Ursulo de Kolonjo

Sankta
Ursulo de Kolonjo
Persona informo
Naskiĝo	4-a jarcento en Kornvalo
Morto	385 en Kolonjo
Mortis pro	Hommortigo vd
Tombo	Hospitalo de Sankta Johano Katedralo de la Ĉielenpreno de Madono vd
Lingvoj	kornvala • bretona • latina vd
Ŝtataneco	Roma regno Dumnonia vd
Familio
Patro	Dionotus (en) vd
Edz(in)o	Conan Meriadoc (en) vd
Infanoj	Gadeon (en) vd
Profesio
Aktiva dum	4-a jarcento–4-a jarcento vd
Sanktulo
Festotago	21-a de oktobro
Atributoj	sago
Patroneco	virgulinoj
vd	Fonto: Vikidatumoj

Martireco de Ursulo kaj de ŝiaj kamaradinoj

Sankta Ursulo de Kolonjo, patronino de la virgulinoj, laŭlegende estis kristana bretonia princino de la 4-a jarcento, kiun volis edzinigi nekristana princo el Anglio (eble el la kelta regno Dumnonia en Kornvalo). Ŝia signo estas la sago, ŝia memortago la 21-a de oktobro. Plej konata bildo pri ŝia martiro estis pentrita de Vittore Carpaccio (Akademio de Venecio).

Vivo

Dezirate fare de nekristana princo de Anglio ŝi petis kaj ricevis tri jarojn da pripensotempo. Dume ŝi pilgrimis kun laŭlegende 11 000 virgulinoj, ĉiukaze en granda pilgrima grupo, boate per la Manika markolo kaj la Rejno tra Kolonjo al Bazelo kaj poste piede ĝis Romo. Revenante ili estis atakitaj fare de armeo de Hunoj proksime de Kolonjo.

Klarigo pri la legendo

Verŝajne tiu ĉi legendo devenis el enskribaĵo ĉe la Kirko Sankta Ursulo en Kolonjo pri martira morto de virgulinoj el la 4-a jarcento. Tiu ĉi preĝejo estis iama konvento (ĝis 1802). Ekde 1155 skeletoj amase - inter ili ankaŭ viraj - estis elfositaj sur la kampo Ager Ursulanus. Paralele estis notita revelacio privata de la abatino Elisabeth von Schönau; ambaŭ aferoj intermiksiĝis kreonte legendon mirindan.

Memorigo

En la nuntempa geografio, aparte la virgulinaj insuloj, dividitaj inter Portoriko, Usono kaj Britio, en la Kariba Maro memorigas pri la virgulina pilgrima grupo de la princino Ursula.

Fontoj

• Meyers Großes Konversations-Lexikon, Band 19. Leipzig 1909, S. 967, kio legeblas interrete tie ĉi.