Xie Jun
Xie Jun | |
---|---|
![]() | |
Persona informo | |
Naskiĝo | 30-an de oktobro 1970 (53-jaraĝa) en Baodin |
Ŝtataneco | Popola Respubliko Ĉinio ![]() |
Alma mater | Pekina Pedagogia Universitato ![]() |
Okupo | |
Okupo | ŝakisto politikisto ![]() |
XIE Jun (ĉine 謝軍, naskiĝis la 30-an de oktobro 1970 estas ĉina ŝaka grandmajstro. Ŝi havis du regadojn kiel virina mondĉampiono de 1991 ĝis 1996 kaj denove de 1999 ĝis 2001. Xie estas unu el la tri virinoj, kiuj havis du regadojn dum malsamaj periodoj la aliaj estas Elisaveta Bykova kaj Hou Yifan.
Kariero
[redakti | redakti fonton]Xie komencis ludi ĉinan ŝakon kiam ŝi estis ses jaraĝa kaj antaŭ la aĝo de 10 ŝi fariĝis la ĉinŝaka ĉampiono de la knabinoj en Pekino. Ĉe la instigado de registaraj instancoj, ŝi komencis ludi internacian ŝakon. Malgraŭ indiferentaj trejnadŝancoj, Xie fariĝis ĉina knabina ĉampiono en 1984. En 1988 ŝi kundividis la duan pozicion ĉe la Monda Juniora Ŝaka Ĉampionumo en Adelajdo, Aŭstralio.
En la aĝo de 20 Xie gajnis la rajton defii la virinan mondĉampionon kaj en 1991 ŝi venkis Maia Chiburdanidze el Kartvelio, kiu havis la titolon ekde 1978, ŝi gajnis per poentaro de 8½-6½. En 1993 ŝi sukcese defendis la titolon kontraŭ Nana Ioseliani (venkante en la matĉo 8½-2½). Ŝi perdis la titolon kontraŭ Zsuzsa Polgár el Hungario en 1996 (8½-4½) sed reakiris ĝin en 1999 venkante alian ĉampioninon, Alisa Galliamova (8½-6½), post kiam Polgar rifuzis akcepti matĉajn kondiĉojn kaj perdis sian titolon. En 2000 FIDE ŝanĝis la formaton de la mondĉampionumo al knokaŭta sistemo kaj Xie gajnis la titolon denove, venkante en la finalo la samlandan ĉinan ludanton Qin Kanying per 2½-1½.
En Kantono dum aprilo 2000, la virina ĉampiono Xie ludis matĉon kun iama mondĉampiono Anatolij Karpov. Nomita "Virina kontraŭ vira turniro", la matĉo konsistis el kvar ludoj ĉe normalaj tempokontroloj kaj du rapidaj ludoj. La kvar-matĉa parto estis gajnita de Karpov per 2½-1½ (1 venko kaj 3 egalvenkoj) kaj la rapida parto ankaŭ estis gajnita de Karpov per 1½-½ (1 venko kaj 1 egalvenko).[1]
Heroo en Ĉinio, Xie fariĝis vaste konata pro ŝia optimismo kaj viveca ataka stilo. Ŝia sukceso multe popularigis internacian ŝakon en Ĉinio kaj Azio. Xie Jun pruvis esti la unua el kelkaj fortaj ĉinaj virinaj ludantoj la aliaj estas Zhu Chen, Xu Yuhua kaj Wang Lei. Ŝi ankaŭ estis grava faktoro en la teamo de la ĉinaj virinoj, kiu gajnis la oran medalon ĉe la 33-a Ŝakolimpiko 1998 en Elista, Kalmukio, Rusio.
Inter virinoj, Xie estis la numero 2 aŭ 3 plej bone poziciigita en la FIDE rangolisto dum granda parto de sia kariero. En julio 2004, ŝi akiris la titolojn de Internacia Arbitracianto kaj FIDE Senior Trejnisto. En aprilo 2019 Xie Jun estis aprobita kiel nova prezidanto de la Ĉina Ŝaka Socio.
Persona vivo
[redakti | redakti fonton]Je la fino de la 1990-aj jaroj, Xie doktoriĝis pri psikologio en la Pekina Universitato. Xie Jun nun uzas la plej grandan parton de ŝia tempo laboranta kiel oficialulo pri la Pekina Sportkomisiono, prizorgante ŝakludantojn kaj aliajn sportistojn. Xie Jun edziĝis kun sia iama trejnisto Wu Shaobin. Ŝi nuntempe estas la prezidanto de la Ĉina Ŝaka Asocio.
Referencoj
[redakti | redakti fonton]- ↑ the week in chess 284 (angle). London Chess Center. Arkivita el la originalo je 2008-06-11. Alirita 2020-10-13.
Eksteraj ligiloj
[redakti | redakti fonton]- Oficiala blogo
- Xie Jun profilo kaj Elo-nombro ĉe la FIDE
- Xie Jun ĉe OlimpBase
- Xie Jun profilo ĉe ChessGames.com
- Xie Jun profilo ĉe 365chess.com
Antaŭe: | Ĉina Virina Ŝaka Ĉampiono | Poste: |
---|---|---|
Qin Kanying | 1989 | Peng Zhaoqin |
Antaŭe: | Monda Virina Ŝaka Ĉampiono | Poste: |
---|---|---|
Maia Chiburdanidze | 1991-96 (unua periodo) | Zsuzsa Polgár |
Antaŭe: | Monda Virina Ŝaka Ĉampiono | Poste: |
---|---|---|
Zsuzsa Polgár (vaka) | 1999-2001 (dua periodo) | Zhu Chen |