Tossa de Mar
![](http://upload.wikimedia.org/wikipedia/commons/thumb/a/a3/Spain_Costa_Brava_Tossa_De_Mar_WV_Banner_1.jpg/775px-Spain_Costa_Brava_Tossa_De_Mar_WV_Banner_1.jpg)
Tossa de Mar | |
---|---|
Flago | Blazono |
Tossa de Mar | |
municipo de Katalunio | |
Ŝtato | ![]() |
Aŭtonoma Komunumo | ![]() |
Provinco | Barcelona |
Komarko | Selva |
Poŝtkodo | 17320 |
Areo | 38,6 km² |
Alteco | 5 m. |
Distanco | 75 km de Barcelono |
Loĝantaro | 6 206 loĝ. (2023) |
Retejo | http://www.tossademar.cat |
Koordinatoj | 41° 43′ 14″ N 2° 55′ 55″ O / 41.72056 °N, 2.93194 °O (mapo) |
![]() | |
Tossa de Mar estas vilaĝo kaj komunumo en la komarko Selva en la provinco Ĝirono en Katalunio (Hispanio).
![](http://upload.wikimedia.org/wikipedia/commons/thumb/3/35/Tossa_de_mar.png/220px-Tossa_de_mar.png)
Geografio
[redakti | redakti fonton]Tossa de Mar situas ĉe la bordo de Mediteraneo kaj estas unu el la elstaraj lokoj de la marbordo Costa Brava, pro la beleco de siaj plaĝoj kaj sia historia kulturheredaĵo. Ĝis 1985 la loko nomiĝis simple Tossa.
Priskribo
[redakti | redakti fonton]Ekonomie en Tossa de Mar plej gravas turismo. Krome la lokanoj laboras en agrokulturo (iam la produktado de korko estis esenca) kaj fiŝkaptado. La turismon forte stimulis la tiea kreado de la kinofilmo Pandoro kaj la Fluganta Holandano, kun Ava Gardner kaj James Mason, reĝisorate de Albert Lewin.
![](http://upload.wikimedia.org/wikipedia/commons/thumb/9/9e/Tossa_de_Mar_playa.jpg/250px-Tossa_de_Mar_playa.jpg)
Vidindaĵoj
[redakti | redakti fonton]Ĉefaj vidindaĵoj estas la mezepoka kvartalo ene de la muregoj kun diversaj turoj, municipa muzeo en unu el ili, ruinoj de romia vilao, kaj spektinda panoramo el la enmurigita monteto, sur kiu lumturo kun propra muzeeto. En la ĉirkaŭo estas markitaj diversaj padoj por monta marŝado kaj eblas navigi per turismaj ŝipoj. Estas tri strandoj maldekstre de la antikva kvartalo kaj unu pli trankvila dekstre de tiuj inter du rokomontoj. Multaj hoteloj kaj gastejoj servas al multaj turistoj.
En Tossa de Mar okazis la 15-a Internacia Esperanto-Semajno de la Kulturo kaj Turismo en 2007; ankaŭ la 25-a Internacia Semajno en 2017 okazis tie.
Famuloj
[redakti | redakti fonton]En la komunumo mortis hungardevena trejnisto pri akvopilko András Zólyomi.