texto adaptado para fines pedagógicos. Título del texto: “El cerro de la viuda”. Autor/adaptador: Claudia Labán Rivera.
BENOMAYA AINBAON MANAN
Piura jemamea joni Amador itan jawen awin Josefa, jaboronki jaton xobon itan ani mai pastoya
ikain raroshaman iikana iki. Jabaon keen jaweki ika iki wakabo inaati.
Ikaxbironki wetsa neten, Amador ishtonbires isinax mawata iki. Ja neten peoxonronki, Josefanin
mesko atikoma jawekibo nokoboa iki. Jawen onis shinanboronki tsonbi raroati atinpayama iki. Masabo
tenei sinaresironki ipaonike, tsoa jonibo yamanko itan matsinkobo kax noibatishoko kawantani.
Jawen shinamanresronki apaonike jawen bene manish meranbo benakin. Yankabires winiatani
jeneyamai. Niwe koshi itan paro xoo ikaiboki manakebironki, tsonbitani jakon joibo bexonyama iki.
Jaskara iikinbironki, wetsa neten ainbaon westiora xonxin wirish, kesten itan nenke ninkata iki:
Juiiiiiiiiiiíu…Juiiiiiiiiiiíu…. Jaronki ika iki jawen benen xonxin, jan wakabo tsinkipaoni. Jatianronki
benomaya ainbaon ja xonxin onanrestana iki. Nato xonxin riki nokon bene jaskati xonxin ipaoni.
Jatian, ja ainbo janbixbi yokakata iki.
—¿Tsoamein jaskati xonxin ike?
—Eara benoti atipanyamake. ¡Ja riki nokon benen xonxin!
Ratetax yakakainxonronki yankon manan mayamakin oinyanan ninkaribia iki. Jaskaaxonronki aka
iki xonxin mawakin: “Juiiiiiiiiiiiíu…Juiiiiiiiiiiíu…”.

25
 Jaskaaxonronki jawen shinan pontea iki nokon benen xonxin riki nato ixon. Basimabo manan winoironki
Josefa shinan tsokaska iki. Jaskaakin oinnabironki ika iki, nai koinman bari mapoa ikain westiora ota
jawen benen yora jisabi itina. Ja kaya otaki yoinmetaronki ainbokiri joi ochoma ochomakirana iki
itanribi chibanon ixon kenaa iki:
—Jowe, jowe… Ea chibanwe, nokon noi noma, aronkia iki.
Jatianronki winiananbi ja ainbo raroa iki, ota meran jawen benen yora oinnax, itananbi neskata iki:
¡Ja riki nokon bene, jakopi ea ikonbiresi onisai! ¡Nokon benera en akonbireskin benapachoai!
Jaskaatanaronki ainbaon jawen waka inaabo ishton tsinkia iki, jaskatax nai koin otaki yoinmeta kaya
chibani kaa iki. Kayanronki aka iki ainbo kenatan kenatankin:
—Jowe, jowe… Ea chibanwe… nokon noi noma, akin.
Benomaya ainboronki tsonbi bechitenti jisama ika iki. Jawen waka inaabo ibin ibinbainironki, kaya pekao
kaa iki. Jatian Yankon Manain nokotaxronki ika iki, westiora ani ian kexa kax kenitini. Jaskakebironki,
ja ainbo jatibi jawen wakaboyabi ian yoshinman biakebaina iki. Jaskataxron jawetianbi moa pikoyama iki.
Jaskarainxon peoxonronki, Yankon Manan rama “Benomaya Ainbaon Manan” akin janekanai. Tsoa
jonibironki ja manaman kakashamai, jain xonxin ikai, osanai itan chexakati waoo ikaibo ninkakanai
kopi. Wetsa jonibaonronki jain westiora ainbo kikin metsa itan wiso chopa saweya oinkanai. Joni
winotaiboronki akai jato kenakin, jaskataibironki tsonbi chibantima yoikanai.

Wishabo yoyo akin keyoa pekaora axeamisnin nato yokabo ake. Minribi yoiwe.

3 Nato yoka yoiwe.

Wishabo min yoyo akain, ¿jawekopiki ainbaon jawen bene mawatama shinana iki?

4 Chitemeran ika yokabo yoiwe.

Nii yoshin Benomaya Ainbaon Manan

¿Tsoarin nii
iamax ani manan
koirana?

¿Jawekeskaxonki
yoshinbaon
jonibo beparanai?

26
27